Mikeya
6 Xontte, nwiriyane etthu Yehova onihimya awe.
Nvenye, muhimye mulattu anyu ohoolo wa miyaako,
Nave mattumuxa awiriyane moolumo anyu.+
2 Nyuwo miyaako, nwiriyane mulattu wa Yehova,
Nyuwo muri alisenso oolipa a elapo,+
Okhala wiira Yehova ookhalana mulattu ni atthu awe.
Owo onoolavula aavirikanyaka atthu a Isarayeli:+
3 “Nyuwo atthu aka, kiwiirinheni exeeni?
Etthu xeeni kipanke aka eniwiirihani okhulumuwa?+
Muhimye mulattu anyu mukivirikanyaka miyo.
Kaahooruuhelani Moise, Aroni ni Miriyamu.+
5 Nyuwo atthu aka, xontte muupuwele etthu mwene Balaki a oMowabi aavekenle awe,+
Nave etthu Balaamu mwaana Beyori aamwaakhunle awe,+
Siiso munoosuwela miteko sa xariya sa Yehova”.
6 Kinrowa okuxa exeeni kaarowaka ohoolo wa Yehova?
Kinrowa okuxa exeeni kaarowaka okokhora ohoolo wa Muluku, mapuro oorakamela osulu?
Kiireke kinrowa okuxa soovaha para opahiwa,
Ni ipooyi saamukhaani sa eyaakha emosa?+
7 Kiireke Yehova vanoomusivela ipwittipwitthi sinceene,
Ni makhura manceene?+
Kiireke kinrowa onvaha mwanaka oopacerya oyariwa mwaha wa ekirime aka,
Nave kinrowa onvaha mwanaka ntoko mukuttho mwaha wa etampi aka?+
8 Nyuwo mulopwana, owo ohooleelani etthu yooloka.
Exeeni Yehova onoovekelaaweni?
9 Nsu na Yehova ninnikhuwela opooma.
Ale arina miruku anoottittimiha vanceene nsina nawe.*
Munwiriyane Pwiya okunxe ekopo mmatatani mwawe, vamosa ni Muluku yoowo omuthanlale.+
10 Niireke empa ya mutakhali nlelo sookhala mihakhu sa otakhala wawe,
Ni miphimo sa eefa soohimalela, seiyo Muluku onithanya awe?
11 Kiireke kinoowerya okhala ooloka* kirina ene miphimo soohiloka,
Vamosa ni murupa wa miphimo sa maluku siniiya?+
12 Atthu awe oothaaciri aasareya otakhala,
Nave atthu anikhala memmo anilavula itthu soowoothiwa.+
Nlumi naya ni eyano aya soosareya woototha.+
13 “Masi, miyo kinimoohukhumuni vanceene,+
Nave kinimoohiyani muhaawaka mwaha wa itampi sanyu.
14 Nyuwo munimoolya, masi khamunrowa ovona,
Nlelo munrowa ovoliwa etala.+
Munookuxa itthu muroihaka opuro woovareleleya, masi khamunrowa owerya okhapelela itthu iyo.
Etthu munrowa anyu owerya okuxa, kinoohiya ehononiwaka ni awanani anyu.
15 Nyuwo munimwaala ipyo, masi khamunrowa ohephaka.
Nyuwo munoonyakattaka mihokorokho sa olivera, masi khamunrowa orumeelaka makhura aya.
Nave munoopakaka eviinyu ya niinaano, masi khamunrowa owuryaka nnakhala eviinyu.+
16 Nyuwo munnitthara sooruma sa Omiri ni miteko sootheene sa etthoko ya Akhabi,+
Nave munneetta muttharaka miruku saya.
Tivo kinrowa aka owiirihani okhala etthu yoowoopiha,
Nave atthu anikhala memmo anrowa okhala etthu enoopeliwa muturi.+
Nave nyuwo munrowa ovilelaka othanyiwa ni atthu”.+