Moolumo Oopacerya a Epantte 13

Yesu aahirwa valaponi ovaha okumi awe mwaha wa atthu oohimalela. Nnaamwi aakhwiiye, owo ooxintta olumwenku. Yehova aahimukhaliherya Mwanawe, nto khimuttikiherya okumi. Mpakha okhwa wawe, Yesu mowiiyeviha aaharumeela akina ni waalevelela okathi yaapaka aya itthu soohiloka. Nuumala ohihimuxiwa, Yesu aahaakhumelela awiixutti awe. Owo aahiwiixuttiha arumwa awe moota woovara muteko wootepa otthuneya. Akhala wira mwa namuyari, mmukhaliherye mwaninyu oweha wira hiyo-tho nihaana ovara muteko owo olelo-va.