Yesaya
12 Nihiku nlo, mweekeekhai munoohimya wiira:
“Kinnooxukhuruni, nyuwo Yehova,
Okhala wiira nnaamwi mwaananariwe ni miyo,
Onanariwa wanyu waahivukuwa vakhaani-vakhaani, ni mwaahikikurunuxa murima.+
2 Moone! Muluku tori moopoli aka,+
Miyo kinrowa omuroromela yoowo ni nkinrowa woova etthu,+
Okhala wiira Yah,* Yehova, tori ikuru saka ni owerya waka,
Nave tonikoopola”.+
3 Munoorikaka maasi mweehimeni yoowoopola,+
Mutteeliwe ene murima.
4 Nihiku nlo, nyuwo munoohimya wiira:
“Mmuxukhureleke Yehova, muromoleke nsina nawe,
Mwaasuweliheke atthu miteko sawe!+
Mulaleyeke wiira nsina nawe ti noovuwa.+
5 Mmuttottopele Yehova ni isipo,+ okhala wiira owo oopaka itthu sootikiniha.+
Atthu ootheene anikhala mulaponi, asuwelihiwe etthu eyo.
6 Nyuwo atthu a oSiyoni, mukhuweleke ni mutthapeke,
Okhala wiira Muluku Oowaarya a Isarayeli, ti muulupale ni ori eriyari anyu”.