Samuweli a Nenli
22 Davidi aahilavula ni Yehova omwiipelaka nsipo nla,+ nihiku Yehova aamooponle awe mmatatani mwa awanani awe ootheene+ ni mmatatani mwa Sawuli.+ 2 Davidi aahihimya wiira:
“Yehova ti mwala aka, ti empa aka yoolipihiwa+ ni ti yoowo onikoopola.+
3 Muluku aka ti mwala aka,+ ti yoowo kinimutthyawelela aka,
Owo tori nikula naka na wiixaakihana,*+ ni moopoli aka oowerya,* ni ntthyawelo naka noolipa.+
Nipuro kinitthyawela aka.+ Ti nyuwo munikaakiherya+ mutthu ootakhala.
4 Kinninvekela Yehova, yoowo oniphwanela ottottopeliwa,
Kinimoopoliwa mmatatani mwa awanani aka.
5 Okhwa woohonona sootheene eriyari aka, ntoko maasi* a mphareya,+
Atthu ootakhala, yaawo anlikana ni maasi manceene, aakoopopiha.+
7 Moovelavelani mwaka, kaahinvekela Yehova,+
Kaahimukhuwelela Muluku aka.
Ori ene mutemplo mwawe, aahiiwa nsu naka,
Nave aahiiwa okhuwela waka, kinvekelaka okikhaliherya.+
8 Elapo yaahipacerya ottikinyeya ni otetereya;+
Alisenso a erimu yaahitetereya,+
Nave yaahixekexeya okhala wiira owo aahinanariwa.+
9 Mwiixi waanikhuma mphulani mwawe,
Nave mooro munceene waanikhuma mwaano mwawe.+
Ohoolo wawe yaanipatta makhala a mooro.
11 Owo aahirwa ovavaka, onwenle ene kerubi+ mmosa.
Aanooneya mmapuphani mwa nlaikha.*+
12 Nuumala-vo, owo aahiiriha epiphi okhala etenta* awe,+
Aayo ni epiphi ni meeku ooriipa, yaawo aikhuneelanne awe.
13 Ohoolo wawe, waanikhumelela waarya, waakhala ntoko makhala a mooro.
15 Owo aahivonya mattheere awe,+ aamwara-mwarya awanani aka.
Aahikumiherya etari awe, nave aahiwiiriha awanani awo oxanka.+
16 Vathi va ephareya vaanooneya,+
Alisenso a elapo yaahooniheriwa, mwaha wa onanariwa wa Yehova,
Ni mwaha wa iphumu soowerya sinikhuma mphulani mwawe.+
17 Ori ene wiirimu, ookookolela ntata nawe;
Ookivarela ni ookikumiha mmaasini moowiixa.+
18 Owo ookaakiherya mmatatani mwa nwanani aka ootupa,+
Mmatatani mwa ale yaakinyokha, yaawo yaari ootupa okivikana miyo.
19 Awo yaahikirweela nihiku yaakikhumelenle aya ehasara;+
Masi Yehova aahikikhaliherya.
22 Kinneettela iphiro sa Yehova,
Nave nkipanke etthu yootakhala wiira kimuhiye Muluku aka.
26 Nyuwo munniroromeleya ni mutthu oororomeleya;+
Mutthu ohirina mulattu, munnimooniherya wiira khamurina mulattu.+
27 Mutthu orina mweettelo wooreera, munnimooniherya wiira mookhalana mweettelo wooreera,+
Masi khamuniwokiwa ni atthu oowootha.+
30 Kikhaliheriwaka ni nyuwo kinoowerya waatuphela alavilavi anceene;
Ni ikuru sa Muluku, kinoowerya otupha ixiri.+
Owo ti nikula na wiixaakihana na atthu ootheene anitthyawela wa yoowo.+
32 Niireke ookhala Muluku mukina, ohikhanle Yehova paahi?+
Ti pani ori mwala, ohikhanle Muluku ahu?+
34 Owo onniriha metto saka oveya-veya, ntoko metto sa etthove;
Onnikeemexa mapuro oorakamela osulu.+
35 Owo tonikiixuuttiha owana ekhotto,
Miyoono saka sinniwerya okokha muura wa ekoopiri.
36 Nyuwo munnikaakiha ni nikula nanyu na wiixaakihana* ,
Nave wiiyeviha wanyu onnikikhaliha muulupale.+
37 Nyuwo munnincererya ephiro kinivira aka,
Wiira kihimore.+
38 Kinoowoomola awanani aka ni kinimwapwetexa;
Nkinitthika kihinatthi waamala-maliha.
39 Miyo kinimwaamala-maliha ni kinimwaanyakatta wiira ahivenye;+
Awo anoomora ni kinimwaanyakela ni inawu saka.
42 Awo annivekela okhaliheriwa, masi khuuvo oniwoopola;
Hata annimukhuwelela Yehova, masi owo khoniwaakhula.+
43 Kinimwaaxila mpakha olikana ni ntthupi;
Kinimwaaphwatta ni waakhittela ntoko mattophe a mphironi.
44 Nyuwo munookaakiha okathi atthu aka anrowa aya okilavulaka voohiloka.+
45 Anamurwa animuurama ohoolo waka, yoovaka;+
Etthu anrowa aya wiiwa kihimmwaka miyo, enoowiiriha okiiwelela.
46 Anamurwa onimwaamalela olipa murima;
Awo anookhuma ipa saya soolipihiwa, arweeke attettemelaka.
47 Yehova ookhala! Ottottopeliwe Mwala aka!+
Ovuwihiwe Muluku, yoowo ori mwala onikoopola.+
49 Onnikoopola mmatatani mwa awanani aka.
Nyuwo Apwiya, munnikiteexerya osulu,+ nto ale anikilupaattha khaniwerya okiphwanya;
Munnikaakiherya atakhali oowali.+