Amoosi
6 “Aatakhaliwa atthu oowiiroromela a oSiyoni,
Aatakhaliwa atthu anoona wiira khiivo etthu yootakhala enrowa owiiraneela vamwaako wa oSamariya,+
Alopwana oovuwa a maloko ootepa ottittimihiwa,
Yaawo atthu a Isarayeli anaaroromela aya!
2 Mulapuwele oKaline, mwawehe.
Mwakhuma weiwo murowe oHamati Muulupale,+
Nuumala-vo mukhuruwele oGaathi wa afilisti.
Niireke awo tootepa okhalana efaita ovikana omwene* anyu miili?
Aahiiso muttetthe aya ti muulupalexa ovikana wawinyu?
4 Nyuwo munnimpaathela ikhaama sa maino a etthepo+ ni wiixaatalela vakhaterani sooreera,+
Mukhuuraka ipwittipwitthi sa munikotoni ni ipooyi saamukhaani sooneneva.+
5 Nyuwo munniipakelela isipo wiira mwaarumiheke aviola,*+
Nave ntoko Davidi munnipaka ikaruma sa isipo.+
6 Nyuwo munniwurya eviinyu murumeelaka ikoopho suulupale,+
Nave munnirumeela makhura ooreerexa.
Masi khamunicala* ehasara ya atthu a etthoko ya Yosefe.+
7 Nyuwo munrowa opacerya oroihiwa weepotthani,+
Nto ifesta sa ale aniixaatalela vakhaterani sooreera sinoomala.
8 ‘Pwiya Muulupalexa Yehova oolapha ni nsina nawe,+ oriki:
“Kinninyokha wiixinnuwiha wa Yakobe,+
Kinninyokha ipa sawe soorakamela osulu soolipihiwa,+
Nave kinimwaavahererya awanani awe ipooma ni itthu sootheene siri memmo’”.+ Yehova Muluku a anakhotto tonihimya.
9 ‘“Nave yakhala empa anrowa ohala alopwana 10, ootheene aya animookhwa. 10 Mmusi aya* onimoorwa waakuxa, nave onompaha mmosa-mmosa. Owo onookumiherya makhuva aya ota wa empa eyo. Nuumala-vo onoomukoha ole ori ikwartu sa empa eyo, oriki: ‘Niireke ookhala ohanle ni nyuwo?’ Nto owo onimwaakhula wiira: ‘Khuuvo!’ Vano owo onoomuleela wiira: ‘Mmaale siiso! Ola khahiyo okathi wooromola nsina na Yehova’”.
11 Yehova onooruma wiira,+
Empa yuulupale epwexiwe ekhalihiwe milepe,*
Nave empa yaamukhaani epwexakasiwe.+
12 Niireke ikhavalo sinnitthimaka vamwala?
Aahiiso ookhala mutthu onrowa olima vamwala ni ipooyi?
Tthiri nyuwo muhiiriha exariya okhala mwiri woohapala,
Nave muhiiriha muhokorokho wa xariya okhala mwiri woowaawa.+
13 Nyuwo munnitteeliwa murima ni etthu yeethiru,
Nave munnihimya wiira: “Kiira nookhala atthu oowerya* nirumeelaka ikuru sahu?”+
14 Masi, nyuwo atthu a nloko na Isarayeli, kinimooruuhelani nloko nimosa.+
Nto nloko nlo nnimoohaaxani okhuma oLebo-Hamati*+ mpakha muro mwaamukhaani wa wAraba’. Yehova Muluku a anakhotto tonihimya”.