Iponto Suulupale sa Muteko Woolaleerya

Mwaakha ola, mweeri wa Julyo ookumiheriwa Biibiliya oomalela Tradução do Novo Mundo, a nttaava na eChichewa. Nto, aBiibiliya 165.500 yaahiroihiwa mapuro 34 yiiriwa akonkresu a edistritu. Ela yaavekela wiimananiha vanceene wa anna ni arokora oowiivahererya yaavara muteko owo. Mwa ntakiheryo, saahirumeeliwa mikukutta miraru suulupale wira saakuxe a Biibiliya itonelata 96 okhuma oBetheli mpakha opuro wa konkresu. Efiliyaali ahu ehaakhela ipaphelo sinceene silempwale ni anna amuxukhurelaka Biibiliya a nttaava naya, yoowo ori oolikanela, ni ookhweya omusoma. Tthiri, Biibiliya ola onookhaliherya vanceene mmuteko woolaleerya. Nave-tho, moovirikana ni iyaakha sivinre, mwaakha ola ohiiriwa konkresu eEmakhuwa oomalela. Nto, konkresu a nttaava na eTshwa aahikhalana idrama sotheene. Tthiri, ninnikupali wira sowiiraneya iya sinimwaakumiherya anamalaleerya a niinano mwaha wa wiimananiha onipaka ahu wira atthu otheene a muttetthe ahu yiiwe ihapari sooreera.