6 Moottharelana, yaahimukuxa mwene,+ amuroiha wa mwene a oBabiloonia, oRibla, nto yaahimulamula. 7 Awo yaahiwiiva anamwane a Sedekiya ohoolo wawe. Nuumala-vo, Nabukodonosori aahisyoola maitho a Sedekiya, omutthukwa ni ikwirinti sa ekoopiri, omuroiha oBabiloonia.+

17 Vano mwene Sedekiya aahiruma oroweliwa Yeremiya, nto mwene aahimukohakoha voohisuweliwa owannyawe.+ Owo aahimukoha wiira: “Niireke Yehova ohooleelani etthu?” Vano Yeremiya aahaakhula oriki: “Aayo!” Nave aahincererya oriki: “Nyuwo munoovahereriwa mmatatani mwa mwene a oBabiloonia!”+

5 Masi anakhotto a oKhaldeya yaahiwoomola anvara Sedekiya opuro woowaataleya wa oYeriko.+ Awo yaahinvara amuroiha wa Nabukodonosori mwene a oBabiloonia, oRibla,+ elapo ya oHamati,+ weiwo yamphukenle aya. 6 Mwene a oBabiloonia aahiruma wiiviwa ohoolo wawe anamwane a Sedekiya oRibla. Nave mwene a oBabiloonia aahiruma wiiviwa athaaciri ootheene a oYuda.+ 7 Moottharelana, owo aahisyoola maitho a Sedekiya, omutthukwa ni ikwirinti sa ekoopiri, omuroiha oBabiloonia.+

9 Moottharelana, yaahimukuxa mwene amuroiha wa mwene a oBabiloonia, oRibla, elapo ya oHamati, nto owo aahimulamula. 10 Vano mwene a oBabiloonia aahiwiiva anamwane a Sedekiya ohoolo wawe. Nave owo aahiwiiva makhulupale ootheene a oYuda, oRibla weiwo. 11 Nuumala-vo, mwene a oBabiloonia aahisyoola maitho a Sedekiya,+ omutthukwa ni ikwirinti sa ekoopiri, omuroiha oBabiloonia. Nto aahimutthukwela mukhatteya mpakha nihiku aakhwiiye awe.

20 Kinoomurihela ntthavi naka, nave owo onoovariwa muntthavini mwaka nooxaya.+ Kinoomuroiha oBabiloonia, nto owo onophukeliwa weiwo mwaha wa ohiroromeleya wawe okiirenle awe.+