Amoosi
1 Ala moolumo a Amoosi,* yoowo aahuwa ipwittipwitthi oTekowa.+ Muluku aahimooniherya moolumo ala yaahimya aisarayeli, iyaakha piili ehinatthi okhumelela etetere+ mahiku a Oziya,+ mwene a oYuda ni mahiku a Yerobowamu+ mwaana a Yowaxi+ mwene a wIsarayeli. 2 Amoosi aahimmye so:
“Yehova onimoopa murukulu oSiyoni,
Nave oYerusalemu onimwiiwanyeya nsu nawe.
Opuro amakampusi anilyiha aya inama onimuuma,
Nave vasulu va mwaako Karmelo vanimuuma”.+
3 “Etthu onihimya awe Yehova, tiila:
‘“Mwaha wa ikrime tthaaru sa oDamaasiko, nave mwaha wa ikrime xexe, nkintthikela ottuli,
Okhala wiira ammana Xileyaadi ni eyuuma eneepetthaniwa ipyo.+
4 Miyo kinooroiha mooro vatthokoni va Hazayeli,+
Nto mooro owo onoopaha ipa soorakamela osulu soolipihiwa sa Beni-Hadadi.+
5 Kinoohonona itaranka sa mikhora sa oDamaasiko,+
Kinimwaapwetexa atthu anikhala oBikeyathi-Aveni,
Nave kinompwetexa namalamulela* a oBethi-Edeni.
Atthu anikhala oSiiria anooroihiwa weepotthani oKiri”.+ Yehova tonihimya’.
6 Etthu onihimya awe Yehova, tiila:
‘“Mwaha wa ikrime tthaaru sa oGaza,+ nave mwaha wa ikrime xexe, nkintthikela ottuli,
Okhala wiira aakuxa ekurupu yootheene ya atthu yaavariwe,+ yaavahererya atthu a wEdomi.
7 Miyo kinooroihela mooro ixiri sa oGaza,+
Nto mooro owo onoopaha ipa saya soorakamela osulu soolipihiwa.
Kinimwaahukhumu atthu anikhala wEkironi,+
Nave afilisti anrowa ohala, animwiiviwa”.+ Pwiya Muulupalexa Yehova tonihimya’.
9 Etthu onihimya awe Yehova, tiila:
‘Mwaha wa ikrime tthaaru sa oTiiro,+ nave mwaha wa ikrime xexe, nkintthikela ottuli,
Okhala wiira ahaavahererya atthu a wEdomi ekurupu ya atthu yaavariwe,
Nave okhala wiira khiyuupuwelenle nivarihano yaapanke aya ni axinnaya.+
10 Kinooroihela mooro ixiri sa oTiiro,
Nto mooro owo onoopaha ipa saya soorakamela osulu soolipihiwa’.+
11 Etthu onihimya awe Yehova, tiila:
‘Mwaha wa ikrime tthaaru sa wEdomi,+ nave mwaha wa ikrime xexe, nkintthikela ottuli,
Okhala wiira owo oowoomola axinnawe ni espaata,*+
Nave ookhootta waamorela ikharari.
Onanariwe ene, owo onnithipelela waakhuura axinnawe vootakhala,
Nave onninanariwa naawo voohihiyererya.+
12 Kinooroihela mooro oTemaani,+
Nto mooro owo onoopaha ipa soorakamela osulu soolipihiwa sa oBosira’.+
13 Etthu onihimya awe Yehova, tiila:
‘“Mwaha wa ikrime tthaaru sa atthu a wAmoni,+ nave mwaha wa ikrime xexe, nkintthikela ottuli,
Okhala wiira awo ahaaphula athiyana oorupala a oXileyaadi wiira yincererye muttetthe aya.+
14 Nihiku na ekhotto kinooroihela mooro ixiri sa oRaba.+
Nave mooro onrowa opaha ipa saya soorakamela osulu ni soolipihiwa.
Ninrowa okhala nihiku na ekhotto, anakhotto akhuwelaka,
Nihiku na epheyo yuulupale ni munamukhaya.
15 Mwene aya onooroihiwa weepotthani vamosa ni makhulupale awe”.+ Yehova tonihimya’.