10 Nto, miyo kaahihimya wiira: “Nnaari Pwiya Muulupalexa Yehova! Tthiri, nyuwo muhaawoka atthu ala+ ni oYerusalemu, muhimyaka wiira: ‘Nyuwo munrowa okhalaka ni murettele’.+ Vano, hiyo nihanle wiiviwa ni espaata”.*

Nave atthu aka annisiveliwa ni etthu iyo.+

Masi munrowa opaka exeeni okathi itthu iya sinrowa aya omala?”

14 Nave awo anneererya oloola makhwatta a atthu aka, ariki:

‘Wookhala murettele! Wookhala murettele!’

Variki ohikhanle murettele.+

16 Etthu onihimya awe Yehova a anakhotto, tiila:

“Muhiwiriyane moolumo a maprofeta anooleelaayani.+

Awo anooleelani nlipelelo neethiru.

Nave atthu ootheene anitthara murima aya wootakhala, anihimya wiira:

‘Khiivo etthu yootakhala enrowa wookhumelelani’.+

8 “‘“Yehova onihimya wiira: ‘Nakhala nloko aahiiso omwene onrowa okhootta omurumeela Nabukodonosori, mwene a oBabiloonia, ni akhootta ohela muxikoni mwawe mwiri wa mwene a oBabiloonia, miyo kinoohukhumu nloko nno ni espaata,*+ etala ni ekwerere, mpakha waamala-maliha mmatatani mwawe’.

9 “‘“‘Tivonto, nyuwo muhaawiriyane maprofeta anyu, nnakhala anahako anyu, ale anileiherya itthu ni sooloha, nnakhala anamaxintta anyu, aahiiso akulukhana anyu, yaawo anooleelani wiira: “Nyuwo khamunrowa omurumeela mwene a oBabiloonia”. 10 Awo anooleelani eprofesia yoowootha, mwaha waivaavo, nyuwo munookuxiwa muroihiwaka ottaiwene ni elapo anyu. Kinimoomwara-mwaryani ni munrowa omala-malihiwa.

10 Sootheene iya mwaha woowi awo annaahapuxa atthu aka, ariki: “Wookhala murettele!” variki vahikhanle murettele.+ Okathi aniteka aya ixiri soohilipa, awo annisirikela ekaali’.*+

Hata vari siiso, awo anihimya wiira anlipa ni Yehova, ariki:

“Kiira Yehova ori ni hiyo?+

Khiivo ehasara enrowa onikhumelela”.+