Moolumo Oopacerya a Epantte 10

Yehova ti Mwene a atthu otheene. Owo onniweha itthu sotheene, nave khonirowa ohiya opaka eyo. Mwa ntakiheryo, aahimoopola Yeremiya vaavo aariheliwe awe mulittini wira okhwe. Owo aahimoopola Xadraki, Mexaki, ni Abedi-Nego munlittini na mooro, ni aahimoopola Daniyeli munlittini na akharamu. Yehova aahimukhapelela Estheri wira owerye waakiha nloko nawe notheene. Owo khonirowa ohiya otakhala wiiraneyaka mwa okathi wotheene. Eprofesia ya elatarato yuulupale ni mwiri muulupale enninlipiherya wira moohipisa Omwene wa Yehova onoomaliha otakhala wotheene ni onoolamulela elapo.