Yesaya
50 Yehova onihimya wiira:
“Kiireke wiira yookhala etukumento+ ya omwalana kaavahale aka amaminyu, yaawo kiwoomonle aka?
Aahiiso ookhala mutthu kimukophenle aka, kootumihalyaakani wiira mukhale awawe?
2 Nto xeeni kahamphwannye aka mutthu okathi kaarwaale aka?
Xeeni ohikhanle awe mutthu aakhunle okathi kiihana aka?+
Niireke moono aka ti wootepa okhuveya, ohiniwerya awe woopola?
Aahiiso, nkirina owerya wiira kimoopole mutthu?+
Miyo kinnilavula, nto ephareya ennuuma;+
Kinnitatuxa miro, khukhala othako,+
Ihopa sinnintta mwaha woohikhala maasi,
Nave sinnookhwa mwaha wa ovoliwa ntthona.
3 Kinniwariha erimu ni epiphi,+
Kinnikhuneela ni esaakho”.
4 Pwiya Muulupalexa Yehova,
Ookiixuttiha moota woolavula moolumo+ anaakurunuxa murima ale akhulumunwe.+
Owo onnikivenxa khula voosiisu,
Wiira okivahe malakiheryo.+
Miyo nkaamurenrye ettuli.+
6 Kaahaatheteerya ettuli aka, ale yaakimana,
Nave kaahaatheteerya malaku aka, ale yaakaasula ereru.
Nkiwiipithinhe owiitho waka, ale yaakiiriha itthu soowuuliha muru ni yaakisenela.+
7 Masi Pwiya Muulupalexa Yehova, onookikhaliherya.+
Tivonto vahinrowa aka wuuliwa muru.
Koolipiha owiitho waka ntoko nluku noolipa vanceene.+
Nave koosuwela wiira nkinrowa wuuliwa muru.
8 Ole onikihimya okhala naxariya ori vakhiviru.
Ti pani oniwerya ohimya wiira kookhalana mulattu?+
Nrowe neemele oowanli ahu wiira ophukiwe mulattu ahu.
Ti pani orina mulattu ni miyo?
Mutthu owo okaattamele.
9 Mwiiwe! Pwiya Muulupalexa Yehova, onookikhaliherya.
Ti pani onrowa ohimya wiira kookhalana mulattu?
Awo anoomala-mala, ntoko ekuwo yoowiiswaala.
Awo anoolyiwa oweexe.
10 Ti pani eriyari anyu onimoova Yehova,
Ni oniiwa nsu na murumeyi awe?+
Niireke okhala oneetta opuro wooriipela vanceene, ohikunxe muthuko?
Mutthu owo ororomeleke nsina na Yehova ni omulipaneke Muluku awe.
11 “Nyuwo ootheene munipattiha mooro,
Mweetteke mmwaleeliwaka ni mooro anyu.
Etthu munrowa anyu waakhela ekhumaka mmatatani mwaka, tiila:
Nyuwo munimummaathiki, moonaka owereya vanceene.