Wahala Oopacerya

25 Nave-tho, Davidi ni maxeefi a ikurupu saathanleliwe ovara muteko, yaahaathanla anamwane akina a Asafi, a Hemani ni a Yedutuni+ wiira alavuleke eprofesia awoopaka aviola, ikaruma sa masipo+ ni isimbalo.*+ Elista ya alopwana yaathanliwe wiira avareke muteko owo tiila: 2 Anamwane a Asafi aahikhala Zakuri, Yosefe, Netaniya ni Asarela. Anamwane a Asafi yaalakiheriwa ni Asafi, yoowo aalavula eprofesia olakiheriwaka ni mwene. 3 Anamwane a Yedutuni+ aahikhala Gedaliya, Seri, Yexaya, Ximeyi, Haxabiya ni Matithiya,+ waatakaaha ootheene yaari 6. Awo yaalakiheriwa ni paapa aya Yedutuni, yoowo aalavula eprofesia omoopaka viola,* omuxukhurelaka ni omuttottopelaka Yehova.+ 4 Anamwane a Hemani+ aahikhala Bukiya, Mataniyahi, Uziyeli, Xebuweli, Yerimothi, Hananiya, Hanani, Eliyata, Gidaliti, Romamiti-Ezeri, Yoxibekaxa, Maloti, Hotiri ni Mahaziyothi. 5 Ootheene ala yaari anamwane a Hemani, yoowo aamutaphulela mwene itthu ooniheriwe awe ni Muluku, olavulaka moolumo a Muluku eekeekhai wiira onvuwihe. Muluku eekeekhai aahinvaha Hemani anamwane 14 axilopwana ni anamwane araru axithiyana. 6 Alopwana ala ootheene yaalakiheriwa ni paapa aya, wiira yiipeke ni isimbalo, ikaruma sa isipo ni aviola+ mpaani mwa Yehova, avaraka muteko empa ya Muluku eekeekhai.

Asafi, Yedutuni ni Hemani yaalakiheriwa ni mwene.

7 Mwaattelo aya ni wa axinnaya, yaawo yiixuttihiwe omwiipela isipo Yehova, waari wa 288, ootheene aya oosuwela wiipa. 8 Awo yaahivonya esoorti+ wiira khula mutthu othanleliwe muteko awe, akhale acikhaani ni aalupale, oosuwela wiipa ni ale yiixuttihiwa.

9 Esoorti yoopacerya yeeyo yaari ya Asafi, yaahimmorela Yosefe;+ ya nenli yaahimmorela Gedaliya+ (owo vamosa ni axinnawe ni anaawe yaari 12); 10 ya neeraru yaahimmorela Zakuri,+ anaawe ni axinnawe, waatakaaha ootheene yaari 12; 11 ya neexexe yaahimmorela Iziri, anaawe ni axinnawe, waatakaaha ootheene yaari 12; 12 ya neethanu yaahimmorela Netaniya,+ anaawe ni axinnawe, waatakaaha ootheene yaari 12; 13 ya neethanu namosa yaahimmorela Bukiya, anaawe ni axinnawe, waatakaaha ootheene yaari 12; 14 ya neethanu nenli yaahimmorela Yesarela, anaawe ni axinnawe, waatakaaha ootheene yaari 12; 15 ya neethanu neeraru yaahimmorela Yexaya, anaawe ni axinnawe, waatakaaha ootheene yaari 12; 16 ya neethanu neexexe yaahimmorela Mataniyahi, anaawe ni axinnawe, waatakaaha ootheene yaari 12; 17 ya namuloko yaahimmorela Ximeyi, anaawe ni axinnawe, waatakaaha ootheene yaari 12; 18 ya namuloko namosa yaahimmorela Azareli, anaawe ni axinnawe, waatakaaha ootheene yaari 12; 19 ya namuloko ni piili yaahimmorela Haxabiya, anaawe ni axinnawe, waatakaaha ootheene yaari 12; 20 ya namuloko ni tthaaru yaahimmorela Xubayeli,+ anaawe ni axinnawe, waatakaaha ootheene yaari 12; 21 ya namuloko neexexe yaahimmorela Matithiya, anaawe ni axinnawe, waatakaaha ootheene yaari 12; 22 ya namuloko neethanu yaahimmorela Yerimothi, anaawe ni axinnawe, waatakaaha ootheene yaari 12; 23 ya namuloko neethanu namosa yaahimmorela Hananiya, anaawe ni axinnawe, waatakaaha ootheene yaari 12; 24 ya namuloko ni thanu na piili yaahimmorela Yoxibekaxa, anaawe ni axinnawe, waatakaaha ootheene yaari 12; 25 ya namuloko ni thanu na tthaaru yaahimmorela Hanani, anaawe ni axinnawe, waatakaaha ootheene yaari 12; 26 ya namuloko ni thanu neexexe yaahimmorela Maloti, anaawe ni axinnawe, waatakaaha ootheene yaari 12; 27 ya namiloko miili yaahimmorela Eliyata, anaawe ni axinnawe, waatakaaha ootheene yaari 12; 28 ya namiloko miili ni emosa yaahimmorela Hotiri, anaawe ni axinnawe, waatakaaha ootheene yaari 12; 29 ya namiloko miili ni piili yaahimmorela Gidaliti,+ anaawe ni axinnawe, waatakaaha ootheene yaari 12; 30 ya namiloko miili ni tthaaru yaahimmorela Mahaziyothi,+ anaawe ni axinnawe, waatakaaha ootheene yaari 12; 31 ya namiloko miili ni xexe yaahimmorela Romamiti-Ezeri,+ anaawe ni axinnawe, waatakaaha ootheene yaari 12.