Mulaleye ‘Itthu Sorera’ Orweela wa Owaakhela Aletto (Math. 12:35a)

Otheene ahu ninniphavela waavaha akina ‘itthu sorera’ nikhalaka atthu ‘owaakhela aletto’. (aRom. 12:13) Axitokweene annivaha ntakiheryo mmwaha ola, vaavo anipaka aya mareheryo a owaakhela alipa olavula myaha anikhuma miloko sikina ni waattikiherya musurukhu orumenle aya mwaha wa mukwaha. Masi, hiyo pooti woovelela owaakhela aletto mwaha woothoiwa, wala oxankiheya voohimya sa owaakhela atthu owannyihu. Wiiwelela wahu miruku seiyo Yesu anvanhe awe Marta, onoonikhaliherya. (Luka 10:39-42) Yesu aahittittimiherya wira “mpantte worerexa” wa owaakhela aletto ori wiiraana ni olipihana, ohiya ovaha yoolya yooreerexa wala oreeriha enupa. Tthiri, weettela miruku iya, onooniriha okawana ‘itthu sorera’ ni anna akina ntoko sinihimya awe Biibiliya.​—3 Yoh. 5-8.