Murwe Mulipihiwe

1. Ninkhala olumwenku wootakhala;

Atthu ari mweepiphini.

Nihaana waakhela malakiheryo

Yaawo annikhaliherya.

Mithukumano sinnikhaliherya;

Sinnilipiha waamini.

Naakuviheryaneke ophentana

N’uvara itthu sooreera.

Sooruma sa Yehova neetteleke;

Nipakeke yootthun’awe.

Mithukumano sinniniixuttiha

Malakiheryo ooreera.

2. Yehova Muluku nimwiiwelele;

Miruku sawe neettele.

Nihicompeleke mithukumano,

Wira nilipihaneke.

Axinnihu animoova Muluku,

Annixuttiha muloko.

Nikhaliheriwaka ni Yehova,

Ninnikhala asuweli.

Nilipelelaka elapo esya,

Nivikanihe wiiraana.

Mithukumano sinniniixuttiha

Omusuwela Muluku.