EPANTTE 1

Ninrowa Onwiriyana Sai Muluku?

Muluku onimurumeela Biibiliya wira olavule ni hiyo. 2 Timótheyo 3:16

Oryeene veehiceni vawe wiirimu, Yehova aahiwuupuxerya alopwana omulepa Biibiliya

Muluku aahaaruma atthu wira alepe muupuwelelo awe muliivuruni eniihaniwa Biibiliya. Biibiliya ookhalana soohimmwa sootthuneya seiyo Muluku oniphavela awe wira nyuwo musuwele.

Muluku onnisuwela ele ekhanle yooloka wa hiyo okhala wira owo tokhanle mathipelo a osuwela. Mwanwiriyana, nyuwo munookhala mutthu a miruku.—Miruku 1:5.

ABiibiliya a mattava manceene; mulopwana omusomaka Biibiliya ni nttava nawe

Muluku oniphavela wira atthu otheene ari molumwenkuni amusomeke Biibiliya, yoowo olelo-va oniphwanyaneya mmattaava manceene.

Akhala wira nyuwo muniphavela onwiriyana Muluku, muhaana omusoma ni omwiiwexexa Biibiliya.

Atthu a khula nipuro anniwiriyana. Matheyo 28:19

Namoona a Yehova omusomelaka yoolepa mulopwana mmosa, nuumala khiyapaceryqa omusomiha Biibiliya

Anamoona a Yehova animookhaliheryani nyuwo omwiiwexexa Biibiliya.

Awo anniixuttiha ekeekhai ya Muluku molumwenkuni motheene.

Muthukumano onipakiwa Empa ya Omwene ya Anamoona a Yehova

Khamunrowa oliva etthu wira musomihiwe. Nyuwo munoowerya wiixutta nuulumo na Muluku oSalau ya Omwene ya Anamoona a Yehova, mmuttettheni mwanyu.