Paulo Aanilaleya Omwene Wa Muluku “Ohikhoottiheriwaka Ni Mutthu”

Mpantta ola, nnooweha okathi Paulo aavilenle awe olupatthiwa ni muttitthi wa atthu waananariwe vanceene, moota aavilenle awe otthukweliwa mukhatteya ni moota ikwaha sinceene aaroihiwe awe etribunaali ya makhulupale a oroma. Hata aarina mixankiho iyo sootheene, murummwa ole oororomeleya khaahiyale olaleya Omwene wa Muluku. Okathi ninrowa ahu othokorerya enamuna yoovara murima enimala aya eliivuru ya Miteko, mwiikoheke so: ‘Kinrowa omutakiha sai namalaleerya ole a nthiti ni oolipa murima?’