YOOSOMA 1

Moolumo Oopacerya Oovara Murima

Miteko 17:22

MALAKIHERYO: Moolumo anyu oopacerya ahaana owiiriha alipa-oowiriyana ophavela owiriyana mwaha anyu wotheene, osuwanyeiha mwaha anyu, ni wooniherya nthowa naya ori aya wootthuneya mookumini mwaya.

MOOTA WOOPAKA:

Nvareke murima. Muthanleleke nikoho, soohimmwa, yoowiiraneya ya mookumini, wala ihapari sa niinano sinrowa waasivela alipa-oowiriyana.

Muupuweleke vahinatthi itthu sinaasivela ni sinaaxankiha alipa-oowiriyana, nto mpaceryeke moovarihana ni itthu iyo.
Musuweliheke etthu eniphavela anyu ohimya. Moolumo anyu oopacerya ahaana ovarihana ni mwaha oniphavela anyu olavula.
Mooniheryeke otthuneya waya. Mooniherye moota ele enilavula anyu enivareleya aya muteko mookumini mwa alipa-oowiriyana. Awo ahaana oweha moota mwaha owo onaakhaliherya aya.

Okathi munilokiherya anyu mwaha, mwiikoheke so: ‘Mixankiho xeeni sinaaphwanya anna ni arokora a muloko aka?’ Nto moolumo anyu oopacerya ahaana waakhaliherya anna oweha ovareleya waya muteko mookumini mwaya.