Soohimmwa

◼ Iliivuru sinrowa okaiwaka Outubro: Irevista Owehaweha ni Despertai! Okathi onitthikela anyu oxukurya mmooniherye mutthu owo eliivuru Biibiliya Oniixuttiha Exeeni, wala ebroxura Munwiriyaneke Muluku aahiiso Munwiriyaneke Muluku Wira Mphwanye Ekumi Ehinimala, akhala wira tenireerela. Nto mmananihe opaceriha yoosoma ya Biibiliya. Novembro ni Dezembro: Murumeele khula etratato eri mmulokoni. Akhala wira mutthu owo onnisiveliwa ekeekhai, mmooniherye yoosoma ya Biibiliya murumeelaka eliivuru Biibiliya Oniixuttiha Exeeni, wala ibroxura Munwiriyaneke Muluku ni Munwiriyaneke Muluku Wira Mphwanye Ekumi Ehinimala. Janero 2013: Ninrowa okawaka khula ebroxura erina ipaaxina 32 siri mmulokoni: Okathi munitthikela anyu waaxukurya atthu, mwiimananihe opaceriha yoosoma ya Biibiliya murumeelaka eliivuru Biibiliya Oniixuttiha Exeeni, wala ibroxura Munwiriyaneke Muluku, aahiiso Munwiriyaneke Muluku wira Mphwanye Ekumi Ehinimala.

◼ Okhuma 1 a Julyo 2012, miloko sikina siheemereriwa orumeela eSaite ahu www.jw.org wira sivahereryeke irelatoorio sa muteko woolaleerya. Ninnilipelela wira moohipisa, miloko sotheene siniwerya okhalana internet sinrowa weemereriwa orumeela eSaite ela. Miloko seiye sihirina internet sinoovikanihaka waakhela ipaphelo saya ntoko siniira aya vano.