Yesaya
59 Mwiiwe! Moono wa Yehova khahiyo ti wookhuveya, vahiniwerya awe woopola.+
Nnakhala owaruni wawe khottiyanne,* vahiniwerya awe wiiwa.+
2 Soottheka sanyu ti siwiirinheni ovalaana ni Muluku anyu.+
Itampi sanyu ti simwiirinhe owiipithihani owiitho wawe,
Nave onnikhootta woowiriyanani.+
3 Matata anyu aananara ni ephome,+
Nave aananara ni soottheka.
Eyano anyu enlavula itthu soowoothiwa,+ nave nlumi nanyu ninnaapa itthu soohikhala sa xariya.
4 Khuuvo onaavya exariya,+
Nnakhala khuuvo onilavula ekeekhai otripunaale.
Awo aniroromela itthu seethiru+ ni aniroromela moolumo ahirina efaita.
Awo annirupala maxakha, enayara itthu sootakhala.+
5 Apalano aya ootakhala, anlikana ni maace a enowa yootakhala,
Nto maace anipwexiwa, enikhuma evili.+
Khula mutthu onikhuura maace awo onimookhwa.
Nave, awo annirumeela mikhoyi sa rataasi, wiira apake ikuwo.
6 Ekuwo eyo ya rataasi anipaka aya, khanrowa owara,
Nnakhala khanrowa wiikhuneela ni etthu eyo anipaka aya.+
Miteko saya ti sootakhala,
Nave anniira itthu sootakhala ni matata aya.+
7 Inawu saya sinnitthimakela opaka itthu sootakhala,
Annaakuvela owiiva atthu ahitthenke etthu.+
Miyuupuwelo saya ti sootakhala;
Awo annikumiheryana maxakha ni annaakhana itthu.+
8 Awo khanisuwela okhala ni murettele ni atthu akina,
Nave iphiro anivira aya, khasikhanle exariya.+
Annikottoopiha iphiro saya;
Khuuvo mutthu onivira iphiro iyo, onrowa okhalana murettele.+
9 Tivonto exariya enirakamenle aya,
Nave exariya khenniphwanya.
Ninnilipelela waarya, masi nimphwanya epiphi;
Ninnilipelela okokola, masi nneetta mweepiphini.+
10 Ninnaapapela exiri ntoko atthu ahinoona;
Ninnaapapela ntoko atthu ahirina maitho.+
Ninnikwattuliwa* othana eriyari, okhalaka ntoko nri veepiphini ohiyu;
Eriyari ya atthu oolipa, hiyo ninkhala ntoko atthu ookhwa.
11 Ootheene ahu ninninla ntoko mwaamunama oniihaniwa ursu,
Nave ninnuupulela ntoko ipompa.*
Hiyo ninnilipelela exariya, masi ninlipelela mahala ene;
Ninnilipelela woopoliwa, masi khannoopoliwa.
12 Hiyo ninnisuwela oratteene ohiiwelela wahu;+
Itampi sahu sootheene, sinnooniherya wiira nookhalana mulattu.+
Ninnisuwela saana wiira khaninwiiwelelani;
Nave ninnisuwela saana itampi sahu.+
13 Hiyo noottheka ni noomukhootta Yehova;
Noomuhiya Muluku ahu.
Naanilavula sa waahaaxa atthu ni ohimwiiwelela Muluku;+
Hiyo naanuupuwela wootha, nuumala-vo, naanootha.+
14 Atthu annikhootta wiira exariya,+
Nave exariya eri ottaiwene;+
Khuuvo onilavula ekeekhai nipuro noowaatta atthu,
Nave naxariya, khoniwerya orowa nipuro nlo.
15 Ekeekhai yoomala-mala,+
Nave khula mutthu onikhootta itthu sootakhala, onnaakhiwa itthu sawe.
16 Aahiweha wiira khaakhanle mutthu wiira aakhaliherye,
Nave, aahitikinihiwa oweha wiira khuuvo aakhaliherya atthu awo.
Tivonto, aahiruuha woopowa ni moono awe.
Nave exariya awe, yaahimwiiriha opaka etthu.
17 Nuumala-vo, aahiwara exariya ntoko ekuleti ya eyuuma,
18 Owo onimwaaliverya ottharaka miteko saya:+
Onoonanariwa vanceene ni awanani awe,+ ni onimwaaliverya ale aninvirikanya.
Nave onimwaaliva atthu anikhala musisironi, etthu enaaphwanela.
19 Atthu anikhala mpantta onikela nsuwa, animoovaka nsina na Yehova,
Nave ale anikhala mpantta onikhuma nsuwa, animoovaka ovuwa wawe.
Okhala wiira owo onimoorwa ntoko muro wootupa,
Yoowo oneettihiwa ni ikuru sa Yehova.
20 Yehova onihimya wiira: “OSiyoni, onoophiya+ Moopoli,+
Onoophiya wa osuulu wa Yakobe, yoowo onihiya opaka itampi”.+
21 Yehova onihimya wiira: “Nivarihano kinrowa aka opaka naawo,+ tinla: Ikuru saka seiyo siri ni nyuwo, vamosa ni moolumo aka, yaawo kihenle aka vayanoni vanyu, khanrowa okhuma vayanoni vanyu, nnakhala vayanoni va aniinyu, hata vayanoni va axisulu anyu, okhuma olelo-va mpakha mahiku ootheene”. Yehova tonihimya siiso.