Yesaya
45 Etthu kinihimya aka miyo, Yehova, kimuleelaka Kiiru, yoowo kimuthanlale aka,+
Yoowo kinvarenle aka ntata nawe noolopwana,+
Wiira kixintte maloko,+
Kikuxe ikaruma sa ekhotto sa mamwene,
Wiira kimuhulele mikhora sirina masele manli,
Wiira mikhora iyo sikhale soohuliwa ene, tiila:
Kinimuntakasa mikhora sa ekoopiri,
Nave-tho, kinoothikila itaranka sa eyuuma.+
3 Kinimoovahani mihakhu sipwehiwe mapuro ooriipela,
Ni mihakhu sivithiwe mapuro oowiipitheya,+
Wiira musuwele wiira miyo ka Yehova,
Muluku a Isarayeli, ti miyo kiniwiihanani kiromolaka nsina nanyu.+
4 Mwaha wa murumeyi aka Yakobe ni Isarayeli, yoole kimuthanlale aka,
Miyo kinniwiihanani kiromolaka nsina nanyu.
Kinnoovahani nsina noottittimiheya, nnaamwi mwahaakisuwenle.
5 Miyo ka Yehova, khokhanle-tho mukina.
Khokhanle Muluku mukina, kihikhanle miyo.+
Kinimoolipihani, nnaamwi mwahaakisuwenle.
6 Siiso, atthu ootheene,
Okhuma mpantta onikhuma nsuwa, mpakha onikela nsuwa,
Anoosuwela wiira khuuvo Muluku mukina, kihikhanle miyo.+
Miyo ka Yehova, khokhanle-tho mukina.+
7 Miyo kinnikumiherya waarya+ ni kinnikumiherya epiphi;+
Kinnikumiherya murettele+ ni kinnikumiherya maxakha;+
Ti miyo, Yehova, kinipaka itthu iyo sootheene.
8 Nyuwo erimu, mwiirihe orupa epula.+
Meeku emwaraxele vathi exariya.
Vano elapo eruwerye woopowa,
Nave eyo ekumiherye exariya okathi omosa-ru.+
Ti miyo, Yehova, kiniiriha itthu iyo wiiraneya”.
9 Ootakhaliwa mutthu yoole onaakhulana ni ole ompanke.
Mutthu owo ori ntoko nivali paahi,
Nenlo niri eriyari ya mavali makhwaaya ariheliwe vathi!
Niireke oloko onoowerya omuhimeerya mulipa-oowuupa wiira: “Munipaka-ni?”+
Aahiiso etthu epanke anyu enoowerya owiirelani wiira: “Owo khorina matata?”*
10 Ootakhaliwa mutthu yoole onimuleela paapa awe wiira: “Mukiyarenle-ni?”
Nave ole onimuleela maama awe wiira: “Mukiyarenle-ni?”
11 Etthu onihimya awe Yehova, Muluku Oowaarya a Isarayeli,+ yoowo oopankeni, tiila:
“Kiireke munoowerya okikoha itthu sinrowa wiiraneya ohoolo?
Kiireke munoowerya okikoha etthu enrowa aka owiiriha anaaka+ ni miteko sa matata aka?
12 Miyo koopaka elapo+ ni kompattuxa mutthu ori memmo.+
13 Yehova a anakhotto, onihimya wiira:
“Kompattuxa mutthu ola, okhala wiira ka naxariya,+
Nave kinoolokiherya iphiro sawe sootheene.
Ti yoowo onrowa oteka epooma aka,+ nave-tho ti yoowo onrowa owoopola atthu aka ari weepotthani,+ ohiliviwe etthu nnakhala ohikunyarinwe”.+
14 Etthu Yehova onihimya awe, tiila:
“Eluukuru* ya wExiitu ni mireerelo* sa wEthiyopia ni atthu a oSebayini, eyo piiyo, alopwana oorakama,
Animoorwa wa nyuwo wiira akhale awinyu.
Awo animoottharakani, atthukiwe ene ni ekwirinti.
Nave khokhanle mukina, aayo, khokhanle Muluku mukina’”.
15 Mweekeekhai, nyuwo mwa Muluku muhinooniherya okathi wootheene, itthu munipaka anyu,
Nyuwo mwa Muluku a Isarayeli, eyo piiyo, Moopoli.+
16 Ootheene aya animuuliwa muru ni anooveeheya;
Ale anipaka ilatarato, animweettaka yuuliwe ene muru.+
17 Masi Yehova onoowoopolani nyuwo Isarayeli, mahiku ootheene.+
Nyuwo khamunikhala-khala muuliwaka muru aahiiso oveeheya.+
18 Etthu onihimya awe Yehova,
Mpattuxa a erimu,+ Muluku eekeekhai,
Yoowo opanke elapo ni olipihale elapo ela,+
Yoowo ohipanke elapo ela mahala ene,* masi opanke wiira ekhaliweke, tiila:+
“Miyo ka Yehova, khokhanle mukina.
19 Nkilavunle kiri ene opuro woowiipitheya,+ nnakhala kiri ene elapo yooriipela,
Miyo nkilavunle ni osuulu wa Yakobe, kiiraka:
‘Mukaavyeke, masi munrowa wiimananiha mahala ene’.
Miyo ka Yehova, kinilavula ekeekhai ni kinilaleya itthu sa xariya.+
20 Muthukumane, murwe.
Nyuwo mooponwe eriyari ya maloko, mwaattamane.+
Ale anikuxa ilatarato soopatthiwa, khanisuwela etthu.
Nave aninvekela muluku ohiniwerya owoopola.+
21 Mulavule, nave mooniherye mulattu anyu.
Aayo, mukohane.
Ti pani aahimmye khalai ene, itthu saarowa wiiraneya?
Nave ti pani aalaleyale itthu iyo okathi ovinre?
Kiira ti miyo, Yehova?
Khuuvo Muluku mukina, kihikhanle miyo.
Khuuvo-tho+ Muluku mukina a xariya ni Moopoli.+
22 Nyuwo atthu ootheene anikhala mulaponi, mutthikele wa miyo wiira moopowe,+
Okhala wiira miyo ka Muluku, khokhanle-tho mukina.+
Atthu ootheene anookokhora ohoolo waka,
Nave apinaatamu ootheene anoolapha wiira anoororomeleyaka wa miyo.+
24 Nave anoohimya wiira: ‘Okathi wootheene, Yehova onnipaka itthu sooloka ni ta ikuru.
Ootheene yaale aninanariwa nuuwo, anoorowa ohoolo wawe yuuliwe ene muru.
25 Mwaha wa Yehova, osuulu wootheene wa Isarayeli onoohimmwa okhalana erasau,+
Nave onimwiittottopaka mwaha wa yoowo’”.