Mareeliho Xeeni Anrowa Aya Waakhela Ale Animwiiwelela Muluku?

Anamunceene akhwiiye anrowa ohihimuxiwa wira akhale akumi. Miteko 24:15

Nkuupuwelani mareeliho anirowa anyu ophwanya muhoolo akhala wira munoomwiiwelela Yehova! Nyuwo munrowa okhalana ekumi yoomalela oloka, tthiri khuuvo onrowa owereiwaka. Khanrowa okhala atthu ootakhala, nto munrowa omuroromelaka khula mutthu.

Khonrowa okhala itthu soowereya, oriipiwa murima nnakhala wunla. Khuuvo onrowa wuuluvalaka nnakhala okhwa.

Nyuwo munrowa okhalaka ni apatthani vamosa ni amusi. Ekumi mparayiisu enrowa okhala yoohakalaliha.

Khiivo enrowa owoopihaka atthu. Tthiri atthu anrowa okhala oohakalala.

Omwene wa Muluku onrowa omaliha ohaawa wotheene. Wisupulula 21:3, 4