11 Vano awo yaahipacerya wiipa yaakhulelihanaka,+ amuttottopelaka ni amuxukhurelaka Yehova, “okhala wiira owo tooreera murima; nave ophenta wawe woororomeleya oniwooniherya awe atthu a Isarayeli, onikhala mahiku ootheene”.+ Nto atthu ootheene yaahikhuwela vanceene amuttottopelaka Yehova, okhala wiira alisenso a empa ya Yehova yaahipaceriwa.

10 “Etthu onihimya awe Yehova, tiila: ‘Nyuwo munnihimya wiira opuro ola khonikhaliwa, khorina atthu nnakhala mihuwo, nave ipooma sa oYuda ni istaraata sa oYerusalemu khasiniviriwa ni khakhanle atthu nnakhala inama. Masi kinoohimeeryani wiira atthu anootthikela-tho owiriyana 11 okhuwela woohakalala ni otteeliwa murima,+ nsu na noivu ni na noiva, nsu na atthu anihimya wiira: “Mmuxukhureleke Yehova a anakhotto, okhala wiira Yehova tooreera murima.+ Ophenta wawe woororomeleya onikhala mahiku ootheene!”’+

“Yehova onihimya wiira: ‘Awo anooruuha soovaha sooxukhurela mpaani mwa Yehova,+ okhala wiira kinimwaattikiherya elapo ela atthu yaaroihiwe weepotthani, ntoko woopaceryani’”.