YESAYA

 2 Nyuwo erimu, nwiriyane! Nave nyuwo elapo,+ nwiriyane oratteene,

Okhala wiira Yehova oolavula wiira:

“Kihaahuwa anamwane ni koowiixuttiha,+

Masi awo khaniphavela okiiwelela.+

 3 Epooyi ennimusuwela ole othumme,

Puuru onnimusuwela pwiya awe oninvaha yoolya,

Masi aisarayeli khanikisuwela,*+

Atthu aka khanipaka itthu ni ankhili”.

 4 Mootakhaliwa nyuwo nloko na anatampi,+

Atthu aniteexa itampi,

Nloko nootakhala, ni anamwane ootakhala murima!

Aamuhiya Yehova,+

Khamuttittiminhe Muluku Oowaarya a Isarayeli,

Awo aamunyanyala.

Muru anyu wootheene onniwereiwa,

Nave murima anyu wootheene onniwereiwa.+

Erutthu anyu yoovulala, yookhalana makuma, ni makhwatta,

Kharapihiwe, khatthukiwe, nnakhala khaheliwe makhura.+

 8 Epooma ya oSiyoni, ehanle ntoko muxaxa ori ematta ya ewuuva,

Ntoko muxaxa ori ematta ya muxiri,

Ntoko epooma erukureriwe ni awanani.+

 9 Vaakhanle wiira Yehova a anakhotto khonihiyenrye atthu vakhaani yooponwe,

Naarowa okhalaka ntoko epooma ya oSodoma,

Ni naarowa olikanaka ni epooma ya oGomora.+

“Sookiphweela soovaha sanyu para opahiwa sa ipwittipwitthi*+ ni ekortuura ya axinama akina,+

Nave nkiniphavela ephome+ ya ipooyi saamukhaani soolopwana,+ ni ya ipwittipwitthi ni ya ipuri.+

12 Munrwa ohoolo waka,+

Ti pani oorummeni?

15 Okathi muniteexerya anyu osulu matata anyu,

Miyo kinniipithiha maitho aka.+

Hata mpakaka mavekelo manceene,+

Miyo nkinoowiriyanani;+

Okhala wiira matata anyu aasareya ephome.+

16 Mwiirapihe, mwiireerihe,+

Nvenxe ohoolo waka itthu sootakhala muniira anyu;

Muhiye ovara itthu sootakhala.+

17 Mwiixutteke opaka itthu sooreera, mphaveleke exariya,+

Mmuttaruxe mutthu onaahaaxa akhwaawe,

Mwaakiheryeke itireitu sa mwaana ohirina apapawe,*

Nave mwaakiheryeke itireitu sa muthiyana naamukhweli”.+

“Hata itampi sanyu siri ene sooxeerya ntoko ephome,

Iyo sinookhalihiwa sootteela;+

Hata siri ene sooxeerya ntoko ekottokhwa,

Iyo sinookhala sootteela ntoko nxotte.

19 Akhala wiira nyuwo munookiiwelelaka,

Munrowa olya itthu sooreera sa elapo ela.+

20 Masi, akhala wiira munookhootta okiiwelela ni munookirukunuwela,

Munrowa opwetexiwa ni espaata,*+

Ti miyo Yehova kilavunle eyo”.

Yaari yoosareya atthu yaavara itthu sooreera,+

Epooma eyo yaahikhala-mo exariya,+

Masi vano enikhaliwa ni anawiive.+

22 Eparatha anyu kherina efaita,+

Nave serevexa* anyu ootakaaheriwa maasi.

Awo khaniwiirela exariya anamwane ahirina paapa aya,*

Nave khaniphavela-tho ophuka mulattu wa muthiyana naamukhweli.+

24 Tivonto, Pwiya eekeekhai, Yehova a anakhotto,

Muluku Oowerya a Isarayeli, onihimya wiira:

“Nwiriyane! Kinrowa wiixaakiha awanani aka,

Nave, kinrowa owunlela ikuhu awanani aka.+

25 Kinrowa woovahani ehukhumu,

Kinrowa wooreerihani,*

Nave kinoovenxa wa nyuwo itthu sootheene soohiloka.+

26 Kinrowa woottikiheryani alipa-oophuka milattu, ntoko saari aya khalai,

Ni atthu anrowa woovahakani miruku, wiira vakhale ntoko woopaceryani.+

27 OSiyoni onimoopoliwa+ ni exariya;

Nave atthu awe atthinke mwaha wa exariya ya Muluku.

28 Atthu oohiiwelela ni anatampi anrowa opwetexiwa hoothe,+

Nave ale amuhiyale Yehova, anoopwetexiwa.+

29 Awo animuuliwa muru mwaha woowi nyuwo mookokhorela ilatarato vathi va miri suulupale mwaaphavela anyu,+

Nave vathi va ixarti muthanlale anyu.+

30 Nyuwo munrowa olikanaka ni mwiri muulupale, yoowo makukhu aya aninyaala,+

Nave munrowa okhalaka ntoko exarti ehirina maasi.

Nave muteko awe onrowa okhalaka ntoko mooro;

Iyo sinoopahiwa vamosa,

Nto khuuvo onrowa owerya ottipiherya”.

 2 Mahiku ookiserya,

Mwaako eri aya empa ya Yehova,

Onrowa okhala woorakama ovikana miyaako sikina ni onrowa olipihiwa saana.

Owo onrowa okhala woorakama ovikana mattumuxa,+

Nto atthu a maloko ootheene, anoorowaka vaavo.+

“Murwe, nawele vamwaako va Yehova,

Empa ya Muluku a Yakobe.+

Owo onrowa oniixuttiha iphiro sawe,

Nave hiyo nnimweettelaka iphiro sawe”.+

Nlamulo na Muluku nnoolaleiwa* okhuma oSiyoni,

Nave nuulumo na Yehova nnoolaleiwa okhuma oYerusalemu.+

 4 Muluku onrowa okhala mulipa-oophuka milattu sa maloko,

Nave onrowa olokiherya myaha sinaavara atthu anceene.

Atthu awo anoohana ispaata saya,* wiira sikhale ixaruwa,*

Nave anoohana mavaka aya, wiira akhale icampeya.*+

Nloko nimosa khaninrowa orumeela espaata wiira niwane ni nloko nikina,

Nave-tho, atthu awo khanrowa wiixutta owana ekhotto.+

 5 Murwe, nyuwo osuulu wa Yakobe,

Neetteke nimwaleeliwaka ni Yehova.+

 6 Nyuwo muhaanyanyala atthu anyu, eyo piiyo, osuulu wa Yakobe,+

Okhala wiira awo annitthara soolema sa ilapo siri mpantta onikhuma nsuwa;

Awo annipaka maxintta,+ ntoko aniira aya afilisti,

Nave eriyari aya, aasarya anamwane a anamurwa.

 7 Elapo aya yoosareya eparatha ni eweero,

Nave khareerane mihakhu.

Elapo aya yoosareya ikhavalo,

Ni khareerane ikaaro sa ekhotto sinipuruliwa ni inama.+

Awo annikokhorela ilatarato apanke aya ni matata aya,

Seiyo apanke aya ni ikatha saya.

 9 Tivo, pinaatamu onniiyeviha, ni onnuulihihiwa muru,

Nave, nyuwo khamunrowa omulevelela.

10 Mukele mukhukuni ni muthipe malitti wiira mwiipithe,

Mwaha wa Yehova onanariwe vanceene,

Ni mwaha wa owerya wawe ni ovuwa wawe.+

11 Atthu oowiisoona animuulihihiwa muru,

Nave ale oowiixinnuwiha anooyevihiwa.

Nnimwaaphwanya atthu ootheene oowiisoona ni oowiittottopa,

Nnimwaaphwanya atthu ootheene, akhale oovuwa wala oohivuwa.+

14 Nnoophwanya miyaako sootheene soorakama,

Ni mattumuxa ootheene oorakama.

16 Nnimwaaphwanya apakiti ootheene a oTaarisi,+

Ni nnoophwanya ikalawa sootheene sooreera.

17 Atthu oowiisoona animuulihihiwa muru,

Nave ale oowiixinnuwiha anooyevihiwa.

19 Atthu anookela mmakhukuni ni mmalittini,

Mwaha wa Yehova onanariwe vanceene,+

Ni mwaha wa owerya wawe,

Ni ovuwa wawe,+

Okathi onrowa awe ovenya wiira othukumelihe elapo, mwaha wa woova.

20 Nihiku nenno, atthu animwaakuxa amuluku aya a eparatha ni a eweero,

Yaawo yaapanke aya wiira yaakokhoreleke,

Yaarihele nipuro anikhala aya ampwisi* ni anantuuthu.+

21 Siiso, awo anookela mukhukuni,

Ni animwiipitha eriyari ya maluku maalupale,

Mwaha wa Yehova onanariwe vanceene,

Ni mwaha wa owerya wawe ni ovuwa wawe,

Okathi onrowa awe ovenya wiira othukumelihe elapo, mwaha wa woova.

22 Para mureerelo anyu, muhiye omuroromela pinaatamu,

Yoowo onlipa ni iphumu paahi.

3 Mwiiwe! Pwiya eekeekhai, Yehova a anakhotto,

Onoohiya waakhaliherya ni waavaha itthu, atthu a oYerusalemu ni a oYuda,

Onoohiya waavaha eyoolya* ni maasi.+

 2 Onimwaakumiha mittetthe iyo atthu oowerya ni anakhotto,

Alipa-oophuka milattu ni maprofeta,+ anahako ni axitokweene,

 3 Maxeefi a atthu 50,+ makhulupale ni alipa-oovaha miruku,

Ni anisuwela saana opaka maxintta ni anisuwela saana weepesa* inowa.+

 4 Kinoowiiriha amiravo acikhaani okhala makhulupale aya,

Nave atthu oohiroromeleya, tanrowa waalamulelaka.

 5 Atthu anrowa ohaaxanaka yaawo-ru,

Khula mmosa onrowa omuhaaxaka mukhwaawe.+

Mmiravo mwaamukhaani onrowa omutuphelaka mulopwana oowuuluvala,

Nave mutthu ohinooneliwa vatthu, onrowa onvaanyihaka ole oottittimihiwa.+

“Miyo nkinrowa otthukwaka makhwatta anyu;*

Owaani nkirina eyoolya nnakhala ikuwo.

 8 Yerusalemu oomora,

Nave Yuda oomora,

Okhala wiira moolumo aya ni miteko saya, sinninvirikanya Yehova;

Awo aamurukunuwela Muluku oowaarya, vamaithoni vawe.+

 9 Owiitho waya onnaavaanyiha,

Nave annilaleya itampi saya ohoolo wa atthu ootheene, ntoko aniira aya atthu a oSodoma;+

Awo khaneererya ovitha.

10 Mwaaleele anaxariya wiira itthu sinooweettela saana;

Awo anrowa otthuveliwa mwaha wa itthu anivara aya.*+

Maxakha animwaakhumelela atthu awo,

Okhala wiira sinoowiiraneela itthu apanke aya ni matata aya!

12 Atthu aka, annihaaxiwa ni ale anaavarela aya muteko,

Nave annilamuleliwa ni athiyana.

Nyuwo atthu aka, ahooleli anyu anniweettakasihani,

Awo annoothweelelihani.+

13 Yehova onniilokiherya ntoko mulipa-oophuka milattu;

Owo onneemela wiira ohukhumu maloko.

Owo onihimya wiira: “Nyuwo moopaha ematta ya ewuuva,

Nave mpa mwanyu,+ soosareya itthu nwiiyenrye anyu amasikhini.

16 Yehova onihimya wiira: “Okhala wiira axithiyana a oSiyoni toowiixinnuwiha,

Awo aneetta yeemenxe ene muru,*

Annaasamula alopwana ni moota anaaweha aya, ni anneetta attakalaka,

Yeettaka, annirumiha ipulseera awanre aya mukosani mwaya.

17 Yehova onimwaakumiherya xilape* axithiyana a oSiyoni,

Nave, Yehova onoowiiriha okhuma ntari.+

18 Yehova onoovenxa itthu sinaaphwaneliha: ipulseera aniwara aya mukosani,

Maleeso anitthukwana aya muru, ni itthu sikina saaphwaneliha.*+

19 Ni ipirinku, ipulseera, iveewu,

20 Maleeso ni ikwirinti* yaiphwaneliha aya mukosani, ni musako yaatthukwana aya vapeeto,

Ni ifrasku sa iperfuume ni ihirisi sa ikhoropa sa mphareya.

21 Ni anela a mukathani ni ipirinku sa vaphulani,

22 Ni ikuwo sa ofestani, malaya, mikhumi, ni mirupa sa mmatatani,

23 Ni ixipelyu+ saavareliwa mmatatani ni malaya a eliinyu,*

Ni maleeso ni iveewu.

24 Ohiya wunkhelaka makhura a baalsamu,+ awo anrowa wunkhaka etthu yoowuntta;

Ohiya owaraka esintu, anrowa owaraka mukhoyi;

Ikharari saya sooreera sinoomora, ni anookhuma ntari;+

Ohiya owaraka malaya a musurukhu munceene, anrowa owaraka malaya a isaakho;+

Nave ohiya okhalana erutthu yooreera, anrowa okhalana murala.*

25 Alopwana anyu animwiiviwa ni espaata,*

Nave alopwana anyu oowerya animwiiviwa okhottoni.+

26 Vamikhora sa oSiyoni, atthu anooriipiwaka murima ni anrowa wunlaka,+

Nave muttetthe owo, onrowa olikanaka ni muthiyana aakhiwe mireerelo sawe ni okilanthi vatthayani”.+

“Hiyo ninrowa olyaaka eyoolya ahu,

Ninrowa owaraka ikuwo sahu;

Munihiye paahi wiira niihaneliweke nsina nanyu,

Wiira nihuuliweke muru”.*+

5 Xontte, mukihiye kimwiipele nsipo ole kinimphenta aka,

Kiipe nsipo ninlavula sa ole kinimphenta aka ni ematta awe ya ewuuva.+

Eriyari ya ematta eyo, aahiteka empa yoorakamela musulu,

Ni aahithipa nipuro ninnyakattiwa ewuuva.+

Owo aalipelela wiira aamuruwerya ewuuva yooreera,

Masi aaruwenrye ewuuva yoohiloka paahi.+

 3 “Vano, nyuwo munikhala oYerusalemu ni nyuwo alopwana a oYuda,

Xontte mukiphukele miyo ni ematta aka ya ewuuva.+

 4 Exeeni-tho yaakhanle aka oowiiriha ematta aka ya ewuuva,

Masi kihiwenrye aka wiiriha?+

Miyo kaalipelela wiira kinooruwerya ewuuva yooreera,

Nto xeeni kihalaka oruwerya ewuuva yoohiloka paahi?

 5 Xontte, vano mukihiye kooleeleni,

Etthu enrowa aka wiiriha ematta aka ya ewuuva:

Miyo kinookumiha ekintaali kitekelenle aka,

Nto ematta eyo enoopahiwa.+

Kinrowa opwexakasa ekintaali eyo ya maluku,

Nto ematta eyo enrowa onyakeliwa.

 6 Kinimwiiriha ematta eyo okhala milepe;*+

Khenrowa okwaseriwa iritta saya aahiiso olimmwa.

Enrowa osareya miiwa ni malaxi,+

Nave kinooruma meeku wiira ahirupihele epula.+

 7 Ematta ya ewuuva ya Yehova a anakhotto, ti nloko na Isarayeli;+

Itthu aalale awe saamusivela, ti alopwana a oYuda.

Owo aalipelela wiira atthu yaarowa ophukaka milattu ettharaka exariya,+

Masi awo khiyaatthara nlamulo.

Owo aalipelela wiira atthu yaarowa othokoreryanaka mwa xariya,

Masi iiwa okhuwela wa atthu yaahaaxiwa”.+

 8 Aatakhaliwa atthu yaale anikhalana ipa sinceene,+

Ni ale anikhalana imatta sinceene,+

Mpakha ohihala opuro para atthu akina,

Nto nyuwo munakhala axineene mulaponi!

Hata ipa iyo sinceene siri ene suulupale ni sooreera,

Sinrowa opwexakasiwa,

Nave khuuvo onrowa okhalaka-mo.+

10 Ikitaari ixexe sa ewuuva, sinrowa oruwerya epaathu* emosa paahi ya eviinyu,

Nave ehoomeri* emosa ya mmiso, enrowa okhuma eefa* emosa paahi ya ipyo.+

11 Aatakhaliwa atthu yaale anivenya voosiisu, wiira awurye itthu soohapala,+

Yaawo anikhala mpakha ohiyu, ni mpakha eviinyu waahapala ahinaisuwela.

12 Ifesta saya, awo annikhalana aviola ni ikaruma sa isipo sirina mikhoyi,

Ni malapa macikhaani,* ni iphivi* ni eviinyu;

Masi awo khanithokorerya miteko sa Yehova,

Nnakhala khanoona itthu onipaka awe.

13 Atthu aka anoorowa weepotthani,

Okhala wiira awo khanikisuwela;+

Makhulupale aya anoovoliwa etala,+

Nave atthu ootheene anoovoliwa ntthona.

14 Nto Mahiye* ahincerereya,

Aahula eyano aya vanceene;+

Siiso, makhulupale, ni atthu anceene aninyakula, ni ale anitthapa,

Anookhuruwela mmahiye memmo.

15 Atthu anooyevihiwa,

Atthu animuulihihiwa muru,

Nave ale oowiittottopa, animuulihihiwa muru.

16 Yehova a anakhotto, onoovuwihiwa mwaha wa ophukela wawe;*

Muluku eekeekhai, Muluku Oowaarya,+ onooreeriha nsina nawe orumeelaka exariya.+

17 Ipwittipwitthi sinrowa olyaaka mulaponi-mmo, siisaale siniira aya mapuro silimalenle aya olyihiwa;

Nave anamurwa anrowa olyaaka mapuro yaale khalai inama saalya aya saana.

18 Aatakhaliwa ale anootha! Ni wootha waya, awo annipurula itampi,

Siisaale enama enipurula aya ekaaro ni mikhoyi.

19 Awo anihimya wiira: “Mmuhiye Muluku aakuve;

Miteko sawe, sirwe voowaakuveya wiira noone.

Yiireye etthu oniphavela awe Muluku Oowaarya a wIsarayeli,

Wiira hiyo noone!”+

20 Aatakhaliwa ale anihimya wiira etthu yooreera ti yootakhala, nave etthu yootakhala ti yooreera,+

Ale anirantteliha epiphi ni okokola, nave okokola ni epiphi,

Ale anihimya wiira etthu yoowaawa ti yoosiva, nave etthu yoosiva ti yoowaawa!

21 Aatakhaliwa ale aniixoona okhalana miruku,

Ni aniixoona okhalana ankhili!+

22 Aatakhaliwa atthu yaale anisuwelexiwa mwaha wa owurya eviinyu yinceene,

Yaale anisuwela saana otakaaha soowurya soohapala.+

23 Aatakhaliwa atthu yaale aninvaha erasau mutakhali mwaha wa okunyariwa,*+

Ni ale animukhoottela exariya,+ mutthu orina erasau!

24 Tivonto, siisaale mooro onipaha aya malaxi,

Nave malaxi oowuuma anivya aya vaikho,

Siiso-tho, mitathaari saya sinimuntta,

Nave ifilori saya sinoomwara-mwareya ntoko ntthupi,

Okhala wiira awo aakhootta nlamulo na* Yehova a anakhotto,

Ni khacanle nuulumo na Muluku Oowaarya a wIsarayeli.+

25 Nave-tho, Yehova onrowa onanariwa vanceene ni atthu awe,

Nave onimookola ntata nawe, aamane.+

Miyaako sinootetereya,

Nave mirutthu sa atthu awo, sinrowa okhala ntoko ikokhola mustaraatani.+

Mwaha wa itthu iya sootheene, onanariwa wa Muluku khomanle,

Masi nlelo ohookola ntata nawe wiira aamane.

26 Owo onimweemexa ekanyeryo wiira aavahe esinaale atthu a nloko na ottaiwene;+

Onoowiipela muturi, wiira arwe akhumaka omalenle elapo;+

Mwiiwe! Awo annoorwa atthimakaka.+

Esintu awanre aya khenimora-mora,

Nnakhala mikhoyi sa isantaalya saya khasinikhwaseya.

28 Mattheere* aya ootheene toothokowa,

Nave miyuura saya sootheene ti sookokheya.

Itthottopwa* sa ikhavalo saya ti soolipa ntoko nluku,

Nave maroota a ikaaro saya anlikana ni nayuupuri.+

29 Oruma waya onlikana ni murukulu wa kharamu;

Awo annoopa murukulu ntoko akharamu acikhaani.+

Animoopa murukulu ni anoovara enama aya,

Anookuxa enama eyo, ni khuuvo onrowa waakiherya.

30 Nihiku nlo, nuumala ovara enama eyo, awo animoopa murukulu,

Ntoko oruma wa ephareya.+

Atthu ootheene anrowa owehaka elapo eyo, anrowa woonaka epiphi yoowoopiha;

Hata nsuwa ninrowa oriipa, mwaha wa meeku.+

Miyo ka natampi, ni moolumo aka toohiloka,

Nave kinikhala eriyari ya atthu arina moolumo oohiloka,+

Okhala wiira konweha Mwene, Yehova a anakhotto!”

Mulattu anyu woomalihiwa,

Nave Muluku ohoolevelelani itampi sanyu”.

‘Nyuwo munrowa wiiwaka ikwaha sinceene,

Masi khamunrowa osuwela etthu;

Munrowa woonaka ikwaha sinceene,

Masi khamunrowa osuwela etthu’.+

10 Muumihe murima wa atthu ala,+

Muttiyele maaru aya,

Nwale maitho aya,+

Wiira ahooneke ni maitho aya,

Ni ahiiweke ni maaru aya.

Siiso, awo khanrowa osuwela etthu,

Nave khanrowa orukunuxa mirima saya nnakhala khanrowa openuxiwa”.+

“Mpakha ipooma opwexakasiwa ni ohikhaliwa,

Ipa ohikhaliwa atthu,

Ni elapo ohononiwa khukhala milepe.*+

12 Mpakha Yehova waaroiha atthu ottaiwene,+

Ni elapo yootheene okhala milepe.

“Etthu yiiwananne aya, khenrowa oweettela saana,

Nnakhala khenrowa wiiraneya.

 8 Muru wa Siiria ti Damaasiko,

Nave muru wa Damaasiko ti Resini.

Muhina mwa iyaakha 65 paahi,

Nloko na Efrayimi nnoopwetexiwa ni khaninrowa-tho okhala.+

 9 Muru wa Efrayimi ti Samariya,+

Nave muru wa Samariya ti mwaana a Remaliya.+

Mwaahikhalane waamini woolipa,

Omwene anyu khonrowa olipa vanceene”’”.

 6 “Okhala wiira atthu ala aakhootta maasi oomaala a oSilowe*+

Ni aathanla omukhaliherya Resini ni mwaana a Remaliya,+

 7 Tivonto, moone! Yehova onimwaakumiherya,

Maasi manceene ootupa a muro Eufrate,

Eyo piiyo, mwene a wAsiiria+ ni ovuwa wawe wootheene.

Muro owo onoosarya,

Ni onoomwareela ikhopela soopiili.

 8 Maasi awo anoosamiha elapo ya oYuda,

Ni anoosarya mpakha muxikoni;+

Nyuwo Emanuweli,*+ owo onimookola mapupha awe,

Ntoko mwaapalame, wiira okhuneele elapo yootheene!”

Mulavuleke etthu muniphavela anyu, masi eyo khenrowa weetta saana,

Okhala wiira Muluku ori ni hiyo!*+

Muhooveke itthu anoova aya,

Nnakhala muhittettemeleke mwaha wa itthu iyo.

13 Yehova a anakhotto, ti yoowo mukhanle anyu oomoonaka okhala oowaarya,+

Ti yoowo mukhanle anyu oomoovaka,

Ni ti yoowo okhanle owiirihani ottettemela”.+

14 Owo onrowa okhala ntoko nipuro noowaarya,

Masi-tho onrowa okhala ntoko nluku ninkwattuliha,*

Ni mwala onimoroxa,+

Para omwene woomiili wa Isarayeli.

Onrowa okhala ntoko ntapha ni muraakho,

Para atthu anikhala oYerusalemu.

15 Atthu anceene anookwattuliwa,* anoomora ni animuntakasiwa;

Awo anoomorela vamuraakhoni ni anoovariwa.

16 Mukhune eroolu alempwale aya moolumo awo;

Mukhune eroolu elempwale nlamulo ni mwaavahererye awiixutti aka paahi!

 2 Atthu yaale yeetta mweepiphini,

Yaahoona waarya wuulupale.

Vano atthu yaale yaakhala mulaponi mooriipela vanceene,

Waarya waahaamwaleela.+

 3 Muhiiriha nloko okhala noowaatta;

Moowiiriha otteeliwa murima vanceene.

Ntoko atthu anitteeliwa aya murima, okathi wa ohepha,

Ntoko anitteeliwa aya murima,

Okathi anikawana aya itthu awaakhale aya atthu okhottoni.

 4 Muhintakasa mwiri yaakapatta aya mmakhatani, wiira ateexane miritti soolemela,

Muhintakasa ekopo yaarumeeliwa wiira amaneliwe mmakhatani, eyo piiyo, ekopo ya makapataaxi,

Ntoko nihiku yaaxinttiwe aya elapo ya oMidiyani.+

 5 Ipoota sootheene sa atoropa sinixekexa elapo okathi aneetta aya,

Ni malaya ootheene asareyale ephome,

Sinrowa okhala ikhuni.

 6 Hiyo nooyareliwa mwaana,+

Noovahiwa mwaana mwaamulopwana;

Owo onookhalana owerya wiira olamuleleke.*+

 7 Omwene awe onoomwareela elapo yootheene,*

Nave murettele khonrowa omala,+

Veehiceni ya Davidi+ ni moomweneni mwawe,

Wiira okhalihe omwene owo+ ni eettiheke,

Orumeelaka exariya,+

Okhuma olelo-va mpakha mahiku ootheene.

 8 Yehova oomuroihela muhupi woophukela Yakobe,

Nave muhupi owo woohimmwa wIsarayeli.+

 9 Atthu ootheene anoosuwela, eyo piiyo,

Efrayimi ni atthu anikhala oSamariya,

Yaawo aniittottopa ni aniikompela ahimyaka wiira:

10 “Soomora ipa sa itixolu,

Masi hiyo ninrowa oteka ipa sa maluku oothikiliwa.+

Sihiikitthiwa miri sa efiiku,

Masi hiyo ninrowa orantteliha ni miri sa eseeturu”.

11 Yehova onimwaaruuha awanani a Resini wiira amutuphele,*

Ni onoowiiriha awanani awo opaka etthu.

12 Mpantta onikhuma nsuwa, animoorwa atthu a oSiiria, ni mpantta onikela nsuwa*+ animoorwa atthu a oFilisti,

Wiira yaathame ni ammirye Isarayeli.+

Mwaha wa itthu iya sootheene, onanariwa wa Muluku khomanle,

Masi nlelo ohookola ntata nawe wiira aamane.+

13 Atthu khamutthikenle ole aamanne;

Awo khamwaavyale Yehova a anakhotto.+

14 Nihiku nimosa-ru,+ Yehova onrowa okwasa muru ni mwiila wa Isarayeli,

Eyo piiyo, mwiri onimela ni malaxi oorakama* wIsarayeli.

15 Mutthu oowuuluvala yoowo onittittimihiwa vanceene, tori muru,

Masi profeta onilaleya itthu soowoothiwa, tori mwiila.+

16 Ale anaahoola atthu awo anniweettakasiha,

Nave ale anihooliwa khanisuwela etthu yoowiira.

17 Tivonto, Yehova khonrowa otteeliwa murima ni amiravo aya,

Nave khonrowa waamorela ikharari anamwane ahirina paapa aya* ni athiyana anaamukhweli,

Okhala wiira ootheene aya anninvirikanya Muluku ni tootakhala murima,+

Nave atthu ootheene anilavula itthu seethiru.

Mwaha wa itthu iya sootheene, onanariwa wa Muluku khomanle,

Masi nlelo ohookola ntata nawe wiira aamane.+

18 Otakhala onnipatta ntoko mooro,

Onnipaha miiwa ni malaxi.

Mooro owo onoopaha etakhwa yoophipa,

Nave eyo enrowa otthuwaka mwiixi.

19 Mwaha wa onanariwa wa Yehova a anakhotto,

Elapo ela yoopahiwa ni mooro,

Nave atthu anrowa opahiwa ni mooro.

20 Mutthu mmosa onoomeya yoolya eri moono awe woolopwana,

Masi nlelo onoovoliwa etala;

Nave mutthu mukina onimoolya eyoolya eri moono awe woothiyana,

Masi nlelo khonrowa ovona.

21 Manase onoomukhuura Efrayimi,

Nave Efrayimi onoomukhuura Manase.

Mwaha wa itthu iya sootheene, onanariwa wa Muluku khomanle,

Masi nlelo ohookola ntata nawe wiira aamane.+

10 Aatakhaliwa atthu yaale anipaka malamulo ootakhala,+

Yaawo animakela olepa malamulo oohaaxa,

 2 Wiira akhootte ophuka milattu sa alipa-oohaawa,

Ni akhootte owiirela exariya alipa-oohaawa,+

Awaakhaka athiyana anaamukhweli mireerelo saya,

Ni akuxaka mireerelo sa anamwane ahirina apapaya!*+

 3 Munrowa opaka exeeni nihiku ninrowa aya ophukiwaka milattu,+

Okathi onirwa awe ottaiwene, ole onrowa woopwetexani?+

 4 Enihala paahi okokhora ohoolo wa aperesu,

Aahiiso okhala ekurupu ya atthu yiiviwe.

Mwaha wa itthu iya sootheene, onanariwa wa Muluku khomanle,

Masi nlelo ohookola ntata nawe wiira aamane.+

 5 Owo onihimya wiira: “Nwooneke asiiria,+

Awo ti ekopo kinirumeela aka wiira kooniherye onanariwa waka,+

Kinnirumeela ekopo eyo eri mmatatani mwaya, wiira kooniherye onanariwa waka wuulupale.

 6 Miyo kinimwaaruma wiira yatuphele nloko ninkivirikanya,+

Yaatuphele atthu ankinanariha;

Kinimwaaruma wiira yawiiyerye ni yawaakhe mihakhu sinceene,

Nave animwaanyakela ntoko nttophe niri mustaraatani.+

 7 Masi asiiria khanrowa wuupuwela siiso,

Vamurimani vaya, khanrowa okhalana palano owo;

Okhala wiira vamurimani vaya, aniphavela opwetexa.

10 Koovara ilapo sinaakokhorela amuluku eethiru,

Seiyo ilatarato saya siri soowaatta, ovikana sa oYerusalemu ni oSamariya.+

11 Yerusalemu ni amuluku awe eethiru,

Kinoowiiriha etthu emosa-ru kimwiirinhe aka Samariya ni amuluku awe eethiru’.+

‘Kinoopaka ela ni ntata naka noowerya,

Ni miruku saka, okhala wiira kookhalana ankhili.

Kinoomaliha mikano sa maloko manceene,+

Nave kinoowaakha mihakhu saya.+

14 Siisaale mutthu onookola awe moono awe wiira ovare epuru,

Ntata naka nnookuxa mihakhu sa maloko.

Ntoko mutthu onittottela maace anyanyaliwe,

Miyo kinoothukumanya elapo yootheene.

16 Tivonto, Pwiya eekeekhai, Yehova a anakhotto,

Onoowiiriha atthu anyu ooneneva wootta,+

Nave onoopaha ovuwa waya.+

17 Muthuko* wa Isarayeli,+ onookhala mooro,+

Nave Muluku aya Oowaarya, onookhala nlumi na mooro;

Owo onoopatta ni onoopaha malaxi ni miiwa sa asiiria, nihiku nimosa-ru nenno.

18 Owo onoomala-maliha itakhwa saya ni ixarti saya sooreera;

Vanrowa okhalaka ntoko muretta onihala vakhaani okhwa.+

19 Miri sinrowa ohala mutakhwani mwaya, sinrowa okhala vakhaani,

Vaniweryaneya aya okontariwa ni mmiravo mwaamukhaani.

20 Nihiku nlo, atthu a Isarayeli ahanle,

Ni atthu a etthoko ya Yakobe yooponwe,

Khanrowa omulipanaka ole aatuphenle;+

Masi anrowa omulipanaka Yehova,

Muluku Oowaarya a Isarayeli, ni okhala oororomeleya wa yoowo.

21 Atthu vakhaani paahi ahanle tanrowa otthika,

Atthu vakhaani ahanle a Yakobe, tanrowa omutthikela Muluku Oowerya.+

22 Nyuwo Isarayeli, nnaamwi atthu anyu ari ene oowaatta

Ntoko mihaava sa ophareya,

Atthu vakhaani paahi ahanle tanrowa otthika.+

Aalamuliwa opwetexiwa,+

Ni anoovahiwa ehukhumu.+

23 Aayo, olamuliwa iwo opwetexiwa, weiwo ohimmwale ni Pwiya Muulupalexa, Yehova a anakhotto,

Onrowa wiiraneya mulaponi mootheene.+

28 Awo aaphiya muttetthe wa Aiyati,+

Aavira oMigroni;

Ni aapweha muritti aya oMikimaaxi.+

29 Yaahilapuwa muro,

Yaahirupa ohiyu omosa oXeba;+

Muttetthe wa oRama waahittettemela, nave atthu yaakhala oXibeya,+ muttetthe wa Sawuli, yaahitthyawa.+

Onnivenxa ntata nawe, owehihaka mwaako ori epooma ya oSiyoni,

Wiira owoopopihe atthu a epooma ya oYerusalemu, yeeyo eri vasulu va mwaako owo.

33 Moone! Pwiya eekeekhai, Yehova a anakhotto,

Onniikittha iritta, nto iyo sinnimora sirumaka vanceene;+

Miri soorekamexa sinniikitthiwa,

Nave miri siri opuro woorakamela musulu, sinnimoroxiwa.

34 Owo onnuuha ntakhwa ni maxatto,

Nave mutthu oowerya onoohonona muttetthe wa oLiibano.

11 Exa+ ya Yese enoophuwa,+

Etthu yeele enrowa ophuwa+ mmitathaarini mwaya, enimwiima mihokorokho.

Tivonto, onookhalana miruku+ ni ankhili,

Onoosuwelaka ovaha miruku ni onookhalana owerya,+

Onoosuwelaka itthu sinceene ni onoomuttittimihaka vanceene Yehova.

Khonrowa waaphukelaka atthu, ottharaka itthu sinooneya,

Nnakhala khonrowa waattaruxaka atthu, ottharaka itthu iiwale awe paahi.+

 4 Owo onimwaaphukelaka atthu oohaawa mwa xariya,

Onimwaapwapwelaka atthu mwa xariya, para mureerelo wa atthu oowiiyeviha anikhala mulaponi.

 5 Onoowara exariya muyuununi mwawe ntoko esintu,

Nave-tho, onoowara ororomeleya muyuununi mwawe ntoko esintu.+

 6 Mwiici ni epwittipwitthi, sinrowa okhalaka hoothe ni murettele,+

Nave epuri yaamukhaani ni havara, anrowa wummaathiki hoothe,

Epooyi yaamukhaani ni kharamu ni mwaaxaana ooneneva a epooyi, sinrowa okhalaka vamosa;*+

Mmiravo mwaamukhaani, tonrowa okukhulaka.

 7 Epooyi yoothiyana ni mwaamunama oniihaniwa ursu, sinrowa olyaaka hoothe,

Nave axaana aya, anrowa wummaathiki vamosa.

 8 Mwaana onaamwa, onrowa othweelaka vamwiitheni va namaryawe,

Nave mwaana ohiihiwe waamwa, onrowa okelihaka ntata nawe vamwiitheni va evili.

 9 Khenrowa wiiraneya etthu yootakhala,+

Aahiiso etthu yoonanara vamwaako vaka voowaarya,+

Okhala wiira Yehova onrowa osuweliwa vanceene mulaponi,

Siisaale maasi anisareya aya mphareya.+

Maloko anoorowa wa yoowo aphavelaka malakiheryo,*+

Nave nipuro onrowa awe okhalaka, ninrowa okhala noottittimiheya.

Efrayimi khonrowa omukhalela nrima Yuda,

Nnakhala Yuda khonrowa omunyokha Efrayimi.+

14 Nave animwaatuphela afilisti mpantta onikela nsuwa;

Oowanli aya anoowaakha mireerelo atthu a mpantta onikhuma nsuwa.

Awo animwaawerya atthu a wEdomi+ ni a oMowabi,+

Nave atthu a wAmoni anrowa owiiwelelaka yaawo.+

15 Yehova onookawanya* mpantta mmosa wa ephareya ya wExiitu,+

Onoottikinya ntata nawe vasulu va muro Eufrate.+

Orumeelaka iphumu sawe sooviha, onimuumiha miro 7 saamukhaani sa muro owo,

Nave onoowiiriha atthu olapuwa awanre ene isantaalya saya.

16 Nave-tho, onoopaka estaraata yuulupale+ enikhuma wAsiiria para atthu awe ahanle,+

Siisaale ntoko aapakenle awe aisarayeli estaraata yuulupale, nihiku yaakhuma aya elapo ya wExiitu.

“Kinnooxukhuruni, nyuwo Yehova,

Okhala wiira nnaamwi mwaananariwe ni miyo,

Onanariwa wanyu waahivukuwa vakhaani-vakhaani, ni mwaahikikurunuxa murima.+

 2 Moone! Muluku tori moopoli aka,+

Miyo kinrowa omuroromela yoowo ni nkinrowa woova etthu,+

Okhala wiira Yah,* Yehova, tori ikuru saka ni owerya waka,

Nave tonikoopola”.+

 3 Munoorikaka maasi mweehimeni yoowoopola,+

Mutteeliwe ene murima.

“Mmuxukhureleke Yehova, muromoleke nsina nawe,

Mwaasuweliheke atthu miteko sawe!+

 6 Nyuwo atthu a oSiyoni, mukhuweleke ni mutthapeke,

Okhala wiira Muluku Oowaarya a Isarayeli, ti muulupale ni ori eriyari anyu”.

Nwiitthane, mwaavahe esinaale ni ntata,

Wiira arwe avire vamikhora sa makhulupale.

Kihaathukumanya anakhotto aka, yaawo aniixinnuwiha atteeliwe ene murima,

Wiira kooniherye onanariwa waka.

 4 Mwiiwe! Wookhala muttitthi wa atthu ori omiyaakoni;

Owo oniruma ntoko atthu anceene anikhuwela!

Nwiriyane okhuwela wa maloko,

Okhuwela wa maloko athukumanne!+

 5 Awo anikhuma elapo ya ottaiwene,+

Anikhuma omalenle elapo,*

Yehova onnoorwa ni ikaruma sa ekhotto sa onanariwa wawe,

Wiira ohonone elapo yootheene.+

 7 Tivonto, atthu ootheene anrowa woovaka,

Nave miyoono saya sinootteettheya.+

Onimwaaphwanya ohaawa ni owereya,

Ntoko muthiyana onihala oyara.

Awo anniwehana yoovaka vanceene,

Oriipiwa waya murima onnooneya owiitho waya.

 9 Mwiiwe! Nihiku na Yehova nri vakhiviru,

Owo oonanariwa vanceene ni ooviruwa,

Wiira iirihe elapo ela okhala etthu yoowoopiha,+

Ni wiira aamala-malihe anatampi mulaponi.

10 Itheneeri ni ikurupu sa itheneeri,*+

Khasinrowa waaryaka;

Nsuwa nnooriipa okathi ninkhuma aya,

Nave mweeri khonrowa waaryaka.

11 Kinoowiiriha atthu a elapo eyo waakhula, mwaha wa otakhala waya murima,+

Nave atakhali animwaakhula mwaha wa itampi saya.

Kinoomaliha wiixinnuwiha wa atthu oowiittottopa,

Nave kinoomaliha wiixinnuwiha wa atthu oohaaxa.+

12 Kinoomwiiriha pinaatamu othowa, ovikana eweero yooreerihiwa,+

Nave kinoowiiriha apinaatamu othowa, ovikana eweero ya wOfiri.+

13 Miyo Yehova a anakhotto, kinimwiiriha erimu ottikinyeya,

Nave nihiku kinrowa aka onanariwa vanceene,

Kinimwiiriha elapo okhuma mmapuroni mwaya.+

14 Ntoko naahe onixaiwa, nave ntoko nikoto na inama nihirina mutthu onithukumanya,

Khula mmosa onootthikela nloko nawe;

Nave khula mmosa onootthyawela elapo awe.+

15 Mutthu yoole onrowa ophwanyiwa, onoohommwa,

Nave mutthu yoole onrowa ovariwa, onimwiiviwa ni espaata.*+

16 Anaaya anrowa othikilasiwa yaawehaka,+

Animwaakhiwa ipa saya,

Ni axaaraya anootupheliwa.

17 Kinimwaaruma atthu a oMedia wiira yaatuphele,+

Awo khanicala eparatha,

Nave khanixikha eweero.

18 Miyuura saya, sinimwaanyaanya amiravo;+

Awo khanrowa woonela othunku osuulu aya,

Nnakhala khanrowa waamorela ikharari anamwane.

19 Babiloonia, yoowo ori omwene wootepexa ovuwa,*+

Wooreera ni waawiiriha atthu a oKhaldeya wiixinnuwiha,+

Onrowa olikanaka ni oSodoma ni oGomora, okathi Muluku aapwetenxe awe.+

20 OBabiloonia, khonrowa okhaliwaka,

Nnakhala maloko anrowa okhumelela ohoolo, khanrowa okhalaka weiwo.+

Atthu a wArabia, khanrowa weemexaka etenta* aya weiwo,

Nave amakampusi, khanrowa omumulihaka inama saya weiwo.

21 Inama sa moothakoni, sinrowa wummaathiki memmo;

Ipa sa muttetthe owo, sinoosareya isiisi.

Mipisa sinrowa okhalaka memmo,+

Nave ipuri sa mutakhwani* sinrowa otupha-tuphaka memmo.

22 Inama sa mutakhwani, sinrowa okhuwelaka vasulu va ipa soorakama sa elapo eyo,

Nave alapwa a mutakhwani, anrowa wiipaka mpaani mwa ipa sooreera sa elapo eyo.

 5 Yehova ohintakasa ekopo ya atakhali,

Ohintakasa ekopo ya anamalamulela,+

 6 Yaawo yaamana atthu voohihiyererya ni ananariwe ene,+

Yaawo yaalupattha atthu yaalamulela aya, ananariwe ene ni voohihiyererya.+

 8 Hata miri siniitthaniwa xuniiperu, sootteeliwa murima mwaha wa nyuwo,

Vamosa ni miri sa oLiibano siniitthaniwa seeturu.

Iyo sinihimya wiira: ‘Okhuma okathi mmonre anyu,

Khuuvo mutthu oniikittha miri, onirwa oniikittha’.

 9 Okathi mwaaronwe anyu Mmahiye,*

Yaahikhumelela manyaku-nyaku manceene mwaha wa nyuwo.

Mwaha wa nyuwo, ale ari mmahiye annivenya,

Aayo, makhulupale* ootheene oohaaxa a mulaponi.

‘Nyuwo mootteettheya ntoko hiyo,

Vano munoolikana ni hiyo.

11 Wiixinnuwiha wanyu,

Vamosa ni oruma wa ikaruma sa isipo sirina mikhoyi soomala.*+

Nyuwo munimpaathela miyunku,

Nave muniikhuneela miyunku’.

12 Nyuwo oowaarya, mwaana a nivoroxa,*

Nyuwo moomora wiirimu!

Vaweryaneyale sai omoroxeliwa vathi,

Nyuwo mwaaxintta maloko?+

Miyo kinooweliha ehice aka ovikana itheneeri sa Muluku,+

Kinookilaathi vasulu va mwaako onikokhoreliwa Muluku,*

Mapuro ootepa orekama a onorti.+

14 Kinoowela vasulu va meeku;

Kinimwiikhaliha ntoko Muluku Muulupalexa’.

15 Masi, nyuwo munooriheliwa Mmahiye,*

Munooriheliwa nlitti nootepa wiixa.

16 Ale aniwoonani, anrowa woowehexexakani;

Awo animoowehani oratteene, ahimyeke wiira:

17 Yoole iirinhe elapo okhala ntoko othako,

Yoole opwexakanse ipooma,+

Ni aakhootta waahiya aperesu awe otthikela owaani?’+

18 Mamwene ootheene a mulaponi,

Aayo, ootheene aya, yaahivithiwa mwa nttittimiho,

Khula mmosa aahivithiwa mmahiye* mwawe.

19 Masi nyuwo khamunvithiwa mmahiye,

Ntoko eritta yoothanyiwa,

Ekhuneeliwe ni mirutthu sa atthu yiiviwe ni espaata,*

Yaawo anriheliwa nlitti noosareya maluku.

20 Khamunrowa ovithiwa vamosa ni mamwene,

Okhala wiira moohonona elapo anyu,

Moowiiva atthu anyu.

21 Mulokiherye opuro wiira yiivakasiwe anaawe,

Mwaha wa mulattu wa amuhavinre awe.

Siiso, awo khanrowa ovenya wiira akuxe elapo,

Ni asarye ipooma saya moolumwenkuni mootheene”.

“Eyo enimwiiraneya ntoko kiniphavela aka,

Nave enimwiiraneya ntoko kilakenke aka.

25 Kinimwaanyaanya asiiria mulaponi mwaka,

Nave kinimwaanyakelasa vasulu va miyaako saka.+

Kinookumiha mwiri oniteexaniwa miritti, ahenle aya mmakhatani mwa atthu aka,

Kinimwaarula atthu aka muritti ori mmakhatani mwaya”.+

26 Ela ti etthu elakeliwe wiirihiwa elapo yootheene ya vathi,

Nave iya ti ikuru sa Muluku onrowa awe orumeela wiira ohukhumu maloko ootheene.

27 Yehova a anakhotto oolakela wiira yiireye siiso,

Nto ti pani onrowa okhoottiherya eyo wiiraneya?+

Owo ohookola ntata nawe,

Ti pani oniwerya ottikiha?+

29 “Nyuwo atthu a oFilistia, muhitteeliwe murima,

Mwaha woowi ehintiwa ekopo ya mutthu ole oomanani,

Okhala wiira maace* a enowa,+ annitothola enowa yootakhala,+

Nave osuulu aya onrowa okhala inowa sootakhala ni soowaakuva weetta.

30 Mwaana oopacerya oyariwa a mutthu oowiiyeviha,

Onrowa olyaaka mpakha ovona,

Nave mutthu oohaawa onrowa wummaathiki ohoovaka etthu,

Masi amusi anyu kinoowiiva ni etala, nave ale anrowa ohala mweemusini mwanyu, animwiiviwa.+

Nyuwo muttetthe wa oFilisti, atthu anyu ootheene anooriipiwa murima,

Okhala wiira onnoorwa mwiixi okhumaka onorti,

Nave anakhotto aya khanivalaana”.

Awo animwaakhula wiira Yehova oomuteka alisenso a oSiyoni,+

Nave atthu awe oowiiyeviha, anrowa otthyawelaka weiwo.

Okhala wiira muttetthe wa wAri+ wa oMowabi waapwetexiwe ohiyu omosa,

Opuro owo woomaalihiwa.

Okhala wiira muttetthe wa oKiri+ wa oMowabi opwetexiwe ohiyu omosa,

Muttetthe owo woomaalihiwa.

 2 Atthu aawela arowaka opuro ori empa* ni aawela mpakha oDiboni,+

Aawela opuro woorakamela musulu wiira yanleke.

Awo anniikhupanyerya ari ene vasulu va empa ni mapuro anivira atthu anceene;

Awo annimora, ananla.+

 4 Atthu a oHexeboni ni atthu a wEleyale,+ anninla akhuwelaka;

Nsu naya ninniphiya mpakha oYahasa.+

Awo anninla awelaka etturuuru ya oLuhithi;

Anninla ikuttho arowaka oHoronayimi, mwaha wa ehasara ekhumelenle.+

 6 Maasi a oNimirimi aawelela;

Malaxi makithi ahuuma,

Itthu sootheene sihuuma, khiivo etthu ekithi ehanle.

 7 Tivonto akunxe aya mireerelo saya saahanle mwaarumasiya ni mihakhu saya;

Awo annilapuwa nxepa na miri.

Wiikhupanyerya waya onniphiya wEglayimi;

Wiikhupanyerya waya onniphiya oBeeri-Elimi.

 9 Maasi a oDimoni aasareya ephome,

Nave Muluku onookumiherya maxakha makina oDimoni,

Atthu a oMowabi yooponwe ni ale ahanle mulaponi,+

Onimwaakumiherya kharamu.

16 Mmuroihele epwittipwitthi mwene a mulaponi,

Mukhumaka oSela, nviraka moothakoni,

Mpakha ophiya mwaako wa epooma ya oSiyoni.

 2 Ntoko mwaapalame onoomoliwa mpuruni mwawe,+

Atthu a oMowabi, anrowa okhala siiso opuro onilapuwa atthu, wa Arinoni.+

Mulipa-oopwetexa onoomala,

Ohononiwa onoomala,

Nave ale anaanyakela atthu akina anoomala mulaponi.

Owo onrowa okhala oororomeleya ni omwene awe onrowa okhala woolipa mwaha wa ophenta wawe woororomeleya;+

Onimwaaphukelaka atthu ottharaka exariya, ni onoopakaka itthu mwa xariya”.+

Nihiiwa olavuliwaka sa wiittottopa wawe, wiixinnuwiha wawe ni onanariwa wawe;+

Masi wiittottopa wawe ti weethiru.

 7 Tivonto, Mowabi onrowa wiikhupanyerya mwaha wa maxakha awe;

Atthu ootheene a weiwo animwiikhupanyerya.+

 8 Imatta sa oHexeboni+ sihuuma,

Vamosa ni ematta ya ewuuva ya oSiibima.+

Anamalamulela a mulaponi aanyakatta iritta seiyo saimale ewuuva yooxeerya;*

Iritta iyo saahiphiya oYazeri.+

Nyuwo Hexeboni ni Eleyale,+ maithori aka anoosareya mulaponi mwanyu,

Okhala wiira otthapa wa ale anihepha ipyo ni anithukumanya mihokorokho sa elimwe, woomala.*

10 Omatta, woomala otteeliwa murima ni otthapa,

Nave wiipa ni otthapa woomala mmatta mwa ewuuva.+

Mulipa oninyakatta ewuuva, khonnyakatta-tho ewuuva,

Okhala wiira miyo koomaliha otthapa.+

11 Mwaha wa Mowabi, murima aka onnittettemela,+

Ntoko mikhoyi sa viola,

Nave kooriipiwa murima vanceene, mwaha wa Kiri-Harexi.+

“Mwiiwe! Muttetthe wa oDamaasiko, onoohiya okhala epooma,

Onrowa okhala milepe* paahi.+

 2 Ipooma sa wAroweri,+ khasinrowa okhaliwaka;

Makoto a inama anrowa wumpaathiki memmo,

Khuuvo onrowa woopopihaka inama iyo.

Ipooma sa wEfrayimi+ sinoolakaseya,

Nave omwene wa oDamaasiko+ onoomala,

Ovuwa wa atthu a oSiiria ahanle, onrowa olikanaka ni ovuwa wa anamwane a Isarayeli”.

 4 “Nihiku nno, ovuwa wa Yakobe onoovukuwa,

Nave erutthu awe yooneneva enimootta.

 5 Onrowa okhalaka ntoko mulipa-oohepha onithukumanya ipyo mmatta,

Yoowo onihepha etiriku ni moono awe.

 6 Yehova Muluku a Isarayeli, onihimya wiira: Sinrowa ohala paahi mihokorokho vakhaani sa olivera,

Ntoko vaniiraneya aya okathi onitathiwa aya mwiri wa olivera.

 9 Nihiku nno, ipooma soolipihiwa sinrowa olikanaka ni nipuro nihinkhaliwa niri mutakhwani,+

Ntoko eritta enyanyaliwe ohoolo wa aisarayeli;

Iyo sinrowa okhala milepe.

10 Nyuwo moomuliyala Muluku+ oniwoopolani;

Khamunimuupuwela ole ori ntoko mwala+ onookhapelelani.

Tivonto munipaka anyu ixarti sooreera,

Munaala memmo miri sinikhuma ilapo sikina.*

11 Othana, munnitekelela saana ematta anyu,

Voosiisu, munnimeliha itthu mwaalale anyu,

Masi itthu munrowa anyu ohepha, sinoolakaseya nihiku munrowa anyu owereiwa ni woona owereya ohinimala.+

12 Mwiiwe! Aakhala atthu anceene ahiniiwanana,

Yaawo aninyakulihana ntoko oruma wa maasi a mphareya!

Maloko anninyakula,

Onyakula waya onlikana ni oruma wa maasi manceene!

Muluku onoopwapwela maloko awo, nto awo anootthyawela ottaiwene,

Awo anoovavihiwa ntoko ikavava siri vamwaako, seiyo sinivavihiwa ni epheyo,

Ntoko malaxi oowuuma anivavihiwa ni nayuupuri.

Ela ti etthu aniliviwa aya atthu anniiyerya,

Ni anaakhela aya ale anikuxa mireerelo sahu.

18 Mootakhaliwa nyuwo, elapo eniiwanyeya onyakula wa axikokho anivava,

Muttetthe wa miro sa wEthiyopia!+

 2 Ilapo iyo sinnaaruma anamitthaka aya aviraka mphareya,

Alapuwaka mmaasini, awenle ene ikalawa sipakiwe ni nammese,* ahimyaka wiira:

“Nyuwo anamitthaka oowaakuveya,

Murowe elapo ya atthu oorakama ni arina erutthu yooreera,

Ni anooviwa mapuro ootheene.+

Murowe elapo yoowerya ni enixintta ilapo sikina,*

Yeeyo enivira miro sinceene”.

 3 Nyuwo atthu ootheene munikhala elapo ya vathi,

Etthu munrowa anyu owehaka, enrowa okhala ntoko siisaale vanooneya aya esinaale yeemexiwe vamwaako,

Nave munrowa wiiwaka oruma, siisaale ntoko vaniiwanyeya aya oruma wa nlope.

“Kinrowa okhalaka kihoovaka etthu ni kiwehaka* nipuro naka,

Ntoko epheyo yooviha ni waarya wa nsuwa,

Ntoko okame onimorela vathi okathi wooviha onihemphwa.

 5 Ohinatthi ophiya okathi woohepha,

Okathi yoole ithutu sinimora aya ni ewuuva enittokottha aya,

Iritta saya saamukhaani sinimwiikitthiwa ni ecampeya,*

Nave miraapela saya sinookwasiwa sirihiwe.

 6 Mirutthu saya sootheene, sinrowa ohiyeriwa axipalame a omwaako anikhuura enama,

Ni inama sa mutakhwani.

Axipalame awo, anooviriha elimwe akhuuraka seiyo,

Nave inama sootheene sa mutakhwani, sinooviriha okathi wa ohepha sikhuuraka seiyo.

 7 Okathi owo, Yehova a anakhotto onooruuheliwa etthu,

Ekhumaka elapo ya atthu oorakama ni arina erutthu yooreera,

Ni anooviwa mapuro ootheene,

Ni ekhumaka elapo yoowerya ni enixintta ilapo sikina,*

Yeeyo enivira miro sinceene.

Amuluku eethiru a wExiitu, annittettemela ohoolo wawe,+

Mirima sa atthu a wExiitu sinimoova vanceene.

 2 “Kinoowiiriha atthu a wExiitu otuphelana yaawo-ru,

Awo anoowana yaawo-ru,

Khula mmosa onoowana ni munnawe ni ole aattamanne awe,

Epooma emosa enoowana ni epooma ekina, omwene mmosa onoowana ni omwene mukina.

 3 Nave atthu a wExiitu anooxanka,

Miyo kinimwaahonona apalano aya.+

Awo animwaaroromelaka amuluku aya,

Ni anamaxintta, anookhwiri ni anahako.+

 5 Maasi a mphareya animuuma,

Nave muro onoowelela ni onimuuma.+

 6 Miro sinrowa wunkhaka vanceene;

Miro saamukhaani sa muro Niilo a wExiitu, sinoowelela ni sinimuuma.

 7 Miro siri mukerekhere mwa muro Niilo, opuro onimalela aya muro owo,

Ni imatta sootheene saaliwe ipyo mukerekhere mwa muro Niilo+ sinimuuma.+

 8 Nave atthu antotha ihopa anooriipiwa murima,

Ale anaarihela acoolo mmuro Niilo, animwiikhupanyerya,

Nave atthu anrihela matthavi aya mmaasini, anoovukuwa.

 9 Ale anipaka ikuwo sa eliinyu,+

Ni ale anitthava ikuwo sa nxotte, animuulihihiwa muru.

10 Atthu anitthava ikuwo, anooriipiwa murima;

Anamuteko ootheene aniliviwa, anooriipiwa murima.

“Miyo kiyariwe nloko na asuweli,

Nloko na mamwene a khalai”?

13 Makhulupale a oSowani, ahiira itthu sa elolo;

Makhulupale a oNofi,*+ aawokiwa;

Maxeefi a mahimo a wExiitu ahaahapuxa atthu a wExiitu.

14 Yehova oowaakanyerya atthu a wExiitu;+

Nave ahooleli a wExiitu, ahaahapuxa vanceene atthu a wExiitu,

Ntoko namuhapaliwa ontherekuwa vamarapheyoni vawe.

15 Nave atthu a wExiitu khanrowa owerya opaka etthu,

Akhale makhulupale aahiiso acikhaani,* akhale atthu oovuwa aahiiso ahinooniwa okhala etthu.*

Ennoorwa ehasara enlikana ni nayuupuri, ekhumaka osuuli,

Ekhumaka woothakoni, ekhumaka elapo yoowoopiha.+

Elapo yoowoka, enniwoka,

Nave elapo enipwetexa, ennipwetexa.

Kinnoona owereya,

Ntoko owereya onoona awe muthiyana oniyara.

Kookhulumuwa vanceene, vahiniwerya aka wiiwa;

Kooxanka vanceene, kihiniwerya aka woona.

 7 Owo aahiweha ekaaro ya ekhotto yaapuruliwa ni ikhavalo piili,

Ekaaro ekina ya ekhotto yaapuruliwa ni apuuru,

Ekaaro ekina-tho ya ekhotto yaapuruliwa ni ikamelo.

“Nyuwo Yehova, miyo kinneemela nipuro na mulipa-oowehaweha, khula nihiku, othana wootheene,

Nave kinneemela nipuro kiniwehaweha aka khula nihiku, ohiyu wootheene.+

10 Nyuwo atthu aka, muneepetthiwa ntoko ipyo,

Nyuwo muri ipyo sa nipuro naka nneepetthiwa etiriku,+

Kihooleelani etthu kimwiiwale aka Yehova a anakhotto, Muluku a Isarayeli.

Nyuwo atthu a oDedani,+ muneetta mukwaha ni ikamelo,

Nvirihe ohiyu mutakhwani ni moothakoni moowaataleya.

14 Nyuwo atthu anikhala elapo ya oTema,+

Mwaaroihele maasi ale avoliwe ntthona,

Mwaroihele eyoolya ale anitthyawa elapo aya.

15 Awo anitthyawa espaata,* espaata yeeyo evareleliwe mmatatani,

Anitthyawa muura wookokhiwa ni anitthyawa ekhotto yooviha.

 2 Epooma anyu enoosareya onyakuleleya,

Okhuweliwa ni enrowa okhala yoowiixinnuwiha.

Atthu anyu anrowa okhwa, khanrowa wiiviwa ni espaata,*

Nnakhala khanrowa okhwa okhottoni.+

Hata atthyawelaka ottaiwene,

Atthu awo ootheene anoovariwa, wiira akhale aperesu.+

 4 Tivonto kihimmye aka wiira: “Muhikiwehexexeke,

Kinimunla mwaha wa oriipiwa murima.+

Muheererye okimaaliha,

Mwaha wa opwetexiwa wa atthu aka.+

 5 Nlo nihiku na onyakuleleya, oxinttiwa ni oxanka, oxepani,+

Nenlo ninkhuma wa Pwiya Muulupalexa, Yehova a anakhotto.

Ixiri sinoopwexakasiwa,+

Nave atthu anrowa wunlaka,

Mpakha wiiwanyeya omwaako.

 6 Anakhotto a wElami,+ aakuxa mirupa soosareya mattheere,*

Nave aawela ikhavalo ni ikaaro sa ekhotto sinipuruliwa ni inama,

Nave-tho anakhotto a oKiri+ aalokiherya nikula naya na wiixaakihana.*

 7 Maxepa anyu* ooreerexa,

Sinoosareya ikaaro sa ekhotto sinipuruliwa ni inama,

Nave ikhavalo* sinrowa weemela vamukhora.

12 Nihiku nlo, Pwiya Muulupalexa, Yehova a anakhotto,

Onimwaaruma atthu wunla ni wiikhupanyerya,+

Omettha mputu ni owara isaakho.

13 Ohiya-vo, atthu anrowa otthapaka ni otteeliwa murima,

Anrowa wiivaka ipooyi ni ipwittipwitthi,

Anrowa okhuuraka enama ni owurya eviinyu.+

 4 Nyuwo muttetthe wa oSiidoni, muri oolipa ni mutekiwe waattamela mphareya, muuliwe muru,

Okhala wiira ephareya yoohimya wiira:

“Miyo nkoonale owereya onimphwanya muthiyana ohanle oyara, nnakhala nkiyanre,

Nkaahuwale anamwane axilopwana nnakhala axithiyana”.*+

 5 Atthu anooxanka okathi anrowa aya wiiwa ihapari sa oTiiro,+

Ntoko siisaale yaaxankale aya okathi yaiwale aya ihapari sa wExiitu.+

 8 Ti pani olamunle etthu ela wiira yiiraneye muttetthe wa oTiiro,

Yoowo waakawa ikhara,

Nave alipa a nakoso aya yaari makhulupale,

Nave-tho anamarotta aya yaattittimihiwa mulaponi mootheene?+

 9 Yehova a anakhotto, tolamunle etthu ela,

Wiira omalihe wiixinnuwiha waya, mwaha wa oreera waya,

Ni wiira owuulihihe muru atthu ootheene oottittimihiwa a mulaponi mootheene.+

11 Owo ohookolela ntata nawe ophareya;

Ooxekexa ilapo sa mamwene.

12 Owo onihimya wiira: “Nyuwo mwaana mwaamuthiyana a oSiidoni onihaaxiwa,

Khamunrowa-tho otteeliwa murima.+

Ti akhaldeya yaawo, yiirinhe elapo ela okhala opuro wa axinama a moothakoni,

Ohiya atthu a wAsiiria.+

Awo aateka ipa saya sa ekhotto ni aarukurerya ipooma iyo,

Nave aapwexakasa ipooma saya soolipihiwa,+

Ni ahiiriha ipooma iyo okhala milepe.*

14 Nyuwo apakiti a oTaarisi,

Mwiikhupanyeryeke, okhala wiira ipa sanyu soolipihiwa, soopwexiwa.+

Mmoopeke oratteene viola anyu,

Mwiipeke masipo manceene,

Wiira atthu awuupuwelekeni”.

Atthu ni namukuttho,

Murumeyi mulopwana ni pwiya awe,

Murumeyi muthiyana ni muhano awe,

Mulipa-oothuma ni mulipa-ootumiha,

Mulipa-onooliha ni mulipa-onoola,

Mulipa-onikophiha ni mulipa-onikopha.+

 3 Atthu ootheene anookumihiwa mulaponi-mmo, khuuvo onrowa ohala;

Itthu sootheene sa mulaponi-mmo sinrowa wiiyiwa,+

Okhala wiira Yehova tohimyale siiso.

 5 Elapo yoonanarihiwa ni atthu,+

Okhala wiira awo khanitthara malamulo,+

Aaturuka malamulo,+

Ni aahonona nivarihano na khalai.*+

 6 Tivonto, elapo ela ennihononeya, mwaha woowi yootakhalihiwa,+

Nave atthu anikhala memmo, aakhalana mulattu.

Nave-tho atthu a mulaponi-mmo annimala,

Ni ahanle alopwana vakhaani paahi.+

 7 Eviinyu ya niinaano enniwelela, miri sa ewuuva sinnuuma,+

Ootheene yaale yaatteeliwa murima, anninla.+

 8 Oruma wa malapa, yaawo yaatteeliha murima atthu, woomala;

Onyakula wa atthu yaapaka ifesta, woomala;

Oruma wa viola, yoowo aatteeliha murima atthu, woomala.+

 9 Awo anrowa owuryaka eviinyu, ahiipaka isipo,

Nave soowurya soohapala khasinrowa osivaka.

10 Epooma ehinikhaliwa, yoomora;+

Ipa sootheene soowaliwa, nto khuuvo oniwerya ovolowa.

Otteeliwa murima wootheene woomala-mala;

Otteeliwa murima mulaponi woomala.+

12 Epooma ehanle milepe-ru;*

Mukhora wa epooma woonyaanyiwa, ni ohuukeliwa ntoko ikokhola.+

Vanrowa okhalaka ntoko okathi ontathiwa aya mwiri wa olivera,+

Onrowa olikanaka ni okathi enittottiwa aya ewuuva, nuumala ovira okathi enuuruliwa aya.+

14 Atthu anrowa okhuwelaka,

Anrowa otthapaka.

15 Tivonto awo anrowa onvuwihaka Yehova mpantta onikhuma nsuwa;+

Musisironi, awo anrowa ovuwihaka nsina na Yehova, Muluku a Isarayeli.+

Kootakhaliwa! Anawoothe, annootha;

Aayo, awo annithipelela waawoka atthu akina”.+

18 Ootheene ale anrowa otthyawaka oruma woowoopiha, anoomorela mulittini,

Nave ootheene ale anrowa okhumaka mulittini, anoomorela vamuraakhoni.+

Mikhora sa maasi a wiirimu sinoohuliwa,

Nave alisenso a elapo anrowa oxekexeya.

19 Elapo ela yoohuleya;

Eyo yooxekexiwa,

Ni ennitetereya vanceene.+

20 Elapo ela enittikinyeya ntoko namuhapaliwa,

Ennirowa ohoolo ni ottuli, ntoko muxaxa onittikinyiwa ni epheyo.

Eyo yoolemeliwa ni itampi saya,+

Enoomora, vahinrowaaya-tho owerya ovenya.

21 Mahiku awo, Yehova onimwaaphukela anakhotto a wiirimu,

Ni onimwaaphukela mamwene a mulaponi.

22 Nave awo anoothukumanyiwa nipuro nimosa,

Ntoko aperesu anithukumanyiwa mulittini,

Anoowaleliwa mukhatteya;

Yavira mahiku manceene, awo anoophukeliwa.

23 Mweeri woosarya, onoohiya waarya,

Nsuwa noowaarya, nnoottipha,+

Mwaha woowi Yehova a anakhotto, ookhala Mwene+ omwaako Siyoni+ ni oYerusalemu.

Kinnovuwihani ni kinnittottopela nsina nanyu,

Okhala wiira moopaka itthu sootikiniha,+

Seiyo mwaalakenle anyu opaka okhuma khalai.+

 2 Muhiiriha epooma okhala ntoko maluku oowuukeliwa,

Nave muhiiriha epooma yoolipihiwa, okhala milepe.*

Epooma yoolipihiwa ya anamurwa, khahiyo-tho epooma;

Eyo khentthikela-tho otekiwa.

 3 Tivonto, nloko na ikuru ninrowa woovuwihani;

Epooma ya atthu a maloko ootakhala, enoowoovani.+

 4 Nyuwo mwa nipuro noolipihiwa para atthu oowiiyeviha,

Mwa nipuro noolipihiwa para atthu oohaawa axankale;+

Mwa nipuro nootthyawela okathi enirupa aya epula yinceene,

Ni mwa muuttutthi okathi wooviha.+

 5 Ntoko elapo yoowuuma eniviha aya,

Nyuwo munnimaaliha onyakula wa awanani.

Ntoko oviha onivukuliwa aya ni muuttutthi wa meeku,

Siiso-tho, nsipo na atthu oohaaxa ninnimaalihiwa.

 6 Vamwaako vaava,+ Yehova a anakhotto onimwaapakela atthu ootheene efesta,

Efesta erina yoolya yoosiva saana,+

Efesta erina eviinyu yoosiva saana,

Efesta erina yoolya yoosiva saana ni enama yinceene yoosivexa,

Erina eviinyu yootepa osiva.

 7 Vamwaako vaava, miyo kinookumiha eveewu enaakhuneela atthu ootheene,

Eveewu enikhuneela maloko ootheene.

 8 Muluku onoomaliha okhwa,+

Nave Pwiya Muulupalexa Yehova, onoopuputtha maithori a atthu ootheene.+

Owo onoomaliha oveehiwa wa atthu awe, mulaponi mootheene,

Okhala wiira mwaneene Yehova, tolavunle.

Hiyo nimmuroromela yoowo,+

Nave owo onrowa onoopola.+

10 Ntata na Yehova nnookhapelela mwaako ola,+

Nave muttetthe wa oMowabi onoonyakeliwa opuro ori awe,+

Ntoko annyakeliwa aya malaxi oowuntta yuukeliwe.

11 Owo onimookola ntata nawe, ommane Mowabi,

Siisaale mulipa-ookata onimana awe maasi ni matata awe,

Okathi onikata awe.

12 Nave, onoomoroxa epooma aya yoolipihiwa,

Ni ixiri saya soorakamela osulu;

Onoomoroxela vathi, vantthupini.

 2 Muhule mikhora+ wiira nloko na xariya nivolowe,

Nenno nimmwiiwelela Muluku.

 3 Munimwaakhapelela ale anlipa ni nyuwo;*

Okathi wootheene munimwaavahaka murettele,+

Okhala wiira anoororomelani nyuwo.+

 4 Mmuroromeleke Yehova mahiku ootheene,+

Okhala wiira Yah,* Yehova, ti Mwala wa mahiku ootheene.+

Owo oomoroxa,

Oomoroxela vathi;

Oomoroxela vantthupini.

 6 Eyo enoonyakeliwa,

Enoonyakeliwa ni inawu sa atthu oopuheriwa, ni inawu sa atthu oohaawa”.

Okhala wiira nyuwo mwa naxariya,

Munrowa oreeriha ephiro ya anaxariya.

 8 Okathi oneetta ahu ephiro anyu ya xariya, nyuwo Yehova,

Hiyo ninnoororomelani nyuwo.

 9 Ohiyu, miyo kinnoophavelani ni murima aka wootheene,

Aayo, kinnoophavelani ni murima aka wootheene.+

Okathi muniphukela anyu elapo,

Atthu anikhala mulaponi-mmo anniixutta exariya.+

Hata mulaponi mwa anaxariya, owo onrowa ovaraka itthu sootakhala,+

Nave khonrowa oweha ovuwa wa Yehova.+

12 Nyuwo Yehova, munoonivaha murettele,+

Okhala wiira itthu sootheene nimpaka ahu,

Ti nyuwo munnireeliha.

13 Nyuwo Yehova, Muluku ahu, hiyo noolamuleliwa ni mapwiya makina,+

Masi hiyo ninttottopela nsina nanyu paahi.+

Muhaavaha ehukhumu,

Muhaapwetexa ni moomala-maliha nsina naya.

15 Nyuwo Yehova, muhincererya nloko,

Muhincererya elapo;

Muhiivuwiha.+

16 Nyuwo Yehova, okathi onixanka aya awo annoophavelani;

Okathi munaavaha anyu ehukhumu, awo annoovekelani vathi-vathi ni murima aya wootheene.+

17 Ntoko siisaale muthiyana oorupala ni onihala oyara,

Onikhuwela awe mwaha wa woona owereya,

Hiyo-tho nnoona siiso, mwaha wa nyuwo Yehova.

18 Hiyo naahirupala ni naahoona owereya,

Masi naakhala ntoko naayanre epheyo.

Khaniruuhale woopowa elapo ela,

Nnakhala khuuvo omuyanre mwaana wiira okhaleke mulaponi-mu.

Nvenye ni mutthapeke,

Nyuwo mukhwiiye vatthayani!+

Okame onoonaanihani, onlikana ni okame wa voosiisu,*

Etthaya enimwaakumiha atthu akhwiiye ari mmahiye, wiira akhale akumi.

20 Nyuwo atthu aka, mukele okwartu wanyu,

Nwale mikhora sanyu.+

Mwiipithe okathi vakhaani,

Mpakha ovira onanariwa wa Muluku.+

21 Mwiiwe! Yehova onnoorwa okhumaka nipuro nawe,

Wiira aakumiherye ehukhumu atthu anikhala mulaponi, mwaha wa itampi saya.

Elapo enimooniherya ephome ehiiyale aya,

Nave khenrowa-tho owiipithiha atthu ewiivale aya”.

27 Nihiku nno, Yehova onoorumeela espaata awe yoowiitha, yuulupale ni yoolipa,*+

Wiira ommane Leviyataani,*

Enowa yoowaakuva weetta ni eninyokolowa.

Kinnikhapelela ohiyu ni othana,

Wiira ohikhale mutthu onrowa ohonona.+

Akhala nwanani onrowa ottiyelela ephiro aka ni miiwa ni malaxi,

Miyo kinoonyakela iyo sootheene ni kinoopaha ni mooro.

Ophavele okhalana murettele ni miyo;

Aayo, okhalane murettele ni miyo”.

 6 Mahiku anirwa, Yakobe onookhalana mitathaari,

Isarayeli onoophuwa ni onookhalana ifilori,+

Osuulu wa Isarayeli, onimwaatta mpakha osareya mulaponi.+

Onimwiiriha maluku ootheene a valtaari,

Okhala ntoko maluku ooxiliwa a ekaali,

Nave khasinrowa okhala miri soowuuma sinikokhoreliwa* aahiiso mapuro anipahiwa nsenso.*+

10 Epooma yoolipihiwa, khenrowa okhaliwaka;

Opuro onilyihiwa inama, onoonyanyaliwa ni onrowa okhalaka ntoko othako.+

Mwaaxaana a epooyi onrowa olyaaka ni wumpaathi memmo,

Nave onrowa okhuuraka iritta sa miri.+

11 Okathi iritta iyo saamukhaani sinrowa aya wuuma,

Animoorwa athiyana yintakaseke,

Wiira yapattiheke mooro.

Tivonto Mpattuxa aya, khonrowa waamorela ikharari,

Nave Ole owuupale, khonrowa waareerela murima.+

Wiiphwaneliha waya onlikana ni efilori yoonyaala,

Yeeyo eri vamuru va epooma enikhala vasulu va nxepa noowunttelana, nenno anikhala atthu aweriwe ni eviinyu.

Ntoko epula yinceene ya maralala ni etari, aayo, nayuupuri muulupale,

Ntoko epula yinceene, eniruuhela maasi oowoopiha,

Owo onoorihela vathi ekhara eyo ni ikuru sawe sootheene.

 3 Ekhara yoowiixinnuwiha* ya anamuhapaliwa a wEfrayimi,

Enrowa onyakeliwa.+

 4 Nave wiiphwaneliha waya onlikana ni efilori yoonyaala,

Yeeyo eri vamuru va epooma enikhala vasulu va nxepa noowunttelana,

Ninrowa olikanaka ni efiiku ettokontthe ehinatthi ophiya elimwe.

 7 Anamukuttho ni maprofeta aarimeela mwaha wa eviinyu;

Awo annittikinyeya mwaha wa eviinyu.

Aarimeela mwaha wa eviinyu;

Eviinyu enniwaakanyerya,

Ni enniwiiriha ottikinyeya;

Maitho aya annaarimeeliha,

Nave awo khanuupuwela saana.+

 8 Meesa aya aasareya marapheyo,

Khuuvo opuro ohikhanle marapheyo.

10 Awo anihimya wiira: “Nlamulo vasulu va nlamulo, nlamulo vasulu va nlamulo,

Sooruma vasulu va sooruma, sooruma vasulu va sooruma,*+

Vakhaani nno, vakhaani iwe”.

“Nlamulo vasulu va nlamulo, nlamulo vasulu va nlamulo,

Sooruma vasulu va sooruma, sooruma vasulu va sooruma,*+

Vakhaani nno, vakhaani iwe”.

Tivo, okathi anrowa aya weettaka,

Awo anookwattuliwa* amoreleke ottuli,

Nave anooxinttiwa, anoohomphwa ni anoovariwa.+

14 Nyuwo atthu oowiittottopa,

Vamosa ni nyuwo munaalamulela atthu ala oYerusalemu, mwiiwe moolumo a Yehova.

“Hiyo noopaka nivarihano ni naakhwa,+

Nave nihiiwanana* ni Mahiye.*

Okathi enirwa aya epula yinceene, yeeyo enrowa osariha maasi,

Khenrowa oniphwanya,

Okhala wiira wootha tori ntthyawelo nahu,

Nave wootha tonrowa oniipithiha”.+

“Miyo koopweha oSiyoni nluku noolipa, ntoko alisenso aya,+

Nluku nlo, ninrowa okhala nluku nuulupale+ na alisenso oolipa.+

17 Kinoorumeela exariya ntoko mphimo,+

Nave kinoorumeela exariya ntoko epurumu.+

Epula ya maralala enookhupa ntthyawelo nanyu noowootha,

Nave maasi anoosarya opuro muniipitha anyu.

18 Nivarihano mwaapanke anyu ni naakhwa, nnoomalihiwa,

Nave etthu mwaiwananne anyu ni Mahiye,* enoomala.+

Okathi anrowa aya ophiya maasi manceene a epula,

Munookhumpwa.

19 Okathi wootheene anrowa aya oviraka maasi awo,

Animookhupani;+

Maasi awo anooviraka khula nihiku,

Voosiisu, othana ni ohiyu.

20 Ekhaama ti yootepa okhuveya, vahiniweryaneya aya mutthu wiixookola,

Nave mukhumi ti wootepa okhuveya, vahiniphiyerya aya wiikhuneela erutthu yootheene.

21 Yehova onimweemela, ntoko iirale awe omwaako Perasimi;

Owo onoopaka etthu, ntoko iirale awe nxepa* naattamenle oXibeyoni,+

Aayo, onoopaka etthu yootikiniha.

22 Vano, muhiveeheke,+

Wiira ikwirinti mutthukwaniwe anyu sihitepe olipihiwa,

Okhala wiira koomwiiwa Pwiya Muulupalexa, Yehova a anakhotto, ohimyaka wiira:

23 Mutthukule maaru anyu, mwiiwe masu aka;

Nwiriyane oratteene itthu kinihimya aka.

24 Niireke mulimi onniviriha okathi awe wootheene olimaka,

Otathaka ni oreerihaka etthaya, ohirowaka waala etthu?+

25 Kiira nuumala olokiherya etthaya,

Onnimisa ekomiinyu* yooriipa ni onnaala ekomiinyu?

26 Muluku onnimuttaruxa mutthu ottharaka exariya,

Ni onnimwiixuttiha.+

27 Ekomiinyu yooriipa kheninyakattiwa ni ethaapwa,*+

Nave khaninvirihiwa nroota na ekaaro vasulu va ekomiinyu.

Masi ekomiinyu yooriipa eneepetthiwa ni ekopo,

Nave-tho ekomiinyu eneepetthiwa ni ekopo.

Nnaari, owo khoneepettha voohihiyererya;+

Nave akhala wiira onniviriha vasulu va ipyo iyo nroota na ekaaro awe enipuruliwa ni ekhavalo,

Owo khonixila ipyo iyo.+

29 Nave-tho, moolumo awo anikhuma wa Yehova a anakhotto,

Yoowo orina miruku sootepa oreera,

Nave yoowo miteko sawe sootheene siri suulupale.*+

 2 Masi miyo kinookumiherya mixankiho wAriyeli,+

Atthu anrowa wiikhupanyeryaka ni oriipiwa murima,+

Nave epooma eyo enrowa olikanaka ni nipuro nimpahiwa itthu valtaari a Muluku.+

 3 Kinimweemexa itenta* saka koorukureryakani ipantte sootheene,

Kinimoorukureryani, kithipelaka miri soothokoliwa,

Kinooteka ipa soolipa, wiira kootupheleni.+

 4 Nyuwo munoomoroxiwa;

Munrowa olavulaka muri ene vathi,

Nave moolumo anyu khanrowa okhumaka saana mwaha wa ntthupi.

Nsu nanyu ninrowa wiiwanyeyaka nikhumaka vathi,+

Ntoko nsu na nahako.

 5 Muttitthi wa awanani* anyu onrowa okhalaka ntoko ntthupi ninvavihiwa,+

Muttitthi wa atthu oohaaxa onrowa olikanaka ni ikavava sinivavihiwa.+

 6 Yehova a anakhotto onimoorwa wookhaliheryani,

Ni etari, etetere, onyakula wuulupale,

Ni epheyo yuulupale, munamukhaya ni mooro muulupale”.+

 7 Muttitthi wa atthu a ilapo sootheene oniwana ni epooma ya wAriyeli,+

Aayo, ootheene yaale aniwana ni epooma eyo,

Ootheene yaale aniteka ipa soorakamela osulu wiira atuphele epooma eyo,

Ni ale anikumiherya mixankiho epooma eyo,

Anrowa okhalaka ntoko oloha ohiyu.

 8 Siisaale mutthu ovoliwe etala oniloha awe olyaaka,

Masi onavenya ovoliwe ene etala,

Nave siisaale mutthu ovoliwe ntthona oniloha awe owuryaka,

Masi onavenya okhulumunwe ene ni ovoliwe ene ntthona,

Siiso-tho, enimwiiraneya ni muttitthi wa atthu a ilapo sootheene,

Siniwana ekhotto ni mwaako Siyoni.+

 9 Mweemele, mutikinihiweke;+

Muttiyelele owiitho wanyu, wiira muhooneke.+

Awo aahapaliwa, masi khahapaliwe eviinyu;

Annittikinyeya, masi ohiya mwaha wa soowurya soohapala.

10 Yehova ohooruuhelani ikhove sinceene;+

Owo ookhuneela maitho anyu, yaawo ari maprofeta anyu,+

Ni ookhuneela miru sanyu, eyo piiyo, atthu aniwerya oweha itthu sa ohoolo.+

13 Yehova onihimya wiira: “Atthu ala anikikokhorela ni moolumo paahi,

Anikittittimiha ni eyano paahi,+

Masi murima aya ori ottaiwene ni miyo;

Nave anikikokhorela attharaka malamulo a apinaatamu, yaawo yiixuttihiwe aya.+

14 Tivonto, miyo kinoopaka itthu sinrowa waatikiniha atthu ala,+

Ni kinoopaka miiriirya sinceene.

Nave miruku sa asuweli aya sinoomala-mala,

Nave-tho osuwela wa atthu aya a miruku, onoomala”.+

Awo annivara miteko saya wiiphiini,

Annihimya wiira: “Ti pani onniweha?

17 Wavira okathi vakhaani paahi, oLiibano onrowa okhala ematta ya miri sooruwerya,+

Ematta eyo ya miri enrowa okhala yoowunttelana ntoko ntakhwa.+

18 Okathi owo, ale ahiniiwa animwiiwa moolumo a muliivuruni,

Nave ale ahinoona, animoopoliwa mweepiphini wiira yooneke.+

19 Atthu oowiiyeviha, anootteeliwa murima vanceene mwaha wa Yehova,

Nave atthu oohaawa, anootteeliwa murima mwaha wa Muluku Oowaarya a wIsarayeli.+

20 Mutthu onimuhaaxa mukhwaawe, khonrowa-tho okhala,

Ole oowiittottopa, onimookhwa,

Nave ootheene yaale ari oolikana ene para owiirela itthu sootakhala akina, anoopwetexiwa.+

21 Ootheene yaale aniwootherya akhwaaya vahikhanle mulattu,

Ni ale animureya ntapha mutthu oniixaakiha mulattu awe vamukhora va epooma,+

Ni ale anikhootta omwiirela exariya mutthu ohitthenke, anoopwetexiwa.+

“Yakobe khonrowa-tho wuuliwa muru,

Nnakhala owiitho wawe khonrowa wooniherya wiira ohuuliwa muru.*+

23 Okathi onaaweha awe anaawe,

Ari ene nuuwo, yaawo kaapanke aka ni matata aka,+

Awo anoottittimiha nsina naka;

Aayo, anoomuttittimiha Muluku Oowaarya a Yakobe,

Ni animweemela atikinihiwe ene mwaha wa Muluku a Isarayeli.+

24 Ale arina muupuwelo woohireera, animwaaphwanya ankhili,

Nave ale ookhupanya, animweemererya wiixuttihiwa”.

30 Yehova onihimya wiira: “Aatakhaliwa anamwane oohiiwelela,+

Yaawo anaapaka apalano aya, ohiya awaka,+

Yaawo anipaka nivarihano,* masi miyo kihiphavenle.

 2 Awo annirowa wExiitu+ ahikikonhe,+

Wiira yaakiheriwe ni Farawo,*

Ni wiira atthyawele wExiitu!*

 3 Masi okhapeleliwa ni Farawo, onrowa owuulihiha muru,

Nave otthyawela wExiitu, onrowa owuulihiha muru.+

 4 Makhulupale aaphiya oSowani,+

Nave anamitthaka aaphiya oHanesi.

 5 Awo animuulihihiwa muru,

Ni atthu ahinivareleya muteko,

Yaawo ahinaakhaliherya nnakhala ahinaaphwanyiha mureerelo.

Awo annivira elapo yoowoopiha,

Elapo ya kharamu, eyo piiyo, kharamu onoopa mirukulu,

Elapo ya ivili ni ya inowa soowaakuva weetta.

Awo annikuxa mihakhu saya vasulu va apuuru,

Ni mireerelo saya vasulu va ikamelo.

 8 Vano, murowe mwalepe muhupi ola vathaapwani, ohoolo waya,

Nave mwalepe muliivuruni,+

Wiira erumeeliweke ohoolo,

Ntoko namoona a mahiku ootheene.+

 9 Awo atthu ahiniiwelela,+ anamwane oowootha,+

Awo anamwane ahiniphavela wiiwa nlamulo na* Yehova.+

10 Annaaleela atthu yaale anoonihiwa itthu, yiiraka: ‘Muhooneke’,

Nave annaaleela ale anoonihiwa itthu sinrowa wiiraneya ohoolo, wiira: ‘Muhinileeleke itthu seekeekhai moonihiwe anyu.+

“Okhala wiira mookhotta moolumo ala,+

Ni muniroromela wootha ni wiiya,

Nave munlipa ni itthu seiyo,+

13 Mwaha wa etampi anyu, nyuwo muri ntoko exiri yoophweeya,

Muri ntoko exiri yoorakamela osulu, ethetemanne ni enihala omora.

14 Enoopwexiwa ntoko murinki muulupale,

Yoowo oniphweeya wootheene, ohinahala nnakhala nivali,

Wiira nivaleliweke mooro,

Aahiiso nirikaniweke maasi veehimeni”.*

Atthu anrowa ohala ni nyuwo, anrowa okhalaka ntoko mwiri onithomeiwa epantera, ori vasulu va mwaako,

Ntoko epantera ethipeliwe nipuro noottukhuwa.+

18 Masi Yehova onnoolipelelani opixaka murima,* wiira ooreereleni murima,+

Nave, onimweemela wiira oomoreleni ikharari.+

27 Mwiiwe! Yehova* onnoorwa okhumaka ottaiwene,

Onanariwe ene vanceene ni onnoorwa ni meeku ooriipa.

Owo onnilavula onanariwe ene,

Nave nlumi nawe ninlikana ni mooro ompwetexa.+

28 Iphumu sawe siri ntoko maasi manceene aniphiya mpakha muxikoni,

Wiira aaxekexe atthu, siisaale mutthu onimuxekexa awe xeefa wiira okumihe ikavava sa ipyo.

29 Masi atthu anrowa wiipa nsipo ntoko nenne nniipiwa ohiyu,

Okathi mutthu oniilokiherya* awe para efesta.+

Munootteeliwa murima,

Mulikaneke ni mutthu oneetta oopaka ephivi,*

Orowaka omwaako wa Yehova, yoowo ori ntoko mwala para Isarayeli.+

30 Yehova onoowiiriha atthu wiiwa nsu nawe noovuwa,+

Nave onookuruxa moono awe wa ikuru,+ onanariwe ene vanceene,+

Ni opattaka mooro munceene,+

Ni epula yinceene,+ etari ni maralala.+

31 Mwaha wa nsu na Yehova, asiiria animoova vanceene;+

Owo onimwaana ni ekopo.+

32 Khula ekwaha Yehova onrowa awe waamanaka asiiria,

Ni ekopo awe para waavaha ehukhumu,

Onimwiiwanyeyaka oruma wa malapa macikhaani* ni aviola,+

Okathi onrowa awe wookola moono awe, wiira owane naawo okhottoni.+

33 Noolokiheriwa nipuro* wiira opwetexiwe Asiiria;+

Nave-tho, noolokiheriwa nipuro para mwene awe.+

Ohuukela ikhuni sinceene nipuro nuulupale ni noowiixa,

Nirina mooro munceene.

Iphumu sa Yehova, seiyo sinlikana ni enxoofere yinceene,

Ti sinrowa opattiha mooro owo.

31 Aatakhaliwa ale anirowa wExiitu, aphavelaka okhaliheriwa,+

Yaawo aniroromela ikhavalo,+

Aniroromela ikaaro sinceene sa ekhotto, sinipuruliwa ni inama,

Ni anaaroromela anakhavalo, mwaha woowi toowerya.

Masi awo khanimuroromela Muluku Oowaarya a Isarayeli,

Nave khanimwaavya Yehova.

 2 Owo ta miruku ni onookumiherya maxakha,

Nave onoopaka etthu olavunle awe.

Onimwaahukhumu atakhali,

Ni ale anaakhaliherya atakhali awo.+

 3 Atthu a wExiitu khahiyo Muluku, awo apinaatamu paahi;

Ikhavalo saya inama paahi, khahiyo ikuru sihinooneya.+

Okathi Yehova oneemexa awe ntata nawe,

Khula mutthu onaakhaliherya atthu akina onoomora,

Nave ole onikhaliheriwa onoomora.

“Siisaale kharamu, eyo piiyo, kharamu mwaamukhaani ni a ikuru, onoopa awe murukulu mwaha wa enama ovanre awe,

Ohinoopopiheya awe mwaha wa amakampusi anceene anithukumana,

Wiira amoomole akhuwelaka,

Nnakhala ohinoova awe mwaha wa onyakula waya,

Siiso-tho, Yehova a anakhotto onookhuruwa wiira owane ekhotto,

Mwaha wa mwaako Siyoni ni mapuro aya oottukhuwa.

Asiiria awo anootthyawa mwaha wa espaata,

Nave amiravo aya, anoovarihiwaka muteko wookhanyereriwa.

 9 Ole yaamuroromela aya,* onimookhwa mwaha wa woova,

Nave makhulupale aya, animoova mwaha wa esinaale yeemexiwe”.

32 Mwiiwe! Mwene+ onoolamulelaka mwa xariya,+

Nave makhulupale anoolamulelaka mwa xariya.

 2 Khula mmosa a yaawo, onrowa okhalaka ntoko nipuro nootthyawela okathi wa epheyo,

Nipuro nootthyawela okathi wa epula yinceene,

Onrowa okhalaka ntoko maasi ari nipuro noowuuma,+

Nave, onrowa okhalaka ntoko muuttutthi wa mwala muulupale ori elapo yoowuuma.

 3 Vano, maitho a atthu anoona khanrowa owaliwa,

Nave maaru a atthu aniiwa, anoowiriyanaka oratteene.

 4 Atthu ookhummwa murima, animuupuwela saana etthu eniixutta aya,

Nave nlumi na atthu ookukuma, nnoolavulaka saana ni voowiiwanyeya.+

 5 Mulolo, khonrowa-tho ohimmwaka okhala mutthu oovaha,

Nave mutthu oohiroromeleya, khonrowa ohimmwaka okhala mutthu oottittimiheya.

 6 Mulolo onoolavulaka itthu sa elolo,

Nave vamurimani vawe, onimuupuwelaka itthu sootakhala,+

Wiira owiiriheke atthu onvirikanya Muluku, ni omootherya Yehova,

Wiira omwiirihe mutthu ovoliwe etala ohikhalana yoolya,

Nave omukhoottiherya maasi oowurya, mutthu ovoliwe ntthona.

 7 Apalano a mutthu oohiroromeleya tootakhala,+

Owo onnaatumererya atthu akina otthara mweettelo woowuuliha muru,

Wiira omukumiherye maxakha mutthu oohaawa, ni moolumo awe oowootha,+

Hata okathi mutthu owo oohaawa onilavula awe ekeekhai.

 8 Mutthu oovaha, onniphavela ovaha,

Nave onnithipelela ovaha.

10 Yavira eyaakha emosa ni mahiku vakhaani, nyuwo athiyana muhinixikha etthu munooxanka,

Okhala wiira hata omalaka okathi onuuruliwa ewuuva, nyuwo khamunrowa wuurula etthu.+

Murule ikuwo,

Nware esaakho muyuununi mwanyu.+

12 Mmaneke vapeeto vanyu, mwiikhupanyeryaka,

Mwaha wa etthu eniiraneya ni imatta sooruwerya ni imatta sa ewuuva.

13 Elapo ya atthu aka, enoosareya miiwa ni ikhuukwa;

Iyo sinookhuneela ipa sootheene, seiyo atthu yaahakalala aya,

Aayo, epooma atthu yaahakalala aya.+

14 Empa yoorakamela osulu ni yoolipihiwa, enoonyanyaliwa;

Epooma yoonyakuliwa, enoothammwa.+

Ofeli+ ni nipuro na mulipa-oowehaweha, noothammwa,

Noothatuwa opuro anithweela aya apuuru,

Opuro onilya aya inama,+

15 Mpakha Muluku onivaha ikuru sawe,+

Nave othako okhala ematta yaaliwe miri,

Nave-tho, ematta eyo olikanaka ni etakhwa yoowunttelana.+

16 Vano, exariya enookhalaka moothakoni,

Nave exariya enookhalaka mmatta mwaaliwe miri.+

17 Exariya yeekeekhai, enookumiherya murettele,+

Nave exariya yeekeekhai enookumiherya omumula wa mahiku ootheene ni murettele ohinimala.+

18 Atthu aka anrowa okhalaka elapo ya murettele,

Ipa soolipa ni mapuro oomaaleleya, voohixankela etthu.+

19 Masi epula ya maralala, enoohonona etakhwa,

Nave epooma yootheene enoopwexakasiwa.

20 Oohakalala ti nyuwo munaala epyo mapuro ootheene ari maasi,

Ti nyuwo ipooyi sanyu soolopwana ni apuuru anyu ari mmatta”.+

Hiyo nnoororomelani nyuwo,

Khula voosiisu, mukhaleke ikuru sahu,+

Aayo, munoopoleke okathi ninxanka ahu.+

 4 Ntoko siisaale isoope sinikhuura aya itthu sootheene siniphwanya aya, siiso-tho, mireerelo sanyu sootheene sinookuxiwa;

Atthu anoowanela seiyo ntoko isoope siniira aya.

 5 Yehova onoovuwihiwa,

Okhala wiira owo onikhala nipuro noorakamelexa osulu.

 6 Ti yoowo oniwiirihani okhala muhoovaka etthu;

Ti yoowo oniwoopolani vanceene,+ onoovahani ankhili, osuwela ni oniwiirihani omoova Yehova.+

 7 Mwiiwe! Alopwana aya oolipa murima, anninla mustaraatani;

Anamitthaka a murettele anninla vanceene.

 8 Istaraata khasiniviriwa;

Khuuvo mutthu onivira mphironi.

Owo* oohonona nivarihano;

Ookhootta ipooma;

Khonimucala mutthu.+

OSaroni ori ntoko othako,

Nave oBaxani ni oKarmelo, makukhu aya aamora.+

10 Yehova onihimya wiira: “Vano kinimweemela,

Vano kinimwiivuwiha;+

Kinimooniherya owerya waka.

14 Anatampi ari oSiyoni annoova vanceene;+

Anamavirikanya annittettemela, anakoha yiiraka:

15 Ole oneettela exariya okathi wootheene,+

Ni onilavula ekeekhai,+

Ni onikhootta ophwanya muhakhu aawokaka atthu akina,

Yoowo onikhootta okunyariwa,+

Onikhootta waawiriyana apalano anipakiwa para wiiviwa mutthu,

Ni oniwala maitho awe wiira ohiwehe itthu sootakhala,

16 Owo onrowa okhalaka miyaako soorakamela musulu;

Onrowa otthyawelaka ixiri soolipa sa maluku,

Onookhalanaka eyoolya okathi wootheene,

Nave maasi khanrowa ommalelaka”.+

17 Munonweha mwene oovuwa ni maitho anyu;

Nyuwo munooweha elapo ya ottaiwene.

19 Nyuwo khamunrowa-tho owoona atthu ootakhala,

Yaawo anilavula nttaava nihiniiwanyeya,

Atthu yaawo yaalavulaka anikhala wiira anookukuma, vahinaiwanyeya etthu.+

Maitho anyu anooweha wiira muttetthe wa oYerusalemu ti woomaaleleya para okhala,

Owo etenta* ehinrowa ovenxiwa.+

Iyeemexeryo sa etenta eyo khasinrowa opheliwa,

Nnakhala mikhoyi saya khasinrowa okwasiwa.

21 Masi mmuttettheni-mmo, Yehova oovuwa,

Onrowa onikhapelela ntoko miro saamukhaani ni miro suulupale.

Apakiti a ikhotto, nnakhala apakiti aalupale,

Khanrowa oviraka miro iyo.

22 Yehova ti Mulipa Oniphuka Milattu sahu,+

Yehova ti Mulipa Onikumiherya Malamulo ahu,+

Yehova ti Mwene ahu;+

Owo tonrowa onoopola.+

23 Mikhoyi sa awanani sinooreseya;

Iyo khasinrowa-tho ovarelela nipotto na ekalawa, nnakhala otapuruxa ntthanka naya.*

Okathi owo, sinookhala mihakhu sinceene sinrowa okawaniwa;

Hata atthu oorakala, anootuphela mireerelo sinceene sa axineene.+

34 Nyuwo atthu a mulaponi, mwaattamele nno mwiiwe,

Nyuwo atthu ootheene, nvahe ephoole.

Nyuwo elapo ya vathi ni itthu sootheene siri memmo, nwiriyane,

Nyuwo elapo ni itthu sootheene siri memmo.

 2 Yehova oonanariwa ni maloko ootheene,+

Owo oonanariwa ni anakhotto aya ootheene,+

Onrowa waapwetexa;

Onrowa owiiva.+

 3 Atthu yiiviwe, anooriheliwa ota,

Wunkha wa mirutthu saya onoowela osulu;+

Miyaako sinoonaanihiwa ni ephome aya.+

 4 Anakhotto ootheene a wiirimu, animuntta,

Nave erimu enimuupaanyiwa ntoko eroolu.

Anakhotto aya ootheene anoonyaala, amorele vathi,

Ntoko nikukhu noonyaala na mwiri wa ewuuva, nimmorela aya vathi,

Ni ntoko efiiku yoonyaala, enimora aya mmwirini mwaya.

Eyo enookhuruwa wiira yaaphukele atthu a wEdomi,+

Yaawo kaalamunle aka wiira apwetexiwe.

Eyo enoosareya ekortuura,+

Ni ephome ya ipwittipwitthi saamukhaani soolopwana, ni ipuri soolopwana,

Nave enoosareya ekortuura ya isyo sa ipwittipwitthi soolopwana.

Miyo Yehova kookhalana mukuttho kilokihenrye aka oBosira,

Kinrowa wiiva inama sinceene elapo ya wEdomi.+

 7 Ipooyi soolopwana sa mutakhwani sinimwiiviwa vamosa ni inama iyo,

Ipooyi saamukhaani soolopwana sinrowa wiiviwa vamosa niiye suulupale.

Elapo aya enoosareya ephome,

Nave etthaya aya enoosareya ekortuura”.

 8 Yehova oothanla nihiku onrowa awe wunla ikuhu,+

Mwaakha onrowa awe oliverya itthu sootakhala wiirihiwe aya muttetthe wa oSiyoni.+

 9 Miro saya,* sinoothatuwa sikhale alikatarau,*

Nave ntthupi naya, nnoothatuwa nikhale enxoofere,

Etthaya aya enoothatuwa ekhale ntoko piriniixi onipatta.

10 Piriniixi owo, khonrowa ottiphaka othana ni ohiyu;

Mwiixi awe onrowa owelaka osulu mahiku ootheene.

Hata oviraka okathi munceene, elapo eyo khenrowa okhaliwaka;

Elapo eyo khenikhala-khala eviriwaka.+

11 Elapo eyo, enrowa okhaliwaka ni anamunyoma ni axipalame anlikana ni anapiphi,*

Ni isiisi ni anakhuku.

Orumeelaka mukhoyi ni epurumu, Muluku onoophima elapo ela,

Wiira ooniherye wiira khenrowa okhaliwaka ni enoopwetexiwa.

12 Khuuvo mukhulupale a elapo eyo onrowa okhala mwene,

Anamalamulela aya ootheene anoolakaseya.

13 Ipa soolipihiwa sa elapo eyo, sinoomela miri sa miiwa,

Oyele ni miiwa sinimunnuwa muhina mwa ipa soolipihiwa.

Alapwa a mutakhwani anrowa orupaka mulaponi memmo,+

Nave mipisa sinrowa okhalaka memmo.

14 Inama sa moothakoni sinrowa okumana ni alapwa a moothakoni,

Ipuri sa mutakhwani* sinoowiitthana apatthani aya.

15 Inowa sinoopaka ipuru saya weiwo sireleke mooce* aya,

Iyo sinootothola ni sinimwaakhapelela axaana aya.

Khuuvo mwaamunama mmosa onrowa ohala;

Nave khuuvo ohinrowa okhalana mwaapara awe,

Okhala wiira mwaneene Yehova torumme,

Nave ikuru soowaarya sa Muluku ti sithukumannye inama iyo.

17 Ti yoowo othanlale etthu aarowa awe waavaha,

Nave ntata nawe nihaaphimela opuro athanleliwe aya.

Awo anrowa okhalaka memmo, hata oviraka okathi munceene;

Anrowa okhalaka memmo mahiku ootheene.

35 Othako ni etthaya yoowuuma, sinoohakalala,+

Othako woowaataleya, onootthapa ni onoosareya ifilori.+

 2 Mweekeekhai, moothakoni sinookhuma ifilori;+

Othako onootteeliwa murima ni onootthapa.

Onoovahiwa ovuwa wa oLiibano,+

Ni waarya wa oKarmelo+ ni oSaroni.+

 3 Mulipihe matata ootteettheya,

Mulipihe makutha anittettemela.+

 5 Okathi owo, maitho a atthu ahinoona, anoohuleya,+

Nave maaru a atthu ahiniiwa, anootthukuwa.+

 6 Okathi owo, atthu oorakala anrowa otuphaka ntoko etthove,+

Nave atthu yahaalavula, anrowa okhuwela atthapaka.+

Maasi anoophattuwa moothakoni,

Nave miro sinoophattuwa moothakoni moowaataleya.

 7 Etthaya yoowuuma, enoothatuwa ekhale ntthiya nirina ettheere,

Nave etthaya yoowuuma, anoophattuwa maasi.+

Mapuro yaale yaarupa aya alapwa a mutakhwani,+

Anoomela malaxi, ettheere ni nammese.*

 8 Weiwo enookhala ephiro yuulupale,+

Aayo, ephiro eniihaniwa Ephiro Yoowaarya.

Ephiro eyo esukeriwe atthu yaale aneetta memmo;

Khuuvo mulolo onrowa ohapuwela ephiro eyo.

 9 Khanrowa okhalaka akharamu,

Nnakhala inama soowali sa mutakhwani khasinrowa oviraka ephiro eyo.

Khasinrowa ophwanyaneyaka memmo;+

Ale paahi Muluku owooponle awe, tanrowa weettaka ephiro eyo.+

Anrowa otteeliwaka murima ni otthapaka,

Nave khanrowa oriipiwaka murima nnakhala wunla.+

Ti pani omulavulenle anyu munanariwe ene,+

Ni mmukumihenrye anyu maitho?

‘Kirumeelaka ikaaro saka sinceene sa ekhotto,

Kinoowela vasulu va miyaako,+

Ni kinoophiya ipantta sa oLiibano siri ottaiwenexa.

25 Kinoothipa ihime* ni kinoowurya maasi;

Kinimuumiha miro sa wExiitu ni inawu saka’.

27 Atthu aya khanrowa okhaliheriwa;

Awo animoova ni animuulihihiwa muru.

Anrowa olikanaka ni miri sa mutakhwani ni malaxi ooripelela,

Anrowa olikanaka ni malaxi aninnuwa vasulu va empa, yaawo anuumihiwa ni epheyo enirwa mpantta onikhuma nsuwa.

28 Masi miyo kinnisuwela oratteene okathi munikilaathi anyu, okathi munikhuma anyu, okathi munikela anyu,+

Ni okathi munnanariwa anyu ni miyo,+

29 Okhala wiira kihiiwa wiira moonanariwa ni miyo+ nave kihiiwa onyakula wanyu.+

Tivo, kinimoohelani coolo aka mphulani mwanyu ni mukhoyi aka+ mwaano mwanyu,

Nave kinimoottikiheryani ephiro mukhumme anyu”.

“Owo khonrowa okela epooma ela,+

Nnakhala khonrowa ovonyerya mattheere,*

Aahiiso khonrowa owana ni nikula na wiixaakihana,*

Wala khonrowa oteka etturuuru wiira otuphele epooma ela.+

34 Yehova onihimya wiira: ‘Owo onootthikela ephiro okhumme awe;

Khonrowa okela epooma ela’.

35 ‘Kinimwaakiha ni kinimoopola epooma ela+ mwaha wa miyo,+

Ni mwaha wa murumeyi aka Davidi’”.+

10 Miyo kaahihimya wiira: “Nlelo kihuuluvanle,

Kihaana ovolowa mikhora sa oMahiye.*

Nkinrowa-tho waaweha apinaatamu,

Okhala wiira kinrowa okhalaka ni alipa-ookhwa.

12 Empa aka eri ntoko etenta* ya makampusi,

Yeeyo yuukululiwe, eroihiwa ottaiwene.+

Okumi aka ohuupaanyiwa ntoko mulipa-ootthava ikuwo onuupaanya awe ekuwo;

Muluku onnikikwasa, ntoko anikwasiwa aya maliinya a ekuwo enitthaviwa.

Muluku onnintakasa makhuva aka ootheene ntoko kharamu;

Munnikimala-maliha, okhuma voosiisu mpakha ohiyu.+

14 Kinninla ntoko nikekesa aahiiso mwaapalame mwaamukhaani,+

Kinnuupulela ntoko epompa.*+

Miyo koohimya wiira: ‘Khoo Yehova, kooxanka vanceene;

Mukikhaliherye!’+

Okumi aka wootheene kinrowa okhalaka oowiiyeviha,

Mwaha wa oxanka waka vanceene.

16 Miyo koohimya wiira: ‘Yehova, atthu ootheene annikhala akumi mwaha wa nyuwo,*

Nave mwaha wa nyuwo, miyo kinnikhala mukumi.

17 Masi, ohiya okhalana murettele, kaahixanka vanceene;

Nyuwo mookaakiherya wookhwaani,+

Mwaha wa okiphenta wanyu.

18 Mahiye,* khaniwerya woovuwihani,+

Nave naakhwa, khoniwerya woottottopelani.+

19 Atthu akumi, aayo, atthu akumi paahi taniwerya woottottopelani,

Ntoko miyo kiniira aka olelo-va.

Nnimwiipa isipo saka, nittharihaka ikaruma sirina mikhoyi,+

Mahiku ootheene a okumi ahu, empa ya Yehova’”.+

 2 “Mwaaleele atthu a oYerusalemu, moolumo ookurunuxa murima,

Nave mwaaleele wiira muteko wookhanyereriwa yaavara aya woomala,

Ni wiira mulattu aya wooliviwa.+

 4 Maxepa ootheene asariwe etthaya,

Nave miyaako sootheene ni mattumuxa ootheene apwexakasiwe.

Etthaya yoothipakaseya, ehaana wuuheeliwa,

Nave etthaya yoothetemana ehaana okhalihiwa nipuro noowaataleya.+

 5 Ovuwa wa Yehova onimooniheriwa,+

Nave atthu ootheene anrowa woona ovuwa iwo,+

Okhala wiira Yehova tolavunle”.

 7 Malaxi annuuma,

Nave ifilori sinninyaala,+

Mwaha wa iphumu sa Yehova oniiseelela awe itthu iyo.+

 8 Malaxi annuuma,

Nave ifilori sinninyaala,

Masi nuulumo na Muluku ahu, ninkhala mahiku ootheene”.+

 9 Nyuwo muthiyana muniruuha ihapari sooreera oSiyoni,+

Nwele mwaako woorakama.

Nyuwo muthiyana oniruuha ihapari sooreera oYerusalemu,

Mukhuwele ni ikuru sanyu sootheene.

10 Moone! Pwiya Muulupale Yehova onimoorwa, ooniherye owerya wawe,+

Owo onoolamulela ni moolumo awe.

Mwiiwe! Owo ookuxa etthu onrowa awe waatthuvela,

Nave etthu eyo onrowa awe waaliva atthu, eri nuuwo.+

Ni moono awe, owo onoothukumanya ipwittipwitthi sawe,

Nave onooteexa iyo vapeeto vawe.

12 Ti pani otonko ophima maasi munikuphini mwawe,+

Ni otonko ophima erimu ni ntata nawe?*

Ti pani otonko othukumanya ntthupi na mulaponi wiira ophime,+

Aahiiso ophimme miyaako vapalansani?

15 Maloko ari ntoko nttonttoni* nimosa na maasi nimmorela mpaltini,

Nave ari ntoko ntthupi nootepa oxileya nihanle vapalansani.+

16 Hata etakhwa ya oLiibano, kherina miri sinceene siniphiyerya opattiha mooro onipatta okathi munceene,

Hata etakhwa eyo kherina inama siniphiyerya ovaha yoovaha para opahiwa.

17 Maloko ootheene, khahiyo etthu ohoolo wawe;+

Owo khonoona okhala etthu, anlikana ni ethiru.+

19 Mutthu onnipaka elatarato,

Nto mulipa onihana iyuuma, onnisirikela elatarato eyo ni eweero,+

Nave onnipaka ikwirinti sa eparatha.

20 Mutthu onnithanla mwiri wiira okhale etthu onrowa awe ovaha,+

Onnithanla mwiri ohinrowa wuntta.

Owo onnimwaavya mutthu onisuwela opattha saana,

Wiira opatthe elatarato ehinrowa omora.+

22 Ohaavo onikhala vasulu va elapo yoovilikeya,+

Nto atthu anikhala mulaponi-mmo, ari ntoko isoope.

Owo onnaatala erimu ntoko eveewu yoopeepheya,

Nave onnookola erimu ntoko etenta* enikhaliwa-mo.+

23 Owo onniwiiriha makhulupale ohikhala etthu,

Nave onniwiiriha alipa-oophuka milattu* a mulaponi, okhala eethiru.

24 Awo animwiira aphatteiwaka-ru,

Animwiira yaaliwaka-ru,

Mitathaari saya sinimwiira sirapelaka-ru vathi,

Awo anniiseeleliwa anuuma.

Tuule onihoolela itthu iyo ntoko anakhotto ni onisuwela nummeru naya;

Owo onniihana sootheene oromolaka nsina naya.+

Mwaha wa ikuru sawe soowaatta ni owerya wawe woowoopiha,+

Sootheene siri opuro aya.

‘Okumi aka woovitheya vamaithoni va Yehova,

Nave Muluku khonikiirela exariya’?+

29 Owo onninvaha ikuru mutthu otemmwe,

Nave onnimusariha ikuru ole ohirina.+

30 Amiravo anoovela ni anookhulumuwa,

Nave amiravo acikhaani anookwattuliwa* ni anoomora.

Anrowa otthimakaka, masi khanrowa okhulumuwaka;

Anrowa weettaka, masi khanrowa otemwaka”.+

41 “Nyuwo atthu anikhala musisironi, mmaale mukiwiriyaneke;*

Nyuwo atthu a mulaponi, mphwanye-tho ikuru.

 2 Ti pani omulattunle mutthu onikhala mpantta onikhuma nsuwa,+

Wiira orwe vari awe,* opake exariya?

Ni onvahererye maloko,

Ni omwiirihe waaxintta mamwene?+

Ti pani oniwiiriha mamwene awo okhala ntoko ntthupi ohoolo wa espaata* awe,

Ni ntoko malaxi oowuuma anivavihiwa ni epheyo, ohoolo wa muura awe?

 4 Ti pani opanke etthu ela,

Yoowo onilattula maloko okhuma woopaceryani?

 6 Atthu annikhaliheryana,

Ni annihimeeryana wiira: “Mwiilipihe”.

Ole onookolola iyuuma ni maritelo,

Onnimulipiha ole onimanela eyuuma vayuumani ekhwaaya.

 8 “Masi, nyuwo Isarayeli, mwa murumeyi aka;+

Nyuwo Yakobe, mwa osuulu wa mpatthani aka Abrahamu,+

Ti nyuwo koothanlalyaakani.+

 9 Ti nyuwo kookumihalyaakani omalenle elapo,+

Ti nyuwo kiwiihannaakani ottaiwene.

Kihoohimeeryani wiira: ‘Nyuwo mwa murumeyi aka;+

Miyo kihoothanlani. Miyo nkookhoottaleni.+

Kinimoolipihani, aayo, kinimookhaliheryani,+

Kinimoovarelelani oratteene ni ntata naka noolopwana na xariya’.

12 Nyuwo munrowa owaavyaka yaale yaawana ni nyuwo, masi khamunrowa waaphwanya;

Ale aniwana ni nyuwo, anrowa okhalaka ntoko etthu ehikhanle, anrowa okhalaka ntoko ethiru.+

13 Miyo, Yehova Muluku anyu, kinnoovarelani ntata nanyu noolopwana,

Ti miyo kinooleelani wiira: ‘Muhoove. Kinimookhaliheryani’.+

15 “Mwiiwe! Miyo kihookhalihani ekaruma eninyakatta ipyo,+

Ekaruma esya yoowiitha eninyakatta ipyo.

16 Nyuwo munooveera itthu iyo ntoko ipyo,

Nave ettheku enoovaviha.

Nyuwo munootteeliwaka murima mwaha wa Yehova,+

Munimwiittottopaka mwaha wa Muluku Oowaarya a Isarayeli”.+

18 Kinookumiherya miro vasulu va mattumuxa ahinimela malaxi,+

Nave miro sinoophattuwa mapuro oowaataleya.+

Kinootatuxa othako wiira okhale matthiya ari nammese,*

Nave mapuro oowuuma, kinookhaliha ihime sa maasi.+

19 Moothakoni, miyo kinimwaala miri sa eseeturu,

Sa akaasiya, sa murta ni sa epinyeero.+

Moothakoni moowaataleya, kinimwaala mwiri oniihaniwa xuniiperu,

Vamosa ni mwiri oniihaniwa ferexo* ni mwiri oniihaniwa sipereste.+

20 Siiso, atthu ootheene animoona ni anoosuwela,

Anoovaha ephoole ni anoosuwela oratteene,

Wiira ntata na Yehova tinipanke etthu ela,

Nave wiira Muluku Oowaarya a Isarayeli, topanke etthu ela”.+

Munileele itthu siiraneyale khalai,*

Wiira nuupuweleleke seiyo,* ni nisuwele etthu enrowa okhumelela.

23 Munihimeerye etthu enrowa wiiraneya ohoolo,

Wiira nisuwele wiira nyuwo mwa amuluku.+

Aayo, mpake etthu, ekhale yooreera aahiiso yootakhala,

Wiira niwehe etthu eyo, nitikinihiwe.+

24 Mwiiwe! Nyuwo khamuhiyo etthu,

Nave itthu munipaka anyu khasihiyo etthu.+

25 Miyo koomulattula mutthu onikhuma onorti, nto owo onnoorwa;+

Ti yoowo onirwa mpantta onikhuma nsuwa,+ ni onirowa ovuwiha nsina naka.

Owo onimwaanyakela anamalamulela, ntoko oninyakeliwa aya oloko,+

Siisaale mulipa-onuupa miyaapu, oniphwatta awe oloko.

28 Masi miyo kaahithipelela oweha, khaakhanle mutthu;

Khaakhanle mutthu aawerya ovaha miruku.

Konvaha ikuru saka;+

Onrowa waaruuhela exariya atthu a maloko ootheene.+

 2 Owo khonrowa okhuwela, nnakhala wuncererya nsu nawe,

Nave nsu nawe khaninrowa wiiwanyeyaka mphironi.+

 3 Khonrowa omala-maliha* mutathi woowunteya,

Nave khonrowa ottipiha ntthampo nintthuwa mwiixi.+

 4 Muthuko awe khonrowa ottipha, nave khonrowa onyaanyiwa. Onrowa okhaliha exariya mulaponi,+

Nave atthu anikhala musisironi, annilipelela nlamulo nawe.*

 5 Muluku eekeekhai Yehova,

Mpattuxa a erimu ni Muluku Muulupale,

Yoowo aatanle erimu eyo,+ ni aatanle elapo ya vathi ni itthu siri memmo,+

Yoowo onaavaha iphumu atthu anikhala mulaponi,+

Nave onaavaha ikuru ale aneetta mulaponi memmo, onihimya wiira:+

 6 “Miyo Yehova, koowiihanani wiira kooniherye exariya;

Miyo kihoovarelani ntata nanyu.

Kinimookhapelelani, nave munrowa okhala ntoko nivarihano, eriyari ya miyo ni atthu,+

Nave-tho, munrowa okhala ntoko muthuko para maloko ootheene,+

 7 Wiira muhule maitho a atthu ahinoona,+

Wiira mwaakumihe aperesu mukhatteya,

Nave mwaakumihe mukhatteya ale akilanthi mweepiphini.+

 8 Miyo ka Yehova. Nla nsina naka;

Ovuwa waka, nkininvaha mutthu mukina,*

Nnakhala ottottopeliwa waka, nkinivaha ilatarato soopatthiwa.+

 9 Moone, itthu soopacerya sihiiraneya;

Vano kinilaleya itthu isya.

10 Mmwiipele Yehova nsipo na niinaano,+

Nmwiipele masipo oottottopela mpakha omalenle elapo,+

Nyuwo munrowa mphareya ni nyuwo-tho itthu sootheene siri memmo,

Ni nyuwo isisiro* ni atthu anikhala memmo.+

11 Othako ni ipooma siri moothakoni-mmo, sikhuweleke,+

Vamosa ni mittetthe sinikhala aya atthu a oKedari.+

Atthu anikhala mmiyaakoni, atthapeke;

Awo akhuweleke vasulu va miyaako.

12 Ootheene aya amuttottopeleke Yehova,

Hata atthu yaale ari musisironi,+ amuttottopeleke yoowo.

Onookhuwela, aayo, onookhuwela ntoko anikhuwela aya ale anrowa okhottoni;

Onrowa wiixooniherya okhala ootupexa waavikana awanani awe.+

Ntoko muthiyana oniyara,

Kinrowa ottettemelaka, sinookimalela iphumu ni nkinrowa omumulaka saana.

15 Kinoopwexakasa miyaako ni mattumuxa,

Nave kinimuumiha malaxi aya ootheene.

Kinootatuxa miro wiira sikhale isisiro,

Nave-tho, kinimuumiha matthiya arina nammese.*+

16 Kinimwaahoola alipa-oohoona, ephiro ahinisuwela aya,+

Nave kinoowiiriha weetta miphito sihinisuweliwa.+

Epiphi eri ohoolo waya, kinootatuxa ekhale waarya,+

Kinimwiiriha etthaya yoothetemana, okhala yoowaataleya.+

17 Atthu yaale aniroromela ilatarato soopatthiwa,

Yaawo anihimeerya ilatarato sa eyuuma wiira: “Nyuwo mwa amuluku ahu”,+

Anrowa oxinttiwa ni animuuliwa muru vanceene.

18 Nyuwo atthu ahiniiwa, mwiiweke;

Nyuwo atthu ahinoona, mooneke ni nwehexexeke.+

21 Yehova ohoona oreera wooniherya wiira nlamulo nawe, ti nuulupale ni noovuwa,*

Okhala wiira owo naxariya.

22 Masi ala atthu yaakhiwe ni yiiyeriwe mireerelo saya;+

Ootheene aya aatthukweliwa mulittini ni ahiipithihiwa mukhatteya.+

24 Ti pani owiirinhe atthu a Yakobe wiiyeriwa mireerelo saya,

Nave ti pani owiirinhe aisarayeli waakhiwa mireerelo saya?

Awo aakhootta otthara iphiro sawe,

Nave-tho, aakhootta wiiwelela nlamulo nawe.*+

25 Tivonto, Muluku aahaaviruwela,

Aahinanariwa naawo ni aahaaruuhela ekhotto yootakhala.+

43 Etthu onihimya awe Yehova,

Mpattuxa a Yakobe, yoowo ompanke Isarayeli, tiila:+

Mweettaka vamooroni, khamunrowa ovya,

Nnakhala khamunrowa oreveya.

 3 Miyo ka Yehova, Muluku anyu,

Muluku Oowaarya a Isarayeli, Moopoli anyu.

Miyo koovaha elapo ya wExiitu,

Elapo ya wEthiyopia ni oSeeba, wiira siliverye woopoliwa wanyu.

 4 Nyuwo mookhalana efaita yinceene para miyo,+

Kinniwoonani okhala oottittimiheya ni kinnoophentani.+

Tivonto, kinimwaavaha atthu ni maloko,

Wiira woopoliwe okumi anyu.

Kinooruuha osuulu anyu, kikumihaka mpantta onikhuma nsuwa,

Kinooruha, kikumihaka mpantta onikela nsuwa.+

 7 Mwaaruuhe ootheene yaale aniihaneliwa nsina naka,+

Yaawo kaapattunxe aka para ovuwa waka,

Yaawo kaapanke aka’.+

 8 Mwaaruuhe atthu ahinoona, nnaamwi arina ene maitho,

Ni atthu ahiniiwa, nnaamwi arina ene maaru.+

 9 Maloko ootheene athukumane nipuro nimosa,

Atthu awo, athukumanyiwe opuro omosa.+

Aahiiso, awo anoowerya onisuweliha itthu sinrowa opacerya wiiraneya,*+

Yaakumihe anamoona aya wiira yooniherye wiira aakhalana erasau,

Aahiiso atthu akina yiiwe ni ahimye wiira: ‘Ela ekeekhai!’”+

10 Yehova onihimya wiira: “Nyuwo mwa anamoona aka,+

Aayo, mwa murumeyi aka, yoowo kimuthanlale aka,+

Wiira mukisuwele ni mukaamini,*

Ni musuwele oratteene wiira miyo nkinturukeya.+

Kihinatthi miyo, khuuvo Muluku mukina otonko okhala,

Nnakhala khuuvo Muluku mukina onrowa okhumelela.+

12 Yehova onihimya wiira: “Ti miyo kihimmye etthu kinrowa aka opaka,

Ti miyo kiwooponleni. Nave ti miyo kisuwelinhe etthu eyo okathi ahaakhanle awe Muluku mukina eriyari anyu.+

13 Nave-tho, miyo ka Muluku ohinturukeya;+

Khuuvo oniwerya okaakha etthu mmatatani mwaka.+

16 Yehova, yoowo onikumiherya ephiro eriyari ya ephareya,

Ni onikumiherya ephiro eriyari ya maasi ootupa,+

17 Yoowo onikumiherya ekaaro ya ekhotto ni ekhavalo,+

Ni onaakumiherya atoropa vamosa ni anakhotto ootupa, onihimya wiira:

18 “Muliyale itthu sa khalai,

Muhimakeleke wuupuwela itthu sivinre.

19 Mooneke! Miyo kinnipaka etthu esya;+