Yesaya
28 Mootakhaliwa nyuwo ekhara* yoowiixinnuwiha ya anamuhapaliwa a wEfrayimi.+
Wiiphwaneliha waya onlikana ni efilori yoonyaala,
Yeeyo eri vamuru va epooma enikhala vasulu va nxepa noowunttelana, nenno anikhala atthu aweriwe ni eviinyu.
2 Mwiiwe! Yehova onoomuruma mutthu a ikuru ni oowerya.
Ntoko epula yinceene ya maralala ni etari, aayo, nayuupuri muulupale,
Ntoko epula yinceene, eniruuhela maasi oowoopiha,
Owo onoorihela vathi ekhara eyo ni ikuru sawe sootheene.
4 Nave wiiphwaneliha waya onlikana ni efilori yoonyaala,
Yeeyo eri vamuru va epooma enikhala vasulu va nxepa noowunttelana,
Ninrowa olikanaka ni efiiku ettokontthe ehinatthi ophiya elimwe.
Okathi mutthu oniweha awe efiiku eyo, onnirukula onahopela voowaakuveya.
5 Nihiku nlo, Yehova a anakhotto onrowa okhala ekhara ya nttittimiho ni ekhara ya ifilori sooreera para atthu awe anrowa ohala.+ 6 Owo onoowiiriha alipa-oophuka milattu, ophukaka mwa xariya. Nave onimwaavaha ikuru ale aniwoomola awanani vamukhora va epooma.+
7 Anamukuttho ni maprofeta aarimeela mwaha wa eviinyu;
Awo annittikinyeya mwaha wa eviinyu.
Aarimeela mwaha wa eviinyu;
Eviinyu enniwaakanyerya,
Ni enniwiiriha ottikinyeya;
Maitho aya annaarimeeliha,
Nave awo khanuupuwela saana.+
8 Meesa aya aasareya marapheyo,
Khuuvo opuro ohikhanle marapheyo.
9 Awo anihimya wiira:
Ti pani onrowa awe omwiixuttiha?
Nave ti pani onrowa awe omutthokiherya muhupi ola?
Niireke niri ntoko anamwane attaruxiwe waamwa, akumihiwe vanipeleni?”
10 Awo anihimya wiira: “Nlamulo vasulu va nlamulo, nlamulo vasulu va nlamulo,
Sooruma vasulu va sooruma, sooruma vasulu va sooruma,*+
Vakhaani nno, vakhaani iwe”.
11 Siiso, owo onoolavula ni atthu ala, aarumeelaka ale anikukuma ni anilavula mattaava oovirikana ni a ilapo sikina.+ 12 Owo aahaaleela wiira: “Ola opuro para ophumurya. Mmuhiyeke ole otemmwe wiira ophumuryeke. Ola opuro para ophumurya”. Masi atthu awo khiyaaphavenle owiriyana.+ 13 Tivonto, etthu Yehova onaaleela awe atthu awo, tiila:
“Nlamulo vasulu va nlamulo, nlamulo vasulu va nlamulo,
Sooruma vasulu va sooruma, sooruma vasulu va sooruma,*+
Vakhaani nno, vakhaani iwe”.
Tivo, okathi anrowa aya weettaka,
Awo anookwattuliwa* amoreleke ottuli,
Nave anooxinttiwa, anoohomphwa ni anoovariwa.+
14 Nyuwo atthu oowiittottopa,
Vamosa ni nyuwo munaalamulela atthu ala oYerusalemu, mwiiwe moolumo a Yehova.
15 Nyuwosa munihimya wiira:
Okathi enirwa aya epula yinceene, yeeyo enrowa osariha maasi,
Khenrowa oniphwanya,
Okhala wiira wootha tori ntthyawelo nahu,
Nave wootha tonrowa oniipithiha”.+
16 Tivonto, etthu onihimya awe Pwiya Muulupalexa Yehova, tiila:
“Miyo koopweha oSiyoni nluku noolipa, ntoko alisenso aya,+
Nluku nlo, ninrowa okhala nluku nuulupale+ na alisenso oolipa.+
Khuuvo mutthu onaamini nluku nno, onrowa oxanka.+
Epula ya maralala enookhupa ntthyawelo nanyu noowootha,
Nave maasi anoosarya opuro muniipitha anyu.
18 Nivarihano mwaapanke anyu ni naakhwa, nnoomalihiwa,
Okathi anrowa aya ophiya maasi manceene a epula,
Munookhumpwa.
19 Okathi wootheene anrowa aya oviraka maasi awo,
Animookhupani;+
Maasi awo anooviraka khula nihiku,
Voosiisu, othana ni ohiyu.
Muhupi woowoopiha, onimwaakhaliherya osuwela saana etthu yiiwale aya”.*
20 Ekhaama ti yootepa okhuveya, vahiniweryaneya aya mutthu wiixookola,
Nave mukhumi ti wootepa okhuveya, vahiniphiyerya aya wiikhuneela erutthu yootheene.
21 Yehova onimweemela, ntoko iirale awe omwaako Perasimi;
Owo onoopaka etthu, ntoko iirale awe nxepa* naattamenle oXibeyoni,+
Aayo, onoopaka etthu yootikiniha.
Nave onoovara muteko awe, yoowo ohilimaleliwe.+
22 Vano, muhiveeheke,+
Wiira ikwirinti mutthukwaniwe anyu sihitepe olipihiwa,
Okhala wiira koomwiiwa Pwiya Muulupalexa, Yehova a anakhotto, ohimyaka wiira:
Elapo ela yootheene* yoolakeliwa omala-malihiwa.+
23 Mutthukule maaru anyu, mwiiwe masu aka;
Nwiriyane oratteene itthu kinihimya aka.
24 Niireke mulimi onniviriha okathi awe wootheene olimaka,
Otathaka ni oreerihaka etthaya, ohirowaka waala etthu?+
25 Kiira nuumala olokiherya etthaya,
Onnimisa ekomiinyu* yooriipa ni onnaala ekomiinyu?
Nave kiira onnaala etiriku, epyo eniihaniwa payinsu ni esevaata, mapuro aya ooreerela?
Nave-tho kiira onnaala muthinto mukina wa etiriku*+ mukerekhere mwa ematta?
26 Muluku onnimuttaruxa mutthu ottharaka exariya,
Ni onnimwiixuttiha.+
27 Ekomiinyu yooriipa kheninyakattiwa ni ethaapwa,*+
Nave khaninvirihiwa nroota na ekaaro vasulu va ekomiinyu.
Masi ekomiinyu yooriipa eneepetthiwa ni ekopo,
Nave-tho ekomiinyu eneepetthiwa ni ekopo.
28 Akhala wiira mutthu onneepettha ipyo wiira sipakiwe ephaawu, niireke owo onnixila ipyo iyo?