“Nrowe Niwele Mwaako wa Yehova”

‘Yaphiya mahiku aya’

Okathi yoola onikhala ahu.

‘Mwaako yaatekiwe-vo empa ya Yehova’

Okokhorela wa ekeekhai ni onimusivela Yehova.

‘Atthu a maloko otheene anootthimakela-wo’

Ale anisiveliwa okokhorela wa ekeekhai annithukumana mwa murettele.

‘Rwaani, niwele mwaako wa Yehova’

Anamakokhorela a ekeekhai annaalattula atthu akina.

‘Owo onooniixuttiha iphiro sawe, wira nitthareke miphito sawe’

Orumeelaka Nuulumo nawe, Yehova onniniixuttiha ni onikhaliherya otthara iphiro sawe.

‘Khanrowa-tho wiixuttihiwa owana ekhotto’

Yesaya onnilavula sa orukunuxiwa iyuuma sa ekhotto khukhala ikaruma soolimana, ooniheryaka wira atthu a Yehova yaarowa okhalana murettele. Ikaruma iyo saari sai okathi wa Yesaya?

Ikatana saya sa ekhotto ‘ehane ihipa’

1 Ehipa ekaruma yaalimaniwa etthaya. Okhala wene ihipa saakhala sa eyuuma saaheliwa mumminini.​—1 Sa 13:20.

‘Anoorukunuxa mavaka aya ehane iheko’

2 Eheko ekaruma emosa ya eyuuma yaarina nvarelelo aya. Eyo yaarumeeliwa wira siikitthiwe iritta sa mwiri wa evidera.​—Yes 18:5.