Murowe Vahoolo!

1. Murowe vahoolo, momunepani!

Nilokiheryeke muteko wa Yehova.

Nilaleye ihapari sooreera,

Niphwanye mareeliho.

Olaleerya ti wa otheene.

Nimutakihe Yesu Kristu.

Niroromeleyeke wa Muluku,

Nikhaleke oolipa.

2. Murowe vahoolo, mowiilipiha!

Niluttuweliwe, mulaponi motheene.

Khula enupa nivare muteko,

Ninvuwihe Yehova.

Nikhale oolipa murima,

Nihitthikeleke ottuli

Omwene wa Muluku onoophiya.

Nilaleyeke masu.

3. Murowe vahoolo, muhitemweke!

Nivikaniheke onvuwiha Yehova.

Munepa wa Muluku nivekele.

Nihakalale vanci.

Mwaaphenteke atthu otheene.

Yaale animphavela Pwiya.

Nivikaniheke waakhaliherya,

Omulompa Muluku.