Nsipo 152
Opuro Onrowa Woovuwihakani
(1 Mamwene 8:27; 1 Wahala 29:14)
1. Yehova, topanke sootheene,
Hata erimu n’elapo.
Owo ti Muluku oowerya
Mwene a mahiku⁀otheene.
Atthu⁀anyu aneetta moowaarya,
Animoorwa empa ela.
Onisivela wiiwanana,
Vamosa ni murettele.
(EHINATTHI EKOORU)
Nyuwo moonivaha,
Sootheene sirin’ahu.
Ninnoovahereryani
Itthu sootheene⁀iya.
(EKOORU)
Ninnooxukhuruni Yehova;
Onivaha empa ela.
Ninrowa okhapelelaka.
Ninnixukhurela Tiithi.
2. Mwaanisuwela wiira hiyo
Naaniphavela opuro,
Onrowa woovuwihakani,
Naakhaliheryaka atthu.
Ninlompa wiira opuro⁀ola,
Noovuwihekeni Pwiya.
Ninrowa woorumeelakani
N’ikuru sahu sootheene.
(EHINATTHI EKOORU)
Tivo ninvaheke
Okathi ni ovuwa.
Owo onniphwanela
Waakhela sootheene.
(EKOORU)
Ninnooxukhuruni Yehova;
Onivaha empa ela.
Ninrowa okhapelelaka.
Ninnixukhurela Tiithi.