Yesaya

7 Vano, mahiku a Akhazi,+ mwene a oYuda, mwaana a Yotami, musulwaawe Oziya, aahirwa mwene Resini a oSiiria ni Pekahi+ mwaana a Remaliya, mwene a wIsarayeli, wiira otuphele muttetthe wa oYerusalemu. Masi owo* khaawenrye oxintta.+ 2 Etthoko ya Davidi, yaahileeliwa wiira: “Anakhotto a oSiiria ni a wEfrayimi aatakaahana”.

Nto Akhazi ni atthu awe yaahipacerya woova, anattettemela ntoko miri sa mutakhwani, sinttikinyiwa ni epheyo.

3 Yehova aahimuleela Yesaya wiira: “Xontte, nvenye nyuwo ni mwaninyu Xeyari-Yaxubi,*+ mwakumane ni Akhazi. Munomphwanya nipuro ninvira maasi anikhuma ntthiya na osulu,+ waattamela estaraata eniroiha opuro onivara awe muteko mulipa-ookattha. 4 Mwamuleele wiira: ‘Mukurunuxe murima anyu. Muhoove, ni muhixanke mwaha wa onanariwa wa Resini, mwene a oSiiria ni wa mwaana a Remaliya.+ Awo anlikana ni ikhuni piili sa mooro, sinitthuwa mwiixi. 5 Siiria vamosa ni Efrayimi ni mwaana a Remaliya, ahiiwanana woopwetexani, yiiraka: 6 “Nrowe natuphele muttetthe wa oYuda, nipwexakase* nave nikuxe.* Nuumala-vo, nimuthanle mwaana a Tabeyeli, wiira okhale mwene a weiwo.+

 7 “‘Etthu onihimya awe Pwiya Muulupalexa Yehova, tiila:

10 Yehova aahitthikela-tho olavula ni Akhazi, iiraka: 11 Mukivekele miyo, Yehova Muluku anyu, wiira koovaheeni esinaale.+ Eyo enimwiiraneya khula opuro nyuwo mumphavela anyu wiira yiiraneye, pooti okhala nipuro noowiixa ntoko Mahiye* aahiiso nipuro noorakamela osulu ntoko erimu”. 12 Masi Akhazi aahimwaakhula iiraka: “Miyo nkinrowa woovekelani etthu, nnakhala nkinrowa oweehereryani nyuwo Yehova”.

13 Vano, Yesaya aahihimya wiira: “Nyuwo etthoko ya Davidi, xontte nwiriyane! Khivanoophiyeryani waanyoonyiha atthu? Muniphavela-tho weererya omunyoonyiha Muluku?+ 14 Yehova onimoovahani esinaale: Mwiiwe! Mwali onoorupala ni onoomuyara mwaana mwaamulopwana,+ yoowo onrowa awe onvaha nsina noowi Emanuweli.*+ 15 Owo onrowa olyaaka manteeka ni oravo, mpakha okathi onrowa awe wiixutta okhootta etthu yoonanara ni othanla etthu yooreera. 16 Ohinatthi ophiya okathi mmiravo owo onrowa awe okhootta etthu yootakhala ni othanla etthu yooreera, elapo ya mamwene manli muniwoova anyu vanceene, khenrowa okhaliwaka.+ 17 Yehova onimookumiheryani nyuwo, ni atthu a nloko nanyu, ni atthu a etthoko ya paapa anyu, okathi wooxankiha ohitonko okhumelela, okhuma vaavale Efrayimi aavalanne awe ni Yuda,+ maana Muluku onimooruuhelani mwene a wAsiiria.+

18 “Nihiku nlo, Yehova onimoopa muturi wiira iitthane iphepele sinikhuma mpantta woorakama wa muro Niilo wExiitu, ni onimwiihana enuyi ya wAsiiria. 19 Nto iyo sinimoorwa, sikhaleke mmaxepani, mmakhukuni mwa myala, ni mmiiwani mootheene, ni mapuro ootheene inama siniwurya aya maasi.

20 “Nihiku nlo, Yehova onoomettha ikharari sanyu, ni manri a mmettoni mwanyu, ni onoowaka ereru anyu, omurumeelaka mulipa-oomettha oniliviwa musurukhu, yoowo onikhuma muttetthe wa muro Eufrate, eyo piiyo, omurumeelaka mwene a wAsiiria.+

21 Mahiku awo, mutthu onoohuwaka epooyi emosa yaamukhaani yoothiyana ni ipwittipwitthi piili soothiyana, wiira sikhaleke sikumi. 22 Mwaha wa waatta eleeti, owo onrowa olyaaka manteeka. Atthu ootheene anrowa ohala mulaponi-mmo, anrowa olyaaka manteeka ni oravo.

23 “Mahiku awo, khula opuro saaliwe aya miri 1.000 sa ewuuva, seiyo eperesu aya yaari musurukhu 1.000 wa eparatha maluku ene, sinrowa okhalana miiwa ni malaxi. 24 Atthu anrowa okelaka akunxe ene muura ni mattheere,* okhala wiira elapo yootheene enrowa osareya miiwa ni malaxi. 25 Mwaha wa woova miiwa ni malaxi, nyuwo khamunrowa waattamelaka miyaako sootheene, seiye khalai saalimmwa ni ehipa. Awo anrowa okhala mapuro ipooyi ni ipwittipwitthi sinilya aya”.