Yesaya
24 Mwiiwe! Yehova onnaakumiha atthu ootheene mulaponi, ni onnihonona elapo* eyo.+
Owo onnirukunuxa+ ni onnaamwara-mwarya atthu aya.+
2 Atthu ootheene enrowa owiiraneela etthu emosa-ru:
Atthu ni namukuttho,
Murumeyi mulopwana ni pwiya awe,
Murumeyi muthiyana ni muhano awe,
Mulipa-oothuma ni mulipa-ootumiha,
Mulipa-onooliha ni mulipa-onoola,
Mulipa-onikophiha ni mulipa-onikopha.+
3 Atthu ootheene anookumihiwa mulaponi-mmo, khuuvo onrowa ohala;
Itthu sootheene sa mulaponi-mmo sinrowa wiiyiwa,+
Okhala wiira Yehova tohimyale siiso.
4 Elapo enninla;*+ eyo ennuuma.
Elapo yeeyo yaaruwerya, vano kheniruwerya; eyo ennuuma.
Makhulupale a mulaponi, annimala.
6 Tivonto, elapo ela ennihononeya, mwaha woowi yootakhalihiwa,+
Nave atthu anikhala memmo, aakhalana mulattu.
Nave-tho atthu a mulaponi-mmo annimala,
Ni ahanle alopwana vakhaani paahi.+
7 Eviinyu ya niinaano enniwelela, miri sa ewuuva sinnuuma,+
Ootheene yaale yaatteeliwa murima, anninla.+
8 Oruma wa malapa, yaawo yaatteeliha murima atthu, woomala;
Onyakula wa atthu yaapaka ifesta, woomala;
Oruma wa viola, yoowo aatteeliha murima atthu, woomala.+
9 Awo anrowa owuryaka eviinyu, ahiipaka isipo,
Nave soowurya soohapala khasinrowa osivaka.
10 Epooma ehinikhaliwa, yoomora;+
Ipa sootheene soowaliwa, nto khuuvo oniwerya ovolowa.
11 Awo anninla mphironi, mwaha wa ohikhala eviinyu.
Otteeliwa murima wootheene woomala-mala;
Otteeliwa murima mulaponi woomala.+
13 Etthu enrowa owiiraneela atthu a mulaponi-mu, tiila:
Vanrowa okhalaka ntoko okathi ontathiwa aya mwiri wa olivera,+
Onrowa olikanaka ni okathi enittottiwa aya ewuuva, nuumala ovira okathi enuuruliwa aya.+
14 Atthu anrowa okhuwelaka,
Anrowa otthapaka.
Mpantta onikela nsuwa,* awo anrowa olaleyaka okhulupale wa Yehova.+
15 Tivonto awo anrowa onvuwihaka Yehova mpantta onikhuma nsuwa;+
Musisironi, awo anrowa ovuwihaka nsina na Yehova, Muluku a Isarayeli.+
16 Hiyo ninniiwa isipo sikhumaka omalenle elapo, siiraka:
“Ovuwihiwe Muluku a xariya!”+
Masi miyo kinihimya wiira: “Miyo kinnootta, miyo kinnootta!
Kootakhaliwa! Anawoothe, annootha;
Aayo, awo annithipelela waawoka atthu akina”.+
17 Woova, malitti ni miraakho, sinnoolipelelani nyuwo, munikhala mulaponi.+
18 Ootheene ale anrowa otthyawaka oruma woowoopiha, anoomorela mulittini,
Nave ootheene ale anrowa okhumaka mulittini, anoomorela vamuraakhoni.+
Mikhora sa maasi a wiirimu sinoohuliwa,
Nave alisenso a elapo anrowa oxekexeya.
20 Elapo ela enittikinyeya ntoko namuhapaliwa,
Ennirowa ohoolo ni ottuli, ntoko muxaxa onittikinyiwa ni epheyo.
Eyo yoolemeliwa ni itampi saya,+
Enoomora, vahinrowaaya-tho owerya ovenya.
21 Mahiku awo, Yehova onimwaaphukela anakhotto a wiirimu,
Ni onimwaaphukela mamwene a mulaponi.
22 Nave awo anoothukumanyiwa nipuro nimosa,
Ntoko aperesu anithukumanyiwa mulittini,
Anoowaleliwa mukhatteya;
Yavira mahiku manceene, awo anoophukeliwa.
23 Mweeri woosarya, onoohiya waarya,
Nsuwa noowaarya, nnoottipha,+
Mwaha woowi Yehova a anakhotto, ookhala Mwene+ omwaako Siyoni+ ni oYerusalemu.
Owo onoolamulela ni ovuwa, ohoolo wa makhulupale a nloko nawe.+