Masu Oopacerya
NIIREKE MULUKU ONNOOKHAPELELANI?
Okathi enikhumelela aya ehasara, wala atthu anihaawa aya ni okhwa, waanyiheryasa ninniikoha akhala wira Muluku onnoona itthu iyo. Biibiliya onihimya so:
“Maitho a Apwiya anaaweha anaxariya nave maaru aya aniwiriyana mavekelo, nave owiitho way’a annaaviruwela ale aniira sootakhala”.—1 Pedru 3:12, Waataana wa Naanaano.
Erevista ela Owehaweha ennooniherya moota Muluku onnikhaliherya awe ni ele enipaka awe wira omalihe ohaawa wotheene.
Efootu ya ekaapa enimooniherya mwaaruusi otthyanwe ene ehasara ya ephattu