• Otumererya 4:34
    Biibiliya a Elapo Esya a Soolempwa Soowaarya

    • 34 Niireke Muluku owo ootoko weererya okumiha nloko eriyari ya nloko nikina? Niireke Muluku owo ohaaphukela atthu owooniheryaka ithoonyeryo, miiriirya,+ ekhotto,+ ni ooniheryaka owerya wawe+ ni ikuru sawe, vamosa ni itthu soowoopiha,+ ntoko Yehova Muluku anyu owiirenlyaaweni wExiitu, moonaka ni maitho anyu?

  • Nehemiya 9:10
    Biibiliya a Elapo Esya a Soolempwa Soowaarya

    • 10 Tivo, moopaka ithoonyeryo ni miiriirya wiira mmuhukhumu Farawo, arumeyi awe ootheene ni atthu ootheene a elapo awe,+ okhala wiira mwaahisuwela wiira yaanaahaaxa atthu anyu.+ Nave moosuweliha nsina nanyu, nenlo ninsuweliwa oratteene mpakha olelo-va.+

  • Isaalimu 105:27-36
    Biibiliya a Elapo Esya a Soolempwa Soowaarya

    • 27 Awo yaahipaka miiriirya sa Muluku ohoolo wa atthu,

      Yaahipaka miiriirya sawe, mulaponi mwa Khami.+

      28 Aahikumiherya epiphi, nto elapo ele yaahiriipela;+

      Awo yaaniiwelela moolumo awe.

      29 Owo aahitatuxa maasi a wExiitu, khukhala ephome,

      Nave aahiiva ihopa saya.+

      30 Elapo ele yaahisareya anaphulu,+

      Mpakha ophiya ikwartu sa mwene.

      31 Owo aahaaruma aphuure,*

      Ni apwilimwithi wiira ahonone mittetthe saya.+

      32 Aahitatuxa epula, khukhala maralala,

      Nave aahikumiherya etari* mulaponi mwaya.+

      33 Aahihonona imatta saya sa ewuuva ni miri saya sa efiiku,

      Nave aahintakasa miri sa mmuttettheni mwaya.

      34 Owo aahilavula wiira okhumelele nasope,

      Aayo, nasope munceene.+

      35 Nasope owo aahikhuura itthu sootheene sikithi mulaponi,

      Nave aahikhuura itthu saaruweriwe mulaponi.

      36 Nuumala-vo, aahiwiiva anamwane ootheene oopaceriwa oyariwa, ni inama sootheene soopacerya ototholiwa mulaponi-mme,+

      Aayo, milipu sa ikuru saya sa oyara.