Wahala Oopacerya
4 Anamwane a Yuda yaari ala: Peresi,+ Esironi,+ Karmi, Huri+ ni Xobali.+ 2 Reyaya mwaana a Xobali, aahimuyara Yahathi; Yahathi aahimuyara Ahumayi ni Lahadi. Iya saari imusi sa asoratita.+ 3 Anamwane a paapa awe Etami*+ yaari ala: Yezireyeli, Ixima, ni Idibaxi (murokoraya aihaniwa Haseleliponi), 4 nave Penuweli aari paapa awe Gedori, Eseri aari paapa awe Huxati. Ala yaari anamwane a Huri,+ mwaana oopacerya oyariwa a Efrata ni paapa awe Betelehemu.+ 5 Axihuri+ paapa awe Tekowa+ aahikhalana axaara awe anli: Hela ni Naara. 6 Naara aahimuyarela anamwane ala: Heferi, Temeni ni Ahaxitari. Ala yaari anamwane a Naara. 7 Anamwane a Hela yaari ala: Sereti, Isehari ni Etani. 8 Kosi aahimuyara Anubi, Sobeba ni osuulu wa Ahariheli mwaana a Harumi.
9 Yayebesi aanitepa ottittimihiwa vanceene ovikana axinnawe, nto maama awe aahinvaha nsina noowi Yayebesi* oriki: “Kimuyanre ni ohaawa vanceene”. 10 Yayebesi aahinvekela Muluku a Isarayeli wiira: Mukireelihe, ni muncererye mikano saka, nave ntata nanyu nikhaleke ni miyo wiira ehasara ehikipwetexe!” Nto Muluku aahimwiirela ele aavekenle awe.
11 Kelubi, munnawe Xuha aahimuyara Mehiri, yoowo aari paapa awe Exitoni. 12 Exitoni aahimuyara Bethi-Rafa, Paseya ni Tehina, paapa awe Iri-Nahaxi. Ala yaari atthu yaakhala oReka. 13 Anamwane a Kenazi yaari ala: Otiniyeli,+ ni Seraya, nave mwaana* a Otiniyeli aari Hatati. 14 Mewonotayi aahimuyara Ofra. Seraya aahimuyara Yowabi, paapa a atthu yaakhala oGe-Haraximi, awo yaanivara saana muteko aya.
15 Anamwane a Kalebi,+ mwaana a Yefune yaari ala: Iru, Elahi ni Naami; nave mwaana* a Elahi aari Kenazi. 16 Anamwane a Yehaleleli yaari ala: Zifi, Zifa, Tiriya ni Asareli. 17 Anamwane a Ezira, yaari ala: Yeteri, Meredi, Eferi ni Yaloni. Owo* aahirupala omuyara Miriyamu, Xamayi ni Ixipahi paapa awe Exitemowa. 18 (Nave mwaarawe a oYuda aahimuyara Yeredi paapa awe Gedori, Heeberi paapa awe Soko ni Yekutiyeli paapa awe Zanowa.) Ala yaari anamwane a Bithiya, mwaana mwaamuthiyana a Farawo, yoowo aatheliwe ni Meredi.
19 Anamwane a mwaarawe Hodiya, murokorawe Nahami, yaari amuhavinre a Keila a oGarimi ni Exitemowa a oMaakati. 20 Anamwane a Ximoni yaari ala: Aminoni, Rina, Beni-Hanani ni Tiloni. Nave anamwane a Ixi yaari ala: Zohethi ni Beni-Zohethi.
21 Anamwane a Xela+ mwaana a Yuda yaari ala: Eri, paapa awe Leka; ni Layeda, paapa awe Marexa. Osuulu wa Axibeya, yaawo yaasuweliwa mwaha woovara miteko sooloka, nave-tho yaari osuulu wa Xela. 22 Nave alopwana ala anittharelana yaari osuulu wa Xela: Yokimi; ni atthu a Kozeba, Yowaxi, ni Sarafi, yaawo yaathenle athiyana a oMowabi ni Yaxubi-Lehemi. Soohimmwa iya ti sa khalai. 23 Awo yaari alipa-oowuupa yaakhala oNetayimi ni oXedera. Yaakhala weiwo ni yanvarela muteko mwene.
24 Anamwane* a Simeyoni+ yaari ala: Nemuweli, Yamini, Yaribi, Zerahi, ni Xawuli.+ 25 Mwaana a Xawuli aari Xalumi, yoowo aamuyanre Mibisami, paapa awe Mixima. 26 Nave mwaana a Mixima aari Hamuweli, mwaana a Hamuweli aari Zakuri ni mwaana a Zakuri aari Ximeyi. 27 Ximeyi aahikhalana anamwane axilopwana 16 ni anamwane axithiyana 6. Masi axinnawe khiyaarina anamwane anceene, nave khuuvo mutthu a mweemusini mwawe aarina anamwane anceene waavikana atthu a oYuda.+ 28 Awo yaakhala oBeri-Xeba,+ oMolada,+ Hasari-Xuwali,+ 29 oBiliha, wEsemi,+ oToladi, 30 oBetuweli,+ oHorma,+ oSikilaki,+ 31 oBethi-Markabothi, oHasari-Susimi,+ oBethi-Biri ni oXaarayimi. Iya saari ipooma saya mpakha olamulelo wa Davidi.
32 Mittetthe saya saari iya: wEtami, wAyini, oRimoni, oTokeni ni wAxani,+ ipooma thanu, 33 vamosa ni mittetthe saya saarukurerya ipooma iyo sootheene mpakha oBayali. Ala yaari masina a imusi saalempwale ni mittetthe saakhala aya. 34 Vano, Mexobabi, Yamileki, Yoxa, mwaana a Amaziya, 35 Yoweli, Yehu mwaana a Yoxibiya, mwaana a Seraya, mwaana a Asiyeli, 36 Eliyowenayi, Yaakoba, Yexohaya, Asaya, Adiyeli, Yesimiyeli, Benaya, 37 Ziza mwaana a Xifi, mwaana a Aloni, mwaana a Yedaya, mwaana a Ximiri, mwaana a Xemaya, 38 yaawo aniromoliwa masina aya. Ala yaari makhulupale eriyari ya imusi saya, nave nummeru na itthoko sa amuhavinre aya naahincerereya. 39 Awo yaahirowa vamukhora wa oGedori, mpantta onikhuma nsuwa wa oxepani, aphavelaka opuro woolyiha inama saya. 40 Muhoolo mwaya, yaahiphwanya opuro wooreera ni waarina yoolya yoowaatta, elapo yuulupale, yoomaaleleya ni ya murettele. Atthu a oKhami+ ti yaakhala weiwo khalai. 41 Mahiku a mwene Ezekiya+ a oYuda, alopwana ala alempwale masina aya, yaahirowa otuphela itenta* sa atthu yaakhala oKhami ni oMewoni. Nuumala-vo yaahaapwetexa, ntoko sinooneya aya mpakha olelo-va. Nto awo yaanikhala weiwo okhala wiira yaahikhala yoolya wiira alyiheke inama saya.
42 Alopwana akina 500, a nihimo na Simeyoni, yaahirowa omwaako Seyiri+ ahooleliwaka ni Pelatiya, Neyariya, Refaya, ni Uziyeli, anamwane a Ixi. 43 Awo yaahiwiiva atthu yaahanle a wAmaleki,+ yaawo yooponwe ni annikhala weiwo mpakha olelo-va.