YOOSOMA 18

Owiixuttiha Alipa-Oowiriyana

1 aKorinto 9:19-23

MALAKIHERYO: Mwaakhaliheryeke alipa-oowiriyana orumeela muupuwelo aya. Wanikisa wa mwaha anyu ahaana woonaka wira ahiixutta etthu yootthuneya.

Muthokorerye vahinatthi itthu alipa-oowiriyana anisuwela aya. Ohiya omakelaka ohimya itthu alipa-oowiriyana atonko aya wiiwa, mwaakhaliherye owehaka mwaha owo mwa mukhalelo mukina.

Muhipiseke muthokoreryaka myaha sisuweliwe, masi myaha isya muthokoreryeke vakhaani-vakhaani.
Mutokoseke ni muupuweleleke. Vaweryaneya murumeeleke itthu sihisuwelaxiwe wala sowiiraneya sa ninaano wira mpake nlikanyiho nniiwanyeiha iponto suulupale. Muupuweleke mwaha anyu ni nwehe ovarihana okhanle eriya ya mwaha owo ni iponto mutokonse anyu muniphavela anyu orumeela.

Okathi munitokosa anyu mwaha anyu, mwiikoheke makoho ntoko ala: ‘exeeni, xeeni, silini, woowi, ti pani, ni moota xeeni’. Musiviheke mwaha anyu mweereryaka waakhula makoho awo munrowa anyu wiipakelaka.
Mooniheryeke ovareleya waya muteko muhupi anyu. Mutthokiherye moota iponto iyo sinikhuma mBiibiliyani sikhanle aya owaakhaliherya alipa-oowiriyana mookumini mwaya. Mweereryeke othokorerya itthu sinaakhumelela alipa-oowiriyana.