Mwaathanleke Apatthani Anyu Mwa Miruku

Etthu yaawiiranenle aIsarayeli elapo yowaataleya ya oMowabi, ntakiheryo nuulupale wa maKristau olelo-va. (1 aKo 10:6, 8, 11) AIsarayeli yaapacenrye waataana ni athiyana ooMowabi, yaawo yaakokhorela a muluku eethiru ni yaarina mweettelo wa orupihana woohiloka, yaahiwiiriha ottheka. Nto eyo yaahaakumiherya mixankiho suulupale. (Mot 25:9) Ekeekhai wira olelo-va, ninkhala ni atthu ahinimurumeela Yehova, ntoko apatthani ahu oomutekoni, ooxikola, anamwaattamanani ahu, amusi ahu ni atthu akina. Exeeni nniixutta ahu ni yoowiraneya ela ya mBiibiliyani voohimya sa woopiha waya waataana ni atthu ahinimurumeela Yehova?

NWEHE EVIIDIYU ENI: ITTHU SIIRANEYALE SINNINLOPOLA OLELO-VA—EVIIDIYU YAAMUKHAANI, NUUMALA-VO MWAAKHULEKE MAKOHO ALA ANITTHARELANA:

• 

  Moonelo xeeni woohiloka Zimri ni atthu akina yaamuleelale aya Jamin?

• 

  Pineha aamukhalihenrye sai Jamin okhalana moonelo wooloka?

• Ovirikana xeeni okhanle omureerela murima mutthu ohinimukupali Muluku ni okhala mpatthani awe?

• Xeeni vanireerela ahu okhalana ephoole vaavo nnaathanla ahu apatthani ahu hata ori ene mmulokoni?

• Xeeni ninreerela ahu osyaka ovaanela ni atthu nihinaasuwela ahu, ntoko egrupu ya bate-papo redes sociais?