Wa Ale Anisoma Irevista Sahu
Erevista ela enisoma anyu, epacenrye okumiheriwa Julyo 1879. Woovira okathi munceene oniiriha opakiwa marukunuxo. (Moone ifootu vasulu.) Nipacerihaka ni erevista ela, munooweha marukunuxo makina anrowa wiireya. Etthu xeeni enrowa okhala ya niinano wa erevista Owehaweha?
Moone otthokihiwa wa myaha epaaxina 2, epantte eni: “Musome Sikina Siri Munterneti, Ekunya”. Khula mweeri, epanttte eyo enookhalanaka miru sinrowa okhumelaka va Web site www.jw.org. Xeeni okumiheriwaka myaha sikina va online?
Ilapo sinci, khula mahiku annincerereya atthu aniphwanya itthu siniphavela aya munternet, nto eyo ennaasivela. Arumeelaka ekatha emosa paahi awo anniwerya ophwanya itthu siniphwanyaneya muternet paahi. Vanniweryaneya osoma online Iliivuru, irevista ni ixornaale sinceene.
Mwaha wa eyo, vano nomulokiherya Web site ahu khukhala: www.jw.org, wira atthu amooneke okhala ookhweya ni ooreera. Ale anirowa onweha site owo, anooweryaka osoma iliivuru sa mattaava anivikana 430. Nto, opacerya mweeri ola, ale anrowa onwehaka Web site ahu anooweryaka osoma myaha kamosa-kamosa seiye saakhumela murevistani yowimprimiriwa, masi vano sinrowa okhumelaka paahi va Web site ahua.
Okhala wira ninrowa okumiheryaka myaha sinceene munternet, nipaceryaka ni erevista ya mweeri ola, erevista Owehaweha ya atthu otheene, enoovukuliwa ipaaxina 32 ekhalaneke ipaaxina 16. Erevista Owehaweha ennitaphuleliwa mattaava 195. Nto okhala wira sinovukuliwa ipaaxina, vano vanookhweyaka otaphuleliwa mattaava makina owuncerereya.
Nto ninlipelela wira mirukunuxo iya sinikhaliherye waaphwanya atthu anceene ni ihapari sa mBiibiliyani sinoopola. Yoolakela ahu ti ovikaniha okumiherya myaha sinivaha omwaleya ni siri soohakalaliha; mwa iliivuru sowimprimiriwa, wala siniphwanyaneya munterneti wira ale anisoma iliivuru sahu, aninvaha efaita Biibiliya ni aniphavela osuwela ele Biibiliya eniixuttiha awe tthiri, ettottele mureerelo.
Alipa-oolepa
[Enoota]
a Wa myaha sinrowa okumiheriwaka paahi va online tiiya: “Myaha sa Amiravo”, seiyo sinrowa onooniherya moota woorowa osoma myaha sirina miruku sa Biibiliya, ni epantte eni: “Sowiixutta Saka sa Biibiliya”, seiyo sinrowa waakhaliheryaka anamuyari waaxuttiha anaaya arina iyaakha ttharu aahiiso ohiphiya-vo.
[Ilatarato siri epaaxina 3]
[Elatarato eri epaaxina 3]
MUNTERNETI
Moone evideo clipi yeekunya ya “Alipa-oolepa erevista ya—Owehaweha Okhuma 1879”
(Muwehe vathi va Últimas Notícias/A Sentinela—Nenhuma revista se compara)