“Atthu Òmàla Anoreriwa Vathí-va”

Anamunceene a hiyo ninniweha itthu soohixariya. Nave atthu anceene ahitthenke etthu annihaaxiwa ni atthu ootakhala. Niireke onoophiya okathi oniira aya omale ohixariya ni otakhala?

Esalimo 37 ennaakhula nikoho nlo ni ennivaha malakiheryo a moota wookhala vano. Nwehe moota enitthokiherya aya makoho ala anittharelana.

Naathokoreryeke sai ale annihaaxa?—Iversiikulu 1, 2.
Exeeni enrowa owiiraneela atakhali?—Eversiikulu 10.
Exeeni enrowa owiiraneela anaxariya?—Iversiikulu 11, 29.
Nto nipakeke exeeni vano?—Eversiikulu 34.

Moolumo a Muluku ari Esaalimo 37 annooniherya itthu sooreera sa muhoolo, sinrowa waakhumelela ale ‘anaroromela Apwiya, aniwelela soruma saya’. Anamoona a Yehova anoohakalala wookhaliheryani omusoma Biibiliya ni osuwela moota nyuwo ni amusi anyu munrowa anyu owerya waakhela mareeliho a muhoolo.

Wira musuwele soohimmwa sikina voohimya sa yoolakela ya Muluku wa apinaatamu ni elapo ya vathi, nwehe muru 3 wa eliivuru ela, ekumiheriwe ni Anamoona a Yehova. Enniphwanyaneya-tho va www.jw.org/vmw