15 Nuumala wiiraneya itthu iya, Yehova aahilavula ni Abramu okhalaka ntoko Abramu owo aamuloha, ohimyaka wiira: “Abramu, muhoove.+ Miyo kinimookhapelelani.+ Otthuveliwa wanyu onrowa okhala wuulupale”.+

2 Ohiyu omosa, Muluku aahilavula ni Isarayeli iiraka: “Yakobe, Yakobe!” Nto owo aahaakhula wiira: “Miyo-va!”

9 Moise ni Aroni, ni Nadabi ni Abihu, ni axitokweene 70 a Isarayeli, yaahiwela vamwaako, 10 anweha Muluku a Isarayeli.+ Vathi va inawu sawe, aahinyakela etthu yaalikana ni nluku noowaarya nniihaniwa safira. Nluku nlo, naari noowaarya ntoko wiirimu ohikhanle meeku.+ 11 Owo khaawiirinhe etthu yootakhala alopwana ale a Isarayeli yaathanliwe.+ Awo yaahoonihiwa Muluku eekeekhai, yaahilya ni yaahiwurya.