Zakariya
3 Owo aahikooniherya namukuttho muulupale Yooxuuwa+ eemenle ene ohoolo wa nlaikha na Yehova, nave Satana+ eemenle ene moono awe woolopwana wiira onvirikanye. 2 Nlaikha na Yehova naahimuleela Satana wiira: “Yehova oopwapweleni, nyuwo Satana,+ aayo, Yehova yoowo othanlale oYerusalemu,+ oopwapweleni! Kiira Yooxuuwa onlikana ni epetaaso ya matera yeeyo ekumihiwe vamooroni?”
3 Yooxuuwa aawanre ikuwo soohiloka, eemenle ene ohoolo wa nlaikha. 4 Nlaikha naahimuleela ole eemenle ohoolo wawe wiira: “Mmurule ikuwo iyo soohiloka”. Nuumala-vo naahimuleela wiira: “Moone, koomaliha etampi* anyu, vano munrowa owarihiwa ikuwo sooreera”.+
5 Nto miyo kaahihimya wiira: “ Munwarihe nleeso nooreera mmuru mwawe”.+ Awo yaahinwariha nleeso nooreera mmuru mwawe ni yaahinwariha ikuwo; nlaikha na Yehova naari vakhiviru vaavale. 6 Nlaikha na Yehova naahimuleela Yooxuuwa wiira: 7 Etthu onihimya awe Yehova a anakhotto, tiila: ‘Mweettela iphiro saka, ni mwamaleliha miteko sanyu ohoolo waka, munookhala mukhulupale vatthokoni vaka,+ nave munookhapelelaka* nivate naka; vano miyo kinoowemereryani okhala ohoolo waka ni ohoolo wa atthu ala yeemenle-va’.
8 “‘Xontte, mwiiwe, nyuwo namukuttho muulupale Yooxuuwa ni apatthani anyu yaawo ankilaathi ni nyuwo, okhala wiira alopwana ala ari ntoko esinaale. Nave kinoomuruuha murumeyi aka+ oniihaniwa Yoophuwa!+ 9 Nkawehani nluku kipwenhe aka ohoolo wa Yooxuuwa! Vanlukuni-vo aakhala maitho 7, nave kinrowa olepa moolumo vanlukuni vaavo. Nihiku nimosa paahi kinoorowa omaliha mulattu mulaponi’.+ Yehova a anakhotto tonihimya.
10 “Yehova a anakhotto onihimya wiira: ‘Nihiku nno, khula mmosa a nyuwo onoomulattula mukhwaawe wiira okhale vathi va mwiri anyu wa ewuuva ni vathi va mwiri anyu wa ifiiku’”.+