Enamuna Yooreera ya Owiriyana Masipo a Omwene

Arumeyi a Muluku annithokorerya muusika ntoko yoovaha yooreera enikhuma wa Yehova. (Yak. 1:17) Miloko sinceene, sinniwiriyana Isipo sa Omwene okathi sinirumihiwa aya vakhaani-vakhaani, sihinatthi opacerya mithukumano sa mmulokoni wala wanikisa. Orumiha isipo sa Omwene, ori mukhalelo woohakalaliha woowaakhela atthu anirwa mmithukumanoni. Isipo iyo, sinnihakalaliha muupuwelo ahu wira nimukokhorele Muluku. Nave-tho, orumiha isipo isya siri muliivuruni mwahu ya masipo, onoonikhweiherya wiipa saana okathi ninttharihela ahu muusika. Orumiha isipo iyo nuumala muthukumano, onnincererya ohakalala ni olipiha wataana wahu ni annihu. Khula nikhuuru na axitokweene, pooti othanla akhala wira aniphavela orumiha isipo arumeelaka Acompanhamento em Piano wala Orquestra e Coral. Masi, awo ahaana ottittimiherya wira orumihiwa wa masipo awo ohinyakuleke wala owiiriha anna ohiiwanana yaavaanelaka.