Yesaya
61 Ikuru sa Pwiya Muulupalexa Yehova, siri ni miyo,+
Okhala wiira Yehova ookithanla wiira kaalaleerye ihapari sooreera atthu oowiiyeviha.+
Ookiruma wiira kaakhalihe saana ale ariipiwe murima,
Ookiruma waaleela ale ari ipottha wiira anootaphuliwa,
Ni wiira maitho a aperesu,+ anoohuleya saana,
2 Ookiruma olaleya eyaakha Yehova onrowa awe waareerela murima atthu,
Ni nihiku Muluku ahu onrowa awe wunla ikuhu,+
Ni wiira kaamaalihe ootheene ale aninla.+
3 Ookiruma wiira kaavahe ale animunlela Siyoni,
Ekhara ya ifilori ohiya ettuurwa,
Ni makhura wiira atteeliweke murima, ohiya oriipiwa murima.
Kaavahe nlaya anrowa aya owaraka wiira akittottopele, ohiya oriipiwa murima.
Atthu anrowa owiihanaka okhala miri suulupale sa exariya,
4 Awo anootthikela oteka milepe sa* khalai;
Animweemexa mapuro yaawo yahaakhaliwa okhuma khalai,+
Anoolokiherya ipooma saapwexakasiwe,+
Mapuro yaawo saavinre iyaakha sinceene ahikhaliwaka.+
5 “Amalapo animoorwa akukhuleke inama sanyu,
Nave awo tanrowa olimaka mmatta mwanyu+ ni tanrowa okhapelelaka imatta sanyu sa ewuuva.+
6 Masi nyuwo munrowa wiihaniwaka okhala anamukuttho a Yehova;+
Atthu anrowa owiihanakani okhala arumeyi a Muluku.
Munrowa orumeelaka mireerelo sa maloko,+
Nave munrowa wittottopaka mwaha wa mihakhu sa maloko awo.
7 Atthu aka yaahuuliwa muru, masi vano animwaakhela mareeliho manceene ikwaha piili.
Ohiya wuuliwa muru, awo anrowa otthapaka mwaha wa oreelihiwa.
Aayo, animwaakhela mareeliho manceene ikwaha piili, mulaponi mwaya,+
Ni anootteeliwaka murima mahiku ootheene.+
Mwaha wa ororomeleya waka, kinimwaatthuvela,
Nave kinoopaka naawo nivarihano na mahiku ootheene.+
9 Osuulu aya, onoosuweliwa ni maloko,+
Nave onoosuweliwa eriyari ya maloko a atthu.
Atthu ootheene anrowa waaweha,
Anoosuwela wiira awo ti osuulu oreelihiwe ni Yehova”.+
10 Miyo kinrowa otteeliwaka murima vanceene mwaha wa Yehova.
Kinrowa ohakalalaka ni murima aka wootheene, mwaha wa Muluku aka,+
Okhala wiira owo ookiwariha ikuwo sa woopola.+
Ookiwariha nlaya na exariya,
Ntoko mulopwana onithela, yoowo oniwara nleeso ntoko na namukuttho,+
Ni muthiyana onitheliwa, yoowo oniiphwaneliha.