Malakiheryo Aniroiheliwa Atthu Amurwenle Kongresu

OPATISO Axitokweene a muloko anyu anoopaka mareheryo moovarihana ni makhalelo a mapuro awo wira ale anirowa opatisiwa, apatisiwe omalakaru mpantta wa Esaabadu voosiisu.

MISONKHERYO Kongresu ola ootaphuleliwa mattaava anivikana 400. Misonkheryo munivaha anyu sinnikhaliherya muteko ola wa elapo yotheene. Nyuwo pooti orumeela esaiti enihimya so: donate.jw.org. Misonkheryo sotheene sinnixukhureliwa vanceene. Nikhuuru Noolamulela ninnooxukhurelani mwaha wa misonkheryo munivaha anyu wira mukhaliherye miteko sa Omwene.

Arokora anli yeemenle ene waattamela opuro ori ekarinyu ya iliivuru, amulaleryaka mulopwana mmosa mustaraatani elapo ya wÍndia.

EXIKOLA YA ANAMALALEERYA A OMWENE Mapioneero arina iyaakha sinikhuma 23 mpakha 65 aniphavela wuncererya muteko aya, annilattuliwa wira yawiriyane muthukumano wa atthu aniphavela orowa Exikola ya Anamalaleerya a Omwene, onrowa opakiwa Ettiminku othana. Okathi ni opuro wa muthukumano ola onoohimmwa.

Olokiheriwe ni Nikhuuru Noolamulela na Anamoona a Yehova