WAAKHULIWA WA MAKOHO A MBIIBILIYANI
Munrowa owiixuttiha sai aniinyu omphenta Muluku?
Aniinyu animwiixutta omphenta Muluku, yakupali wira owo ookhala ni onnaaphenta. Wira amphente Muluku, awo ohaana omusuwela. (1 Yohani 4:8) Mwa ntakiheryo, ahaana osuwela makoho ala: Xeeni Muluku ohalaka waapattuxa atthu? Xeeni Muluku onaahiya awe atthu ehaawaka? Muluku onirowa opaka exeeni muhoolo?—Mmusome aFilipi 1:9.
Wira mwaakhaliherye aniinyu omphenta Muluku, muhaana owooniherya wira nyuwo-tho munnimphenta. Vaavo anoona aya eyo, woonasa wene animootakihani.—Musome Otumererya 6:5-7; Miruku 22:6.
Munrowa ovara sai murima wa aniinyu?
Nuulumo na Muluku ti noowerya. (aHéberi 4:12) Nto mwaakhaliherye aniinyu osuwela sowiixuttiha soopacerya sa Biibiliya. Yesu aanipaka makoho, owiriyana, ni otthokiherya Soolepa wira ovare mirima sa atthu. Moolikanasa, muhaana otakiha inamuna sowiixuttiha sa Yesu.—Mmusome Luka 24:15-19, 27, 32.
Nave, myaha sa mBiibiliyani seiyo sinilavula moota Muluku onaathokorerya awe atthu, sinimwaakhaliherya anamwane omusuwela ni omphenta Muluku. Iliivuru ni myaha silokiheriwe wira saakhaliheryeke anamwane, sinniphwanyaneya va www.jw.org.—Mmusome 2 Timótheyo 3:16.
Wira musuwele soohimmwa sikina moone muru 14 wa eliivuru ela, yoolaleiwa ni Anamoona a Yehova
Mubaxari va www.jw.org/vmw, wala nvekele voohiliva etthu murumeelaka enderesu eri epaaxina 2