Isaalimu

Nsipo na Atthu Aniwela.*

120 Okathi kaaxankale aka, kaahinvekela Yehova,+

Nto owo aahikaakhula.+

2 Khoo Yehova, mukoopole wa atthu yaale anikootherya,

Ni ale anaawoka akina.

3 Muluku onrowa owiirihani exeeni?

Ni onrowa woohukhumuni sai, nyuwo eyano yoowootha?+

4 Owo onimoovahani ehukhumu ni mattheere* oothokolowa+ a nakhotto,

Vamosa ni makhala a mooro.+

5 Kootakhaliwa miyo, okhala wiira kinikhala oMexeki+ ntoko namurwa!

Kinikhala eriyari ya itenta* sa oKedari.+

6 Okhuma khalai, kinikhala eriyari ya atthu,

Ohinaasivela murettele.+

7 Miyo ka mutthu a murettele, masi okathi kinilavula aka,

Awo aniphavela ekhotto.