Hakalalani Ni Okumi Woohimala Veelaponi Ya Vathii!

Ebroxura ela epakiwe wira yookhaliheryeni omusuwela panii opattunxe elapo ni itthu sotheene siri-mu. Munrowa wiixutta wira Muluku, opattun’xe elapo, ookhalana nsina. Nootaphulela-tho nthowa xeeni Muluku ompankaawe mutthu ni moota xeeni nyuwo muniiraanyu muhakalale ni okumi woohimala veelaponi ya vathii.

Ninnilipelela wira ilatarato sinceene sinimookhaliheryani woonexexa saana itthu sene seiya. Wira muphwanye mureerelo mulupale mwa seiya, muhaana osoma solepa sa mBiibiliyani sixaathiwe wa khuta elatarato. Mwiiraka siso, munimwaasoma mmansinyu anatiri ooloka a Muluku, ari mBiibiliyani, ni ele Muluku enihimya awe wira mwiire wi mwaakhele wakhwaniheriwa waanatiri awe.

Naaniherya mwaaniphavela waakhaliherya akina mvarelaka muteko ebroxura ela. Mwakhalana anamwane, munoovarela muteko wira mwaakhaliherye wiixutta sikina sa Muluku. Mwakhala elapo yeeyo anceene owunnuwela ahinsuwel’aya osoma, munoovarela muteko ilatarato wi mwaakhaliherye wiwexexa soolakela sa Muluku, wira awosa, nave-tho, awerye waakhaliherya yaattamanna aya.

Ninnilipelela mwekeekhai wira osoma yoohimmwa ela enimookhaliheryani waakhela mareeliho manceene, mpakha-tho owooniherya akina moota aniira aya ahakalale ni okumi woohimala veelaponi ya vathii.