22 “‘Muhaana wiiwelela malamulo aka ni weemererya+ maphukelo aka.+ Mwiira siiso, nyuwo khamunrowa woomoliwa+ elapo kinooroihaakani wiira mwakhaleke.

63 “Ntoko siisaale Yehova aahakalanle awe ooreelihakani wiira muncerereye, siiso-tho, Yehova onoohakalala woopwetexani moomalela. Nave munimwaakhiwa elapo munrowa anyu okuxa.

64 “Yehova onimoomwara-mwaryani eriyari ya maloko ootheene, okhuma opacenrye elapo mpakha omalenle aya,+ weiwo munrowa anyu waarumeelaka amuluku a matera ni a maluku, yaawo nyuwo ni amuhavinre anyu ahinaasuwela aya.+

15 Masi, siisaale itthu sootheene sooreera, Yehova, Muluku anyu, ooleihenryaaweni, siiraneyale aya,+ siiso-tho Yehova onimookumiheryani ihasara sootheene* oleihenrye awe. Nave, onimoomala-malihani elapo yooreera Yehova, Muluku anyu, oovanhaaweni.+ 16 Akhala wiira munoohonona nivarihano na Yehova, Muluku anyu, oorummyaaweni weettela, ni mwarowa waarumeela amuluku akina, mwaakokhorelaka yaawo, nto Yehova, onoonanariwa vanceene ni nyuwo.+ Nave, nyuwo munoomala-mala voohipisa elapo yooreera oovanhaaweni”.+

6 Masi akhala wiira nyuwo ni aniinyu munoohiya okitthara ni munoohiya weettela sooruma saka ni malamulo aka koovahalyaakani, munarowa waarumeela amuluku akina, mwaakokhorelaka yaawo,+ 7 kinimwaakumiha atthu a Isarayeli elapo kaavanhe aka.+ Nave kinookumiha ohoolo waka, empa ela kireerinhe aka erina nsina naka.+ Nave-tho, atthu a Isarayeli anoothanyiwaka ni anootheiwaka ni atthu ootheene.+