Murumeeleke, Ohiya Opweha Paahi

Miloko sinceene sookhalana iliivuru sinceene sa khalai sipwehiwe paahi. Nto xeeni muhivekaka khuta eliivuru ekhanle wira mukhalane iliivuru sotheene? Pooti wira moosoma iliivuru iyo mmurumeelaka CD a Watchtower Library. Masi, vannireera okhalana-tho iliivuru sene. Niireke wira ookhala onimusomiha anyu Biibiliya onooniherya orowa ohoolo? Nto muhaana omuhimeerya wira oveke ni ovahiwe iliivuru iyo wira sikhale sawawe. Mutokweene oniiriha Exikola ya Orummwa wa Muluku ohaana ovarerya wira osuwele akhala wira biibilioteka a oSalau ya Omwene ookhalana iliivuru iyo sa khalai siphwehiwe mmulokoni. Sinakhalaru sa khalai, iliivuru iyo ti sa faita. Ohiya opweha mmulokoni paahi, vanoreera akhala wira sinoorumeeliwa!