Tuuvi Okhanle Muluku a Ekeekhai?

Muluku a ekeekhai ori mmosa paahi, nsina nawe ti Yehova. (Esalimo 83:18, Tradução do Novo Mundo) Owo mutthu oomunepani, hiyo khanniwerya omoona. Yehova onniniphenta ni oniphavela wira hiyo nave nimphenteke. Owo onniphavela-tho wira naaphenteke atthu akina. (Matheyo 22:35-40) Yehova ti Namalamulela Muulupale ni Topattunxe itthu sotheene.

Nlaikha noowerya nipacerye opattuxiwa ni Muluku ti Yesu Kristu. Yehova aahipattuxa-tho malaikha makina.

Yehova aahipattuxa itthu sotheene siri wiirimu . . . ni elapo ya vathi Wisupulula 4:11

Yehova Muluku oopattuxa itheneeri, elapo ya vathi ni itthu sotheene.​—Maphattuwelo 1:1.

Owo aahimuupa Adamu, mulopwana oopacerya orumeelaka etthaya.​—Maphattuwelo 2:7.