Esteri

10 Mwene Asuwero aahiwiiriha atthu yaakhala mulaponi mwawe ni isisiro* sa ophareya ovara muteko wookhanyereriwa.

2 Miteko sawe sootheene suulupale ni soowerya aavanre awe, vamosa ni etthu yiiraneyale ni Mordekayi,+ ni moota mwene aanvahale awe ovuwa,+ soolempwa muliivuruni mwa soowiiraneya+ sa mamwene a oMedia ni a oPersia.+ 3 Mordekayi muyuda aari mukhulupale a nenli moomweneni. Mwene Asuwero paahi taarina okhulupale onvikana owo. Owo aanithokoreriwa okhala muulupale eriyari ya ayuda ni aanittittimihiwa ni axinnawe ootheene. Nave aanivara muteko wiira aaphwanyihe mureerelo atthu awe ootheene ni aaphwanyihe murettele atthu a osuulu awe wootheene.