8 Hirami aahiruma oleeliwa Salomooni wiira: “Kihiiwa moolumo murumme anyu wiira kileeliwe. Kinoopaka ele muniphavela anyu, kooruuhelakani matera a eseeturu* ni matera a xuniiperu.+ 9 Arumeyi aka anoolovola miri iyo okhuma oLiibano mpakha mphareya. Nto miyo kinimweettiha miri iyo mphareya ntoko ekalawa mpakha opuro munrowa anyu okithoonyerya, weiwo kinootaphula miri iyo wiira nyuwo mukuxeke. Vano mpantta aka kiniphavela wiira mwaavaheke eyoolya atthu a etthoko aka”.+