Wahala a Nenli
3 Vano Salomooni aahipacerya oteka empa ya Yehova+ oYerusalemu, omwaako Moriya,+ weiwo Yehova aamukhumelenle awe paapa awe, Davidi,+ opuro yoowo Davidi aalokihenrye awe wiira oteke etemplo, opuro oneepetthiwa etiriku wa Ornani,+ muyebusi. 2 Owo aapacenrye oteka nihiku na nenli na mweeri wa nenli, mwaakha wa neexexe wa olamulelo awe. 3 Alisenso Salomooni aamutenke awe para empa ya Muluku eekeekhai, erakamelo awe waari imeeturu 27,* okhuveya waya waari etthu yoowiiraka imeeturu 9,*+ moovarihana ni miphimo sa khalai. 4 Epantta ya ohoolo ya etemplo, naahikhala niphiryo* naalikana ni okhuveya wa etemplo,* naarina etthu yoowiiraka imeeturu 9; vano orakama waya waari etthu yoowiiraka imeeturu 9.* Muhina mwaya aahisirika ni eweero yooreerexa.+ 5 Owo aahivirihela ithaapwa sa xuniiperu empa yuulupale, osirika ni eweero yooreerexa,+ nuumala-vo aahitesenyari ilatarato sa korooro+ ni ikwirinti.+ 6 Nave aahivirihela maluku oowaarya empa eyo.+ Eweero+ aarumenle awe yaari ya oParvayimi. 7 Aahisirika empa eyo ni eweero, eyo piiyo, iviika, ixiri ni mikhora.+ Nave aahipaka ilatarato sa makerubi vaxirini.+
8 Owo aahipaka esaala ya Nipuro Noowaaryexa.+ Orakama waya waamulikana ni okhuveya wa empa eyo, weiwo waari etthu yoowiiraka imeeturu 9,* nave okhuveya waya waari etthu yoowiiraka imeeturu 9. Aahisirika empa eyo ni eweero yooreera yaaphiyerya ikiilu 20.520.*+ 9 Olemela wa ipereku sa eweero waari wa ixeekele* 50. Nave aahisirika isaala sa osulu ni eweero.
10 Moottharelana, esaala* ya Nipuro Noowaaryexa aahipaka ilatarato sa makerubi manli, osirika ni eweero.+ 11 Orakama wa mapupha a makerubi+ waari etthu yoowiiraka imeeturu 9. Nipupha nimosa na kerubi oopacerya, orakama waya waari imeeturu piili,* nave naanikwata exiri ya empa. Vano nipupha nikina, orakama waya waari imeeturu piili, nave naanikwata mapupha a kerubi mukina. 12 Nipupha nimosa na kerubi mukina orakama waya waari imeeturu piili, nave naanikwata exiri ekina ya empa. Vano nipupha naya nikina, orakama waya waari imeeturu piili, nave naanikwata mapupha a kerubi oopacerya. 13 Orakama wa mapupha a makerubi awo waari imeeturu 9. Awo yaarimweemexiwa, awehaka muhina.*
14 Nave aahipaka ekortina+ ni nliinya nooripelela, ekuwo ya ekoore violeeta, ekuwo yooxeerya ni ekuwo* yooreera, nave aahipaka iteseenyu sa makerubi ekortiina eyo.+
15 Moottharelana aahipaka ipilaari piili+ saari ohoolo wa empa, seiyo orakama waya waari etthu yoowiiraka imeeturu 16, nave khula epilaari aahipaka malipiheryo yaawo yaarina etthu yoowiiraka imeeturu piili.+ 16 Nave aahipaka ikwirinti, seiyo saalikana ni ekolaari, othomeya vasulu va epilaari eyo. Nave-tho, aahipaka ilatarato 100 seiyo saalikana ni muhokorokho oniihaniwa roma, ohela ikwirinti iyo. 17 Owo aaheemexa ipilaari iyo ohoolo wa etemplo, emosa moono woolopwana* ekina moono woothiyana.* Yaari moono woolopwana aahivaha nsina noowi Yakini,* vano yaari moono woothiyana aahivaha nsina noowi Bowazi.*